上司(三)

有朋友問，點解你上司成日瞓覺，都仲係公司生存到？

我都好想知答案！！！

佢勁之處，不單是平時在自己位到瞓，而是，連開會期間，他也不放過瞓覺的機會。

跟自已部門老闆開會的時候啦！

跟客戶開會的時候啦！

開電話會議的時候啦！

最勁的是，跟大老闆及一大班其他部門老闆開會嗰陣，佢都可以唔理，照瞓！

究竟，佢抱住咩心態上班？

除左佢有病，我真係唔識解釋！！！

覆診二

手術後一個星期就第二次覆診。第一件事就是驗眼，姑娘先用電腦驗眼，然後就叫我遮住左眼，用右眼讀些數字出來，第一二行都ok，第三行就有d讀唔到。

輪到左眼，第一行我已經睇唔到，佢叫我＂斬斬＂眼再試，都係唔得。佢就叫我用遮住隻眼張卡，在好細的孔中，望去d字到，OK，第一行讀到，第二行就有困難，第三行完全唔掂。

 

之後去見醫生，醫生先檢查傷口，話傷口OK，可以減藥。

 

醫生：覺得點呀？

我：夜晚對眼好痕，好多時都會不自覺卒眼，不過戴左眼罩，卒唔到。

醫生：好彩你有戴住，如果唔係就會卒親傷口。可能係d藥令你好痕，今日開次減藥，試下會唔會無咁痕，不過你最好戴多幾日眼罩，無左眼痕先唔戴，會穏陣D。

我：上星期對眼好紅，點解？

醫生：嗰D紅唔緊要的，而家已經散得七七八八，而且嗰度唔係傷口，無問題的。

我：頭先驗眼，我左眼好似好唔清。

醫生：左眼仲有散光，不過第一個星期，度數係會唔穏，遲d就應該OK。下次一個月後黎覆診，再睇睇度數。

我：可唔可以運動，如跳舞或跑步？

醫生：過左一星期應該可以，不過要小心唔好比汗水入眼，或身水身汗要洗頭時有水入眼。

我：咁即係無汗水／水入眼做運動係可以？

醫生：係。
我：可唔可以搽眼部護膚品？
醫生：最好唔好啦，你對眼仲痕，如果加埋對護膚品敏感，就唔係幾好。
我：哦！

 

約了一個月後覆診，而藥方面，類固醇可以減為每日一次，滴多七日就可以停；消炎藥就可以即停，姑娘幫我掉埋，人工淚液就繼續每日四次，用晒去藥房買。

希望，遲D左眼真係會清返，唔想做＂修補手術＂。

 

手術後及覆診一

手術後，醫生用了一對透明眼罩保護雙眼，才離開手術室，這雙眼罩，要戴到第二天覆診才可以除。

 

雖然覺得佢地趕收工，但我臨走前，都食埋粒止痛藥才走。因為放大瞳孔，所以睇野朦朦地。

 

醫生話麻醉藥過後，如果好痛再食多粒止痛藥，同埋，如果標眼水，除非流出眼罩外，否則不要伸手入去抹。四至六個鐘不要看電視和電腦。

 

回家吃過飯，又不想咁早瞓，唔睇得，咪聽電視，聽到十點幾先去瞓。眼痛和標眼水的情況，都無發生過，真奇怪。

 

第二天去覆診，帶了太陽帽出街，遮遮猛烈的陽光。去到，姑娘幫我除了眼罩，清潔眼睛，才可以驗眼，之後見醫生。

 

醫生：尋晚係咪好辛苦？

我：食左一粒止痛藥之後，都無痛過，所以都無再食。

醫生：哦！每個病人的情況都唔同的。不過，你手術都好好。不過你對眼好細，啱啱好放得入舊野，不過有些病人真係放唔入。

我：咁咪好可惜lor？

醫生：咁又唔係，可以有幾他方法，如xxxx，（聽唔明，不過唔關我事就無心再問）。你幾時返工？

我：星期二

醫生：咁你對住電腦，唔好太長時間，要間中休息下對眼。

我：哦，明白。

醫生：你仲有咩問題？

我：無

 

就咁，就見完醫生，姑娘給了我三支眼藥水，第一支係類固醇，第二支係消炎藥，第三支係人工淚液，每隔一個鐘輪流滴。約埋下次覆診日期就走得。

回到家，我才發現，原來雙眼眼白的位都好紅，下次覆診問下醫生先得。

 

