新加坡遊 (5/21/2010-5/27/2010) - Day 2

Day 2

約了HOD和她老公一齊食早餐，有咖央多士，半生熟蛋，和french toast，和凍檸茶。這裏出名咖央，但本人並不好，只覺得佢得個甜味。而且這個早餐好heavy，一次trip只可以食一次，哈哈。

回酒店等VP來接我們，她車我們去sentosa，我們本想去Univerisal Studio Singapore (USS)玩，但，去到的時候，發現好大好大的雨，於是，我們一行五人便入去casino，VP是新加坡人，要入場費，但佢已經買了全年pass，可以無限次進入，而我們四人因為是遊客，所以可以免費入場。

但我的背包太大，唔比我入去，要我去locker到放低個背包，原來這裏沒有寄存服務，要出去租，那些locker是全自動的，選好要寄存的時間，入錢，輸入password，就會有一個locker開左，放了東西後，按住門兩秒就會上鎖。不過這個locker的租很貴，S$3一個鐘。

放低背包後就再次進入casino，我們一齊逛一個圈，之後便散開各自去玩。

我們兩個玩左四盤之後，便打算上去USS玩，去到才發現，all tickets are sold out，未夠十一點已經full，唯有買明天的飛，明天再來。

我們坐Sentosa Express離開。

因為未能入USS，所以我們改變行程，將明天去的Singapore Zoo改為今天去，我們坐MRT後再轉巴士#927。

巴士只需要20分鐘左右。我們買了package，包tram及boat。

一入去就見到鸚鵡

Pola Bear

Deer

Goat

xx?

河馬

White Tiger

係package入面有一張S$1的coupon，但我們沒有留意terms，原來，只可以係4pm前用，當我們打算離開前買野飲時，才發現，已經過左可用時間了，白白浪費了S$1。

6pm關門，我們坐巴士再轉MRT離開，去到City Hall，見到唔知咩教堂。

下一站係Singapore Flyer，本來打算昨晚黎玩的，因為遲左到新加坡，所以，唯有今晚先黎玩。大約十幾人在同一格，有兩排凳，可以坐係到欣賞周圍夜景。

SANDS

大約三十分鐘轉一個圈。我們便去SANDS casino，但我們去到門口，見到大排長龍，本來打算入去轉個圈參觀一下，人太多，放棄了，去食我們的late dinner。

炸軟殼蟹寬條麵

雞肉漢堡包

食飽，便回酒店，今次，試了遊巴士河，兜了一大圈，才回到酒店。

Go to Day 3

 

新加坡遊 (5/21/2010-5/27/2010) - Day 1

Day 1

我們好彩可以安排飛同一班機，2:15pm的飛機，因為前一晚check in了，它寫了可以45分鐘前才到機場，所以，我們在12nn才出門口，坐巴士出機場，但...出事了!

去到巴士站剛剛送車尾，等了15分鐘才有下班，第一次坐這架巴士出機場，估不到，車程好長。

送車尾，送船尾，我諗大家都試得多，送飛機尾，你地試過未？（不過最好唔好試啦。） 

我們1:50pm才去到機場，我沖入去，問地勤，她即說，真係太遲，唔可以登機。佢好好，立即幫我地check下一班機，見到佢頭擰擰，我地都有d擔心下班機都無位，好在，到最後，佢都可以安排到下班4:15pm的飛機。

終於安心了，雖然遲了兩個鐘，但起碼可以繼續飛新加坡！

寄了行李，便去食tea！

因為我地變左早了兩個鐘去到機場，我地慢慢去到閘口登機。

因為坐機翼附近，好難影到窗外的景色。

飛機餐

原來6點到達，最後變成8pm，坐的士去酒店check in，做唔到，一個人張床都咁大，可以同家人share都無問題。

Settle down之後，我地外出。我們打算坐MRT去老巴刹，行出酒店問人怎樣去EUNOS這個MRT站，她一臉愕然，然後說好遠，建議我們坐巴士去MRT站，所以，我們就坐了巴士去另一個MRT站，叫Paya Lebar，坐去Raffles Place站。

MRT月台。

出閘後行了一陣，就到了老巴刹，出名吃沙爹。

有室內和戶外，我們選了坐戶外，不過，好熱。

沙爹及可樂

摩鬼魚

香蕉薄餅

走時，見到有人表演。

食飽都已經十一點了，我們坐MRT回去，因為每張車票都要付S$1的deposit，要在30日內退款。

我們在EUNOS站下車，嘗試行回酒店，地圖上看似好近，實際是，我們最後行了40分鐘，下次，一定唔會再咁行。

搞到12點幾才回到酒店，好攰。

 

Go to Day 2

 

新加坡遊 (5/21/2010-5/27/2010) - 前記

今次新加坡之遊，是因為公司在5月初，突然通知5/23-5/27要去總公司開會及training，因為5/21是假期，所以我request了早兩日去新加坡玩玩。

初初打算自己一個人去玩，但後來同家人講起，佢可以自己買張機票，在我公司安排的酒店「屈蛇」，可以慳返酒店錢。

我幫家人訂機票，而我的機票酒店就由公司的Admin負責安排，結果…我5/21飛，5/20才可以confirm到我的機票，搞到咁遲，都係訂唔到平機票，$4xxx，真係無諗過去新加坡要咁貴！好在，我幫家人訂的機票，唔使咁貴啫。

Go to Day 1

新加坡遊 (5/21/2010-5/27/2010) - 後記

一個星期的personal+biz trip，終於回來了，得出一個結論，新加坡真係好熱。

昨晚落機，今朝返工，超zzzzzzzzzzzzzzzzzzzzzz

 

Go to 前記

2010好凍下水禮

前兩日朋友話星期日31度，昨天小雲問我，今天去玩水好唔好，因為佢的camp取消了，諗住，31度玩水都幾爽，點知...

