踏入2010年，我完成了我第一個目標，就是行畢全程！
路線(全程20km)：烏蛟騰(SP)-->九擔租-->下苗田(CP3-3.5km)-->犁頭石-->三椏村-->荔枝窩(CP4-5.5km)-->梅子林-->分水凹-->谷埔(CP5-4.5km)-->鳯坑郊遊徑-->山火瞭望台-->烏蛟騰(EP-6.5km)
今早比返工還要早起來，出門口時，天還未亮，先去了M記吃了個早餐，坐小巴到九龍塘會合Sleepy，然後到大埔再會合佢的兩個朋友，我們一行四人坐shuttle bus到達起點烏蛟騰，登記及取號碼布後，便要等到9:30am的開始時間！其間，吹吹水，睇下別的參加者的服飾！
呢到就係起點區，橙色的T-shirt係大會提供的
參加者在等候出發
出發前，先黎一張合照
烏蛟騰(SP)-->九擔租-->下苗田(CP3-3.5km) ~ 30 mins
因為我們參加的是體驗組，所以第一個check point係CP3，比挑戰組行少2個check point(行少12km)！
一開始，太多人一齊出發，又係平路，所以，好多參加者都跑，而友人也為免阻礙他人，佢地跑時我也跟著跑，跑了一段，已經上氣唔接下氣，好在好快D人散開左，佢地開始行，我就唔使再跑了！
由SP到CP3，我們用了半小時，在CP3，有些挑戰組的參加者已經黎到，所以，我們都會先讓他們先行（其實佢地係跑的
）
下苗田(CP3-3.5km)-->犁頭石-->三椏村-->荔枝窩(CP4-5.5km) ~ 1 hour
呢段上山路，上次pre-trip是沒有行過的，兩旁都係植物，又係泥路，雖然今天沒有下雨，但前一兩天都有，所以地下都是濕漉漉的，不時都要扶下兩旁的植物才可以行上去！
這裡有條水管，友人話挑戰組有人居然在上面行，好似行平行木咁，勁勁勁！我，當然係行落條坑到啦！
還有一段路就到荔枝窩
荔枝窩，有香蕉，雪梨，及水供應，吃了隻香蕉，refill了個水樽！
荔枝窩(CP4-5.5km)-->梅子林-->分水凹-->谷埔(CP5-4.5km) ~ 1 hour 20 mins
荔枝窩出發後，係上次pre-trip最金的一段，上次行過一次，今次雖然都係上氣唔接下氣，但，感覺又無咁辛苦！
之後，某一段落山的路，係用石鋪的梯級，但，石頭上有青苔，加上濕濕地，所以非常之跣，我用了"蟻冷"的速度，去踏得好隠才踩上去，但，都係經常跣脚，有一次，我跣到隻脚指公直"揼"落舊石頭到，痛爆！
Sleepy話不如行泥路，雖然係跣，但，無石頭咁跣！又真係好D呀！
行呢段，真係一步一驚心，好怕跣到跌傷，幸好，安全渡過！
CP5也是一個補給站，吃了香蕉，才繼續前進！
谷埔(CP5-4.5km)-->鳯坑郊遊徑-->山火瞭望台-->烏蛟騰(EP-6.5km) ~ 2 hours 20 mins
終於行了三分二，還有最後6.5km，呢條路去鹿頸，係海邊，比較易行！
在鳯坑郊遊徑轉上去，行了一段上山，呢截，可以當係之後上300m前的warm up，行完呢截，也要吃個麵包補充下體力先！
休息一會，便開始另一段好金之旅，上山，望落去，有成45度架，好在兩旁有樹木，可以借下力之餘，當扶手，無咁易跣返落山！
上呢段45度的山好難，落呢個45度的山難上加難，我又怕跣，有時幾乎接近坐的地上咁落山！
跨過第一個山後，還有N個等著我，雖然沒有第一個咁斜，但，都係好金，而且，兩旁的植物，高過我，我已經埋沒左係植物裡面，只可以望到前三四步的路面，成日都以為前面無路，行了幾步，又見到條路！
有些上山的路，幾乎有我膝頭哥咁高，要跨上去真係好難，要手脚並用，才可以爬到上去！
終於，到達左呢個烏蛟騰山火瞭望台，還有1K多D!
轉個彎，見到個banner，還有1K就到終點，因當時已經和友人分散而行，所以，我在一個分叉點，見到一班人好開心咁話仲有1K就完成，所以，我就跟左佢地向左行，點知？
我行了一段向下的山路，聽到電話响，不過响左一下就停左，我落緊山，見佢無再响便無理佢（以後唔好唔理電話响過），繼續行，行到去一度寫住"亞媽笏"的地方，唔識行tim，係我好迷惘的時候，電話再响，原來sleepy打比我，話我行錯路，應該轉右的地方我轉左左，咁我同佢講，佢繼續行呢，我自己返轉頭，向返右行，點知，我返到一半到，見到sleepy的朋友來找我，真係唔好意思，要佢行多左寃枉路，同佢繼續行回頭，sleepy在等我，佢的朋友就先行，隔多一陣，因為真係得一條路，我就叫sleepy先行，到終點才等我，我諗我唔會再有機會行錯路架嘞！
終點前係一截平路，好多人都會跑返終點，我就繼續用行的方式行回終點，蓋埋EP的印就完成了今次的行程了！
工作人員告訴我行了5:08，我已經無乜反應，因為，時間係幾多對我黎講無咩意思，最重要係，我終完行畢全程，我已經好開心了！
立刻去食個雪梨，飲野，補充一下，等候拎証書，sleepy的另一朋友，參加挑戰組的，已經在終點等我們！
我地參加的組別的頭20名，冠軍的，只用了2:25就完成，勁！而男子挑戰組冠軍，32km，居然都係3:13，佢地，真係跑山，而我，都係比較適合慢遊，哈哈！
拎完証書，就坐的士去大埔，食個tea才回家！
途中，佢地問我出年會唔會再參加，我，猶疑地答：諗下先啦！
20K，對我黎講，太長，太有壓力了，試過一次之後，20K可能係"可一不可再"的活動了！
，咁的態度，無心救人，就唔好黎做姑娘，病人都係人黎架，唔係連去廁所的權利都無架麻？
好在，有朋友在，由佢發板！