 

改變ED

之前個blog提過會有一個改變，個改變就係，暫別四眼行列！

 

舊年有了做激光矯視的念頭，上網看了資料，聽了兩次講座，一個是聖保羅的，另一個是浸會的。聽完之後，還是十五十六，最後就不了了之。

 

到今年年初，財爺話：「每人派$6000」，我就決定用這筆錢去做手術。雖然係唔夠手術費，但幫補下，總好過無。

 

選擇十月做手術，因為過了夏天，不會再玩水上活動，而十一及十二月，公司會比較忙，不想這段時間請太多的假。

 

再上網看看資料，大部份人都係講兩間眼科中心及名人醫院，去年我聽講座的兩間醫院，都沒有人提及。不過，始於覺得醫院穏陣些，但名人醫院太貴，所以，我就係我聽過講座的兩間醫院中，二擇其一，最後選了浸會，因為近些和朋友comment都覺得佢OK。

 

十月八日去聽多一次講座，講座前會驗眼及量度眼角膜厚度，初步評估適唔適合做激光矯視。然後就由醫生講解什麼是激光矯視，會有些什麼風險等等。其實我已經決定了做，所以都有問一些問題。臨走前，約了十七日去做手術前檢查及二十一日做手術。

 

如果有戴contact lenses，軟性及有散光的，就要停戴兩個星期才可以做手術前檢查，好在我十月沒有戴過，所以可以跟我的計劃約時間檢查。

 

手術前檢查：

 

首先由姑娘電腦驗眼，然後就到量度眼壓。之後就由視光師再準確驗眼，好似平時配眼鏡咁，然後，量度眼角膜厚度及瞳孔的大小，為手術提供準確的數據。

 

在量度眼角膜時，搞左好耐，原因是視光師話我隻眼郁左，原來要hold住隻眼唔郁，望住強光係好難，我整左幾次先OK!

 

之後，就係測試淚水，放了張試紙在眼下面，合埋雙眼，隔一陣，就對比試紙的顏色，我比較眼乾，所以，姑娘話，手術後，眼乾的情況會更為嚴重。

 

最後，就係見醫生，醫生話我一把年紀，好快就會有老花，到時就要帶返老花鏡。醫生話有人會做單眼，可惜，我右眼近視深，左眼散光深，所以，如果做單眼，另一隻眼都係唔清，如果，我散光深轉埋去右眼，我就可以只做右眼。結論係，一係做晒兩隻，一係唔做。

 

見完醫生，又令到我十五十六，不過，我繼續排了二十一日做手術，叫姑娘比一日時間我去考慮，第二天打電話confirm我做定唔做。

 

因為瞳孔放大，睇野唔清楚，所以，坐巴士回家時，要等架巴士埋站，我先知係咪自己要上的車。

 

回家，和家人商量之後，都係決定去做。其實，我應該早幾年去做，會享用多幾年。

 

手術當天：

 

去到醫院，第一批的四位人士已經做完，不過要休息一下才可以離開。坐在我隔離的一位女士，做完之後好似好辛苦咁，她身旁男士問她是不是好痛，她說不是，再問她係咪好唔舒服，她說係。陪我來的姐姐立刻問我，係咪好驚，隔離嗰個好似好辛苦咁。

 

最初我都以為自己會好驚，但，在等待的過程中，又無我估咁驚。

 

我是第二批的最後一個，所以每個步驟我都要等前面兩個做完才到我。首先，視光師幫我再準確驗一次眼，然後就等見醫生，醫生再reconfirm一次，就可以換衫準備做手術。

 

手術有兩部份，第一部份是界開眼角膜，第二部份是打磨。換好衫，姑娘會滴麻醉藥，和解釋入到手術室，要做什麼。

 

躺在手術床，姑娘會問我叫咩名？問做乜手術？邊隻眼？有無藥物敏感？OK才由醫生開始做手術，先由右眼開始，他將一整唔知乜野放入我眼內，他說，你隻眼好細，好難放入去，所以佢左拉右拉，終於將舊野放左入去，之後，又話我眼睫毛長，又要整一整唔好比眼睫毛阻住D激光打入眼內。

 

我只見一些強光和中間一片黑暗，唔知發生乜事，隔一陣，醫生話OK，到左眼，佢就重複整個過程，好快又搞掂，出去等。

 

