老點呀！

上星期四下午5:45，收到SKH的電話，話要約見我們，要我星期五早上帶她一齊去見她們！（喂，我要返工架，唔係話去就可以去，我地排就排左差唔多一年，但，你地叫我去，就早一日就叫我去就要去到，你當我唔使做野架？）

約下個星期二，又唔得，星期四，又話過左社署的7日服務承諾，硬要我星期一去，仲要我六點前覆，有無搞錯？服務承諾？等左差唔多一年，你同我講服務承諾！！！

當然我無即日覆佢，不過都立刻請星期一假，第二日才覆佢！

今天十點到達，見過中心主任和護士，話要交埋份medical report就可以入會！

於是，我便去她睇開的西醫問下價錢，填份medical表要$500，另加檢驗費，因為要照x-ray和抽血！

於是，我地就諗，十月覆診時，已經照過x-ray，諗住叫QE醫生寫，就唔使再做化驗，於是，我就打電話去enquiry！

我：「我想要份醫療報告，有咩手續？」

接線者：「帶病人同意書、病人身份証副本，費用$695」

我：「病人同意書？有無樣版或form架？」

接線者：「無架，你自己寫就得架啦！帶齊野就黎xxx(地址）」

我：「ok，唔該晒！」

於是，我食完lunch，就帶埋所需文件去到！

入到去，我就話我想要醫療報告，職員立刻說，要6-8星期，（心諗：唔係化，咁鬼死耐？）

佢見到我交去的「病人同意書」，就話，我地要病人授權你去辦的那一份，唔係要授權醫院去寫交給另一機構的！

跟著，佢就比左份form我，話，你填左呢份form，就得架嘞，唔使自己寫一份！

心諗：有無搞錯呀？我已經打電話黎問過有無form，答我又話無，又要我自己寫，好嘞，我寫左，又話要填form，之前又話無form，而家又要我填form!

即係，今天搞唔掂！

6-8個星期，原來政府的工作效率超高，照住病歷寫份report都要6-8個星期，但又唔一定有！

唯有，去返私家醫生到做！

私家醫生逐樣收費話比我聽，跟著話，填份report要$200，乜唔係$500咩，做乜今朝姑娘話我聽$500？

原本以為...今天半日搞掂所有野...但...比人係咁老點...折騰左成日！！！