新年後遺症

今日去左做gym，順便去磅下，天啊！又重左呀！過了一個豬一般的新年假，係要付出代價呀．．．唉...又要努力減肥lah...夏天又好快會到lah...

開工大吉

今日去左個fd到做野，逗左封開工利是．．．哈哈．．．還有明天一天，就要正式返工了，真的覺得假期一下子就過去了．．．又要等下個假期了．．．

仲有3日假

還有3日，新年的假期就完了，好唔想返工呀，點算好？呢幾日唔係食同瞓，睇下DVD，好舒服呀，以前新年太長假期會覺得好悶，但今年就無咁既感覺，仲覺得時間過得好快，轉眼就過左六日了，好唔想假期這麼快就完．．．

World Carnival & Mandarin High Tea

今天和朋友去左環球嘉年華，入場費$150包所有機動遊戲及有30個代弊玩攤位遊戲，我們玩左摩天輪，Euro Coaster，跳樓機，Formula 1，老鼠也瘋狂，靈異火車，及另一個唔係太激的遊戲。

其實我最想玩的係G Force，但，可能年紀大了，唔係好敢玩，最後都係冇玩到．．．玩完機動遊戲後，就玩攤位遊戲，沒有大收穫，我和個fd每人有兩隻小公仔，不過我其中一隻，我一見到就大叫，嘩！好醜樣呀（見圖）！

玩到差唔多３點，就同個fd去左Mandarin high tea，玩完就去食下野，hea下，relax下，好舒服！

下次要去inter-con...

 

 

 

 

新年快樂

放左三日假，第一日上網，係度同大家拜年，祝大家豬年身體健康，發大財，心想事成，快快樂樂！

呢兩日除左今朝出去食早餐外就冇出街，係屋企打牌兼睇碟，無聊hea下。

Daniel Special Edition

尋日一早去7仔買野，已經冇晒special edition，以為又儲唔到daniel及kitty一pair，好在同事有多個daniel比我，咁就又齊lah...

Dinner in Festival Walk

今晚與舊同學出黎食飯，食意大利菜，唔知係咪太多肉啦，唔係咁啱口味，最好食我覺得係個沙律，至於甜品有tiramitsu，因為我唔好tiramitsu，如果係cheese cake會開心好多，重有唔知係唔係人多，service又唔係幾好，令我對這餐廳印象麻麻地．．．

功課

今早send email交左功課，點知剛返黎check email，阿Sir話唔係要嗰樣野，原來佢上一堂改左instruction，但我冇返，所以唔知，聽日係deadline，都唔知佢想要咩，點算．．．佔30分架，唔合格claim唔到錢呀．．．

佛跳牆

佛跳牆，聽就聽得多，今晚就第一次食，好似一蛊湯咁，入面有瑤柱，飽魚，魚翅等等，雖然它好味道，但，今晚餐飯就食得好拘謹！

原本係個SFM同個FM陪我地個COO去同banker食飯，但因SFM臨時要飛SH，叫我去頂替她，我已經係上星期推說我要埋數，冇時間去（其實係我唔想去應酬），點知，佢冇程程send個email比COO話我會和FM陪COO去，唉，佢又唔聽人意見lah...

去到，好似啞巴咁，唔係好敢講咩，怕講錯野，諗住只係食野就算，好哀唔哀，個COO比左個位要我講下野，我好快講左幾句，之後就冇咩再出聲，因為，我都覺得自己好似真係講錯野，不過，有經驗即係有經驗，COO即刻幫我兜下。雖然，唔係真係講得好錯，不過就講得冇咁圓滑，冇咁圓美。

呢D真的要講經驗．．．繼續努力去學lah...雖然，唔覺得會學得黎．．．

 

年假

終於決定左放埋星期五，新年就會放足９日...到時就可以好好休息lu...

香港工業中心

尋日原本打算去香港工業中心shopping，睇下有冇平衫，買返幾件，但原來禮拜日係冇咩舖頭開，所以我和朋友就去左行harbour city，雖然平日一至五都會係到出現，但就好少shopping，不過我一樣野都買唔到，遲D再去shopping，要買新衫過年！

Annual Dinner

星期五係公司的annual dinner，本來要上堂，經過掙扎之後，最後我都係去左annual dinner，因為大老闆今年出席，同事話老闆會出錢做抽獎獎品，所以，都係去annual dinner。

第一輪抽獎，抽中左兩張戲飛，不過在第一輪抽獎時，大老闆屈其他老闆「捐款」，令我們有第二round的抽獎有成兩皮幾，好開心，我都中了一個$1k的現金獎。

大老闆過來敬酒三次，我們個枱冇人"show"佢，之後，另一個老闆過來，本來都係冇人"show"佢，後來新升的SFM過黎，話如果我地唔飲，佢頂，佢項左同事的兩杯，我和另一個同事，各自飲一杯。飲左一杯black label，S$100。都幾堅架！

遲到！被炒？辭職？被迫自動辭職？

究竟返工遲到係一件幾嚴重的事呢？

係舊公司，根本就唔係一個issue，全公司上上下下都會遲到，不過係遲多定遲少，但係呢間公司，就係一件很嚴重的事情！？今日聽到一個震驚的消息，係新升做SFM的話比我聽，她講話SH的FM會走，但她所講的野有D隠晦，令我聯想到SH FM可能不是自己走的！她講，因為他經常遲到，令大老闆不滿，她說連我地dept老闆都撐他唔住！

諗起昨天與他傾電話的時候，覺得他的說話，我覺得另有所指，但又唔係聽得好明，今日聽完呢個消息，諗返起他尋日講的野，約略知道他所指的是咩了！

將來日子點過呢！？