姑娘再滴麻醉藥，又幫我臉頰消毒，坐係到等第二部份，一來要等前面兩個人先做，二來要等霧化消失一些，才可以做第二部份。

 

臨入手術室，再滴多一次麻醉藥。姑娘問了同樣的問題，才由醫生做手術。先眼四周的地方貼上膠紙，然後望到醫生隻手係眼前郁下郁下，將眼角膜揭開，我要做的，只是望住紅光，初初又一點，慢慢散開了，又慢慢變回一點，什麼也不要理，只要望住紅光就可以了。其間聽到一些打磨的聲，和聞到少少燶味。

 

之後，醫生就用水沖淨，將眼角膜慢慢放回，但有水泡，要重新來過，沖沖水，再放多一次，終於成功。然後到左眼，好快又搞掂。

 

姑娘話，如果無乜野可以換衫，可能我係最後一個，前面兩個人，姑娘係咁同佢地講：你坐5分鐘，無事就可以換衫。

 

換完衫，出面只剩姐姐，沒有其他病人或陪著病人的人。之前的病人都會休息一陣先走，而我，就見埋醫生，就立刻走得。總覺得，佢地趕收工，見我無乜野，約了第二天覆診就話我走得。

 

 

 

McDonald x Hello Kitty

朋友通知，M記又有Kitty了。專登就去M記睇下實物，好似幾OK喎，所以，就一次過買了一set！原來買一set，都要先買野食！

四隻kitty，分別同麥當奴叔叔，漢堡神偷，滑嘟嘟及小飛飛crossover！還有一個TOTE BAG，一張為食咭及$10 coupon四張。

小飛飛

漢堡神偷

麥當奴叔叔

 

滑嘟嘟

為食咭和$10 coupon



買左之後，又要搵位放置它們

 

改變

決定了，又猶疑了，再下定決心了！
兩天之後，就有個新變化，既興奮，又緊張！

新明記/八月居

尋日同朋友去左試衫，揀好之後，唔使咁快度身，因為而家度完，三個月後可能又唔同左，所以遲D才再上去度身。試完還早，所以去shop一shop，然後再去朋友家坐一坐，才去食晚飯。

佢地book左新明記打邊爐，六個人，可以叫多d野食。

首先叫了個豬骨煲。好多豬骨，佢地話豬骨好好食。

冬瓜，白蘿蔔，醬爆丸

脆肉鯇魚片



脆肉鯇魚腩


雜餃，其實我都唔知佢地乜餃打乜餃，哈哈。


羊肉片，佢地話好蘇，好正，不過我唔食羊。



墨魚滑，我覺得唔夠彈牙。



醉蝦，拎過黎嗰陣d蝦仲郁架，個蓋好快比彈彈下的蝦彈開左，其中一隻蝦跳左出黎，嚇得我同朋友一大跳，嘩嘩大叫。最後搵兩隻碟壓住佢，等佢地慢慢飲醉。



雪花牛，好瘦，唔係太多雪花。走嗰陣見到隔離嗰碟，才名副其實的雪花牛，我地呢碟只叫牛肉。不過，我怕肥，所以唔係好雪花都OK！


牛胸爽，第一次食，爽爽地，不過無乜特別味，只係食口感。


還叫了午餐肉，雜丸，魚片頭等。

食得好飽，原本打算之後去食甜品都放棄了。

我和其中一個朋友，飛起其他朋友，繼續二人世界，happy hour！
慢慢由佐敦行去尖咀。

上了八月居飲杯野，兩個人望住個海，吹吹水，爽呀！

朋友選的八月花，比較清。


我選的三月花，哈哈，有點葯水味。


講講開心、唔開心的事，好快人地要關門趕我地走lu！

 

 

 

 

 

 

 

 

 

上司(二)

之前寫過一個blog關於上司，話想學下同事一樣，去欣賞自己的上司，但原來，係好難架！唔單止學唔到，而且，近來越來越不滿tim

今天HOD不在HK，她打電話給我，叫我幫佢做一樣野，本來老闆叫下屬做野無乜問題，聽完電話，下意識望了阿gr嗰邊一眼，即刻嬲爆，因為HOD叫我做的野，原本係阿gr做開，無端端做乜打黎叫我做，有無搞錯。