我在彩虹轉小巴的時候，還好好天，好曬，但小巴轉入去西貢的路時，已見天陰陰，同車乘客還在說，唔知會唔會落雨？

見到小雲和小吉之後，就去了超市買野食，哈哈，第一次帶壽司去游水，還有义燒，牛展，網瓜。買完東西，但坐船去半月灣。

大約20分鐘便到達，我們泵起了浮床，便出動了。嘩，D水好凍呀，但，因為時間尚早，落水無耐就適應左水温。

小雲、小吉有時會講，有魚仔呀，有海星呀，有xx呀，每次我潛進水入面，之後都係回應一句，我睇唔到呀。究竟，係我的鏡睇唔清楚，定我的視力唔好，點解，除左海草，石，沙和海水之外，我咩都睇唔到?

玩完一陣，便開餐，食飽，又再下水，但，好凍呀，落水之後打冷震，要郁動一段時間才可以暖和一點，因為水退的關係，我們成功游到出浮台。不過，上去一陣，被風吹一吹，已經震震震，所以好快要落返水，睇多陣（其實我都係咩都睇唔到），便上水了，吃埋個網瓜，便坐六點尾班船回西貢。因為半月灣沒有淡水，只可以用井水沖身，回到西貢便去了運動場洗澡，之後才去吃晚餐。

晚餐有pizza和意大利黑菌雲吞，因為餐廳有顏色筆供應，我地一邊食，一邊在枱上的畫紙上畫公仔。嘻嘻哈哈吃過晚餐，便回家去了。

母親節晚飯@翠園

母親節當晚去了上課，所以，我們在星期一吃母親節晚飯，我們選了半席的套餐。

餐前小食

蟠龍帶子盒

咬開之後

雪花龍牙鮮蚌片

金蒜蒸開邊龍蝦

魚肚鮮竹浸翡翠

花膠筒瑤柱養生雞湯

鮮冬菇扒翡翠

荷塘葱菜蒸石斑

頭抽醬油雞半隻

合時甜品，紫米露

菠蘿雞粒炒飯

我們在落order時預計食唔晒，最後，打包了頭抽醬油雞和菠蘿雞粒炒飯

外影-尖沙嘴海旁

三角迴廊：人物要放在高光位才影，但，無人敢經過。一堆的相機在一邊，另一邊就算有人想經過，一見到有咁多相機，就調頭走。同學請了兩位幫手，但，好快，佢地發現有咁多相機，都耍手擰頭。

ISO400, 1/6, F11

鐘樓：要影到避雷針對正尖位，又要三角位靚，又要見晒兩個鐘，嘩，好難影呀，「阿Sir，我唔夠高點算？」「咁點舉高對手影lor」，舉到盡都係唔得。

ISO100, 1/500, F5

要影三個波波的側光：「阿Sir，其實即係要影咩？」問下阿sir，望下人地點影，哦，原來阿Sir想要呢類。

ISO100, 1/125, F5.6, -1.7

鐘樓：前面的花花要out focus，後面鐘樓要清。講就容易，影起黎就...

ISO100, 1/40, F4.5

鐘樓：要在噴水池見到鐘樓，oh，又一失敗之作。我係之後才知邊要求，但沒有再影。

ISO400, 1/5, F3.5

唔知影咩，要兩邊有柱，即係點呀？

ISO100, 1/5, F4

鐘樓：之前偷步影了一次，天未黑時，天空還帶點藍時影，但，我夜了一點，不能影到藍天。

ISO400, 1/8, F5

框型：沒有用腳架之下影的。

ISO400, 1/2, F5

開了腳架，慢快門。因為腳架未能好好對準，所以要用手幫忙，結果，咪手震lor。

ISO100, 30, F11, 腳架

夜景：c兄過要開B快門，佢聽唔到問＂點開＂，於是佢再叫我開B快門，我唔知點開呀？佢唯有幫我開，哈。

但，唔知點解個B快門，沒有佢想要的function，唯有，就自己調較不同時間的快門，這張4秒，尚可。

要shutter 繩喎，唔好意思，我地無呀，阿sir教用自拍mode，按制2秒才開始影。

ISO100, 4, F8, 腳架

阿sir要求我地用黑卡去遮緊d光，又即係點呀？又勞煩c兄指教。簡單黎講，就係將兩張黑卡係鏡頭前郁來郁去。

ISO100, 30, F8, 腳架, 黑卡

第一次影幻彩詠香江，沒有技術，沒有器材，都好難影。