Last day !?

今天是旅行前的最後一個工作天，好有就黎離職的感覺，點解？因為，同事都會問...今日last day喎？哈哈。。。無錯，係放假前最後一天。。。

另外就係，要交抵晒手頭上的工作給同事跟進。嘻嘻，係咪好似要走咁呢？

我已經準備出發，尤其係心情上，呢幾日都好有holiday mood，覺得自己好似放緊假咁！

明天，有一整天去收拾行李，吃過晚飯，才出發去機場。

西班牙，我黎嘞。。。等我呀

 

Hot Pot @ Lamma Island

上午影完花，就由銅鑼灣行到去灣仔，吃lunch，但都差唔多三點了。

朋友K話，如果我去開灣仔，幫佢去會展比deposit，所以，佢尋日問左，要今日比錢作實，我見有時間，便去幫佢，去到會展，call了個staff，佢出黎帶我入場，咁我就唔使買飛入去。

入到去，個staff問我book左咩時間，朋友K事前沒有講清楚，我唯有即場call佢，收線後，個staff查完，話個日期比人今日比左deposit book左，我咪再打比K，然後將手機交比個staff同佢直接傾，我見個staff一臉無奈，我相信，電話中的K應該係到＂丙＂緊個staff。

第一次入婚紗展，就係咁的情況之下入去架嘞。

之後，就約返今朝一齊影花的朋友，因為，我忘了問佢拎我問佢借的SD card，因為，諗住帶定多D Memory card無壞。

未夠鐘，我就繼續由灣仔行去中環，但，到達金鐘時，覺得可能趕唔切四點半班船，所以，就由金鐘坐巴士。船未到，就坐在碼頭附近欣賞下維港對岸，到船到才入碼頭。

第一次覺得船程好短，因為，一上船就瞓著左，哈哈。

晚上，開始打邊爐，朋友自製蕃茄粟米湯作為湯底。

每次去南丫島，都有新game玩，第一次玩卡版Monopoly。

花卉展2010

都有好幾年沒有行維園的花卉展，今年想去的原因，是因要試新野。借了相機和腳架，帶去旅行時用，但，唔想去到唔識用，所以，就趁花卉展，試下點用呢兩樣野。

約了朋友十點係維園等，嘩！已經咁多人架嘞？

朋友十二點半要走，我就一個人繼續影，影到相機無電，一點半，先離開維園。

今年主題是富貴菊，今天是第二天，但，我已經覺得，有些花，已經謝謝地，雖然是這樣，我都，影得瘋狂，三個半鐘入面，我亂咁影左over 300張。

我鍾意影花，但，我唔識影花，亦唔識大部份花的花名，哈哈。

D人set晒腳架黎影的太陽花。

唯一一朵的荷花，形單隻影

有不同顏色鬱金香

唔知點解零零舍舍有朵紅色的係中間

仲有橙色的

有點似水母

超大玫瑰花

又係鬱金香

好可愛的天使公仔

橙色的花花

又一不知名的白花

又係鬱金香，亦都係最多人圍住的一個圓形的大花圃，裏面有不同顏色的鬱金香，紅的，白的，黃的，紫的等等，一定要等，有人離開時，才可以鑽進去影的。

想嘗試用Macro影，但，部相機係唔得的。

好似叫倒吊金鐘花，因為樣子得意，所以有特別留意佢的name tag

好似龍眼的一種果實

用DC仔Macro影的菊花

還有，好多好多不同的花，有些有影，有些無影。

雖然主題係富貴菊，但，我眼見最多人影的，就反而係鬱金香。

 

