今天返工只返了一個多小時，因為唔舒服的關係，所以就去左睇醫生，之後就返左屋企！
醫生話我其實無咩事，血壓正常，心率正常，唔知點解會頭暈！最後，佢歸納左可能因為壓力大！或者啦，我唔知呀！
當然，我覺得可能同之前的壞消息有關，令到我上星期勁down勁sad！時間可以沖淡一切？雖然未至於可以全部，但時間可以令自己冇咁down！
我最唔鍾意uncertainty，究竟會點，你比個答案我好嗎？我唔想估呀！
2008年7月30日 星期三
Kitty - new collection
M記又有新的kitty collection，今個月又要不停去食，一套十六款，加上一個black wonder的special edition，又一如往常一樣，有一對軟硬特別版！第一個星期，我終於換晒嗰四隻同埋隻black wonder了，仲有十二隻，要繼續努力！
2008年7月28日 星期一
Batman - The Dark Knight
星期日早上睇早場，好趕咁食完早餐，就去睇戲，有差不多十分鐘的預告片，早知唔使食得咁急啦！
係呢套戲入面睇到人性的醜陋，有些人會為錢而去作惡，但小丑係為左証明佢的理念而去作惡，佢想証明每個人性中都有黑暗的一面，只需要一些“導火線”就可以引發出來！
其中一幕係講小丑喺兩隻船到裝滿炸藥，要求一艘船炸了另一艘船，這艘船才可以免於被炸，才可以生存！一艘船是平民，另一艘船是犯人！平民的船由投票決定會否按引爆器，而犯人的船，決定權在警察身上！呢一幕，我印象好深！
小丑真係做得好好，有些時候，我真係睇到有D心寒．．．
睇完戲，就去左游水，點知，落水都唔夠十分鐘，風雲變色，突然括起大風，我們被趕回室內，但室內人多，根本就游唔到，我們浸左差不多一個鐘，都未能出返室外，所以就走了！走左之後，先見到D泳客可以出返室外游，我地就白白嘥錢只喺到浸水！
2008年7月24日 星期四
，就開始要為自己打算一下，平時這些問題，可以不理的時候，我就盡量都唔”掂”（好似係到逃避緊），但，現在真的要好好思索一下，自己的將來，其實一定要自己去爭取，無人會幫到，朋友家人雖然可以比好多好的意見，但，最後要實踐，都係要靠自己！
2008年7月21日 星期一
街頭超人 (Hancock)
星期日早上終於去了看「街頭超人」，之前看過影評，知道這是一套不錯的電影，所以我充滿期待地入場觀看，當然，沒失所望，真的是一套很好看的電影，一來自己看過I am Legend之後，非常欣賞Will Smith，二來，套戲不是只講「超人」如何「拯救世界」，反而有些「超人」的內心世界，與之前睇過的「超人」電影有所不同！
在等入場之前，看到赤壁的預告片，先發現，預告片入面，有八成的場面，係我上星期睇過的赤壁入面係無架，真係要睇埋“下集”，先可以睇到預告片入面的所有場面！如果係被呢個預告片所吸引而入場的話，會唔會有被“搵笨”的感覺呢？
下套期待睇的係Batman同Mummy，今個暑假，好多套戲想睇，$$$！
下午就同朋友去打羽毛球，我們book了兩個鐘，其中一個鐘，隔離場沒有人book，所以就打埋隔離場，雙打變單打，好攰呀！最搞笑係朋友的表弟，打打下羽毛球，居然係到玩跳break dance喎，仲要做埋D高難度動作，個頭“仆仆”聲“撞”落個地下到，我最好奇的就係「咁撞法，唔痛架咩？」後生仔真係後生仔，我呢D「老人家」真係唔敢將個頭“仆仆”聲“撞”落個地下到！
2008年7月12日 星期六
赤壁 Red Cliff