我嬲，唔係HOD叫我做野，而係十一點幾，我仲見到以下相中情景，忍唔住，拎左手機影低佢！當然，我無咁揚咁影佢，只係影左佢背後玻璃的倒影。

大家估下，阿gr當時做緊咩令到我咁嬲？

東北縱走2012/渣打馬拉松2012

話唔玩又玩，又報左名出年的東北縱走，今次路程比上次較短，但友人話會有一段路有沙石，除了大上落斜係我的弱點外，行沙石都係我好驚的路段之一，好驚會跣親，又會行得特別慢，又阻住友人的進度。

http://nemm.hktraveler.com/route2.aspx

【公開組】：SP › CP2 › CP3 › EP
烏蛟騰 › 九擔租 › 吊燈籠 › 芬箕托 › 亞媽笏 › 分水凹 › 荔枝窩 › 三椏村 › 三椏涌 › 下苗田 › 横嶺坳 › 九擔租 › 烏蛟騰 （全程共15Km）

早上九點半起步，最遲要在下午五點完成，應該，行得晒掛。

除了呢個外，今日還報了另一個活動，一把年紀先學人去玩馬拉松。當然，對我呢個門外漢而言，我只係玩10K啦。

報名之前，都沒有看清楚，友人話報邊個時間就邊個啦，後來睇返，原來係有requirement架，第2組要係1hr20mins裏完成架！

今日去gym room試跑5K，用左47分鐘，如此推算，10K要104分鐘（加左20%時間在後5K，因為會攰d，跑得慢d)，應該去跑第5組。

仲有5個月時間，操操應該得掛。

十公里
賽事	十公里挑戰組	十公里1組	十公里2組	十公里3組	十公里4組	十公里5組
組別(*)	青年組、壯年組、 先進1組及先進2組	凡16歲以上均可參加
起跑時間	上午 5時30分	上午 6時正	上午 6時30分	上午 7時正	上午 7時30分	上午 8時正
最佳成績	少於 00:50:00	00:50:01 – 01:10:00	01:10:01 – 01:20:00	01:20:01 – 01:30:00	01:30:01 – 01:40:00	多於 01:40:00
比賽時限	全程 : 2小時

好快冬天了，冬天最喜歡就係食野，而且仲會食得多，打邊爐，buffet，christmas gathering呀，怕食咁多，會變肥豬！所以，面對出年兩項運動和兩個婚禮，我要操fit D呀（無論係體能上和體型上）。

法國餐@WHISK@MIRA HOTEL

昨天跟了老闆出去食lunch，吃了個法個set lunch，可惜同老闆一齊，唔方便影相，但，食物真的好精緻呀！

我唔係好識睇menu，所以在選東西的時候，只能選一些我睇得明的東西來order！

以下是我選擇（回家再查查字典）：

Starter: Salmon Carpaccio - Sour Cream, Ginger, Avruga Caviar　

薄切三文魚，配魚子醬

Main Course: Australian Beef Tenderloin -  Potato Gratin, Tomato, Shallots sauce
牛里脊肉，配奶油烤薯：薯仔不是半個完整，而係切成一片片的，之後再放返埋一齊變番做半個薯仔。

Dessert: Ice-cream
雲尼拿，朱古力和士多啤梨雪糕：不知什麼牌子的，但我覺得上次係The place食嗰隻朱古力和士多啤梨雪糕，味道和口感都好得多。

Drink: Coffee

食飽加杯咖啡，超滿足，我到晚上去飲嗰陣都仲係好飽。

朋友結婚，在I Square擺酒，從26/F影出去的夜景



酒樓內的吊燈

Dinner Buffet @ Langham Place

第一次收到langham酒店的birthday buffet coupon，可以在佢旗下三間酒店中，選擇一間食lunch/dinner buffet（一位）。為了唔好浪費這個free buffet，所以約了朋友在昨晚用了它，過了昨天，就變成廢紙！

今次係今年第二次去，上次係dept head升職時佢請的！今次就當係自己的生日飯，哈哈！

長腳蟹，雖然咸了一些，但好好味。

每位送上一杯紅酒

生蠔，普通一些啦，所以都無encore了。

魚生及蝦天婦羅，魚生好鮮，天婦羅剛炸出來，正。

Jamon Serrano (Ham)，西班牙火腿之一，不過唔係最貴的黑毛豬火腿。
 

胡椒蟹（定黑椒蟹？），少少辣，好惹味。

食飽主菜，dessert time！

豆腐花和士多啤梨酥餅，豆花一般

甜品唔係呢到的強項

兩個人share都係食唔晒！！好在，還有好味的雪糕

最後，飲埋杯cappuccino作總結