西班牙之旅 - 西班牙語速成班

距離出發，還有9日，同行友人S約了西班牙小姐食飯，當然，她不是西班牙人，只是在西班牙留學，說得一口流利的西班牙語，所以，約她吃飯，順便學學一些簡單的西班牙語。

我們一邊食野，一邊傾下我地的行程，她就推介一下這些地方有些什麼好食，有些咩地方我們值得去下等等。

椒鹽豆腐：好滑，好味

黃金蝦球：蛋黃包住黎炸，都好惹味

金銀蛋白菜

豉油王炒麵

芒果布甸

食飽飽之後，我地就開始＂上堂＂，由西班牙小姐任教，簡單的字句如Hello，幾多錢，洗手間，好貴，平D，怎樣去xxx等等的詞語。

學完之後，她再問返我地點讀，哈哈，我已經...唔記得大部份，最後，我就同朋友S講，你比心機啦，學講西班牙語，我靠晒你架啦。

我沒有語言天份，加上後天努力不足，所以，語文對我黎講，係一大難事。友人不嬲學language都快上口，所以，我就...靠晒佢嘞。

壽司拉麵@金太郎

上課前，先去醫肚，選了食壽司和拉麵，原因係，7點前有特價，哈哈。

迴轉壽司，好少坐迴轉枱，今次無咩人，所以有位坐。

腐皮甜甜地，感覺有點怪

每人一碗，我選的九州拉麵

朋友選的辣叉燒烏冬

估下每碗要幾$?

串燒雞軟骨

串燒墨魚丸

last order，所以，加了兩款

凍豆腐

魷魚鬚，不過有點乾。

因為每樣價錢都唔係太貴，所以，over order左，食得太飽，原本打算去食埋甜品都放棄左。

花花 - 發芽

暫居我公司的花花，終於certified了，所以，要重新將它開枝散葉。

我從兩盆不同顏色的紫羅蘭剪下四塊葉。要等它們浸到發芽之後，才將它移到泥裏種植。

西班牙之旅 - 預備篇

對上一次去旅行，已經是08年3月的事，距今差唔多兩年，好期待三月底的西班牙之旅。

還有，兩個星期

我已經在這公司五年了，得到第一個老人牌，係一個"得物無所用"的水晶，和＂實際好多"的S$1,000的旅行資助，因為實報實銷的關係，所以，一定要在今年六月或之前，出發去一個旅行。

以前公司好景的時候，每年都會有一個annual review meeting，高層會去某個地方開會，而做了五年／十年／十五年等等的員工，就可以跟著公司去當地旅行。同事曾經去過的地方，如新加坡，馬來西亞，深圳布吉等等，但因為金融海嘯，所以，計劃就改為資助S$1000，讓同事自己去旅行。

去年還未收到通知會有這S$1000的時候，我已經係到諗，究竟要去哪裡？用了公司的S$1000呢？

去年十二月，我已經打算，在三月底，連住四月初的復活節長假，去一個long haul trip，當時，地點未confirm，但已經向HOD口頭查詢，可唔可放這個假，她的回覆是：你同Mgr去夾，如果他okay，咁就無問題。

Mgr在十二月放緊大假，於是乎，我等到一月初，他回來後才問他，哈哈，他說無問題。第一件事，請假，搞掂！

第二件事，就是，選地方了。朋友話只可以去十日，雖然，和我心目中想去的時間，少了幾日，我希望去兩個星期的。我的第一選擇係澳洲的柏斯，資料也搜集過，到最後，因為機票太貴和澳元太貴呢兩個原因，而改去了朋友想去的西班牙。

原本我打算早朋友幾天出發的計劃都取消了，原因係，西班牙，言語不通，治安又不好，所以，我不敢一個人在西班牙遊蕩。之前打算去澳洲，我就覺得問題不大，但，西班牙，就怕怕了。

地點選好了，一月底，就買了機票，去旅行的感覺，實在了好多。

第三件事：二月初，便和朋友商討，要去西班牙的哪些城市，哪些地方。最後，我們決定了：

香港(HK)-->巴塞隆納(Barcelona)-->塞維爾(Sevilla)-->馬德里(Madrid)-->香港(HK)

還有些城市我想去的，但，扣除飛機時間，我們實得八天，不能去晒想去的地方。決定了，就訂內陸機票，火車票，巴士票及酒店。

朋友就想：＂舒適，貴D都唔緊要＂

我就想：＂平D，無咁舒適都無所謂，因為，我不在乎交通／酒店，我只在乎這個地方，有什麼好玩，有什麼好睇，有什麼好影。＂＄＄＄係一個好critical的因素，哈哈。

始終係兩個人去旅行，一定要互相遷就。

第四件事，就是買旅遊保險。比較了四五份唔同公司的保險，從保障範圍同價錢去衡量，決定買呢份的原因，係：「如 物 件 購 入 不 超 過 兩 年 ， 以 新 購 價 賠 償」，因為其他條款的保障都不差太多，但，呢個條款，就吸引我最後扑搥買了。當然，希望整個旅程都平平安安，順順利利回港，什麼也不用claim啦。

剩下的工作，兌換歐元，和執拾行李。



期待，出發的日子。