今日去了睇赤壁，很久沒有買飛睇戲，尋日打算網上買飛睇赤壁時，才發現，宜家D戲飛好貴，居然要$70一張飛，因為想睇呢套戲的關係，所以都打算買飛入場睇！係我猶豫買海運定港威的飛的時候，朋友call我叫我唔好買住，佢可能有免費飛！好快佢就confirm我，真係有FOC的ticket，哈哈，因為我的猶疑，居然可以慳返$70同手續費！
入場之前，其實都有點担心會悶，因為套戲有成140分鐘咁長，驚有悶場會瞓著，加上我對歷史沒有什麼認識，只知套戲係講諸葛亮（因之前看過一遍訪問金城武的文章），其他一概不知！
故事講述曹操攻打劉備，而劉備屢敗屢戰，永不投降於曹操，而諸葛亮獻計，要打敗曹操，先要與東吳的孫權聯盟，才可以有機會對抗曹操！諸葛亮就去游說孫權同周愉，最後孫權同意並以周愉為統帥，與劉備的軍隊，一齊抵抗曹操的軍隊！
古代的打仗，是騎兵，步兵去打，不像現代的戰爭片，有飛機大炮等，以為會好悶，但原來，睇佢的用的戰術，兵法，都幾有趣！雖然有部份時間覺得佢拖長左少少，但整體都係一套值得推介的電影！
不過，最期待的係想睇火燒連環船，點知，赤壁之戰尚未開始，赤壁已經完結！或者，佢會有下集交待返赤壁之戰吧！
2008年7月6日 星期日
南丫島 sunset + bbq
尋日放工後，就同朋友坐5:15pm班船入了南丫島，但那隻船又細，又焗，又臭，搞到我好唔舒服，差D想嘔，我D朋友都有同感！終於捱過那差不多30分鐘的船程，一落船，就覺得清新的空氣係真係好好架！
我地本來帶住好興奮的心情上船，因為係中環望住個天，好藍又靚，但經過那程船，成個人都謝晒！
去到朋友的屋企的天台，個個就好似「攤屍」咁攤晒係度，好謝！
坐係度，一邊飲野，一邊睇日落，都好寫意架，不過，尋日太cloudy，所以，唔係好睇到咸蛋黃！
日落之後，就是月亮出黎的時候，因為唔係月圓，所以只見到小小灣月！
我們的bbq爐，係新爐黎架，我地係first time user...哈哈！
豬肉腸
雜菜沙律，入面有水牛芝士（白色一粒粒嗰D)，我第一次食！
朋友的男友用佢的secret recipe醃制的雞翼，味道居然出奇地好，問佢個secret recipe係D咩，佢講左一堆英文的調味料，都唔好聽得明，不過，唯一聽到佢話最secret的係，用了white wine，哈哈，中國人醃雞翼都用白酒，外國人都會用白酒，不過，此白酒不同彼白酒，嘻嘻！
羊扒及雞中翼，不過，買回來的已醃的不及朋友自己醃的好味！
party未完，但我要趕尾班船(11:30pm)回市區，先走了，大家繼續玩得開心D啦！
2008年7月1日 星期二
嘉道理農場一天遊
今早一家人一齊去了嘉道理農一天遊，坐火車去了大埔壚，然後再坐64K巴士，到達嘉道理農場，約12:15pm去到（收費：成人$10，長者免費），但可能太晏了，shuttle bus的飛已經派晒，唯有自己行！
揚子鱷
今天天氣好好，藍天與白雲，又有陽光，所以，遮和帽都係必備品！
小賣部：因為太晒的關係，這裏有零食及飲品，也可以給我們休息一下的地方
豹貓
你睇下，個天，好藍呀！
好靚的雀仔，名字麻，唔記得左lu，哈哈！
水濂，你見唔見到烏龜呀？
大紅鸛
大白豬，超巨型
佢地的家族成員
我們行左三個半鐘，其實只行左下山區，因為如果要到上山區，一係坐shuttle bus，一係就行上山，但因為同家人一齊去，怕行得太累，所以，放棄左，下次，如果要去，一定要早D，可以拎到shuttle bus的飛，咁就可以去上山區，睇埋其他的部份了！
訂閱：
意見 (Atom)