執屋(下集）

尋日因為趕住走，所以，清潔到一半就走左，今日，繼續下半場！開始前，先換左把大門鎖，賣鎖的人話，呢類的鎖唔會幫安裝，但好易架咋，你地自己都裝到咁話！

夾手夾脚，搞左都幾耐，終於，安裝到個鎖，哈哈，我地連自己換鎖都識嘞，又摼返d $$$

差唔多搞掂，仲有廚房上面的廚柜，因為唔夠高，要用梯擒上去，擒上去時都幾驚，唔係怕高怕跌，而係怕，唔知會唔會有小強係我一開柜門時跑出黎，係個梯上面，我想走想避都唔係咁易！

膽戰心驚的情況下，打開每一個柜，好在，無小強跑出黎嚇我，咁樣，就可以安全咁洗洗抹抹！

完成最後一到，噴埋殺虫水，就離開了！

辛勞完，又走去睇電腦，其實，我地打算買電腦已經超過一年，但因為之前出vista，唔係幾想用vista，所以，等到而家出左Windows7，就真係係時候換機了！

雖然係同一個連鎖店，但唔同分行，就賣唔同的野，尋日嗰間仲賣緊舊series，話下個星期出新series，我唔買就無得買，今日呢間，就已經係新series了，價錢係唔同左，個spec都有唔同左！

我地有心買，尋晚嗰sales肯比小小心機sell我，或者我已經尋晚買左舊model，但佢可能覺得我黎"運吉"，無乜心機理我，所以，我就無幫襯佢！

價錢，好多時候係主導左個客買定唔買，但，當，價錢一樣的時候，通常，買與唔買，會睇下會有咩贈品同個sales的服務態度！