前兩日看到報紙有一項調查，關於三低員工。唔知，你身邊有沒有呢類型的同事呢？當我睇到呢段報導時，我就諗起友人講起佢的新同事。
什麼為三低呢？就係低效率，低EQ和低工作熱誠。如果有？你會點handle呢？
慶幸我不是在友人公司工作，否則，一定會吐血生亡。
我雖然沒有這種同事，但，有些就是，隔天就告訴你，佢有好多工作要做，做到好累，好辛苦，要我們怎樣再重新分配工作。我相信，天知地知我知大家都知，只有佢一個唔知，咁細的office，有兩個人，究竟會有幾多野做？其實，只係有些工作，佢唔想做，要將它推給另一個同事做。好想同佢講，咁唔想做，咪唔好做，返屋企做少奶奶啦。當然，我又唔想搞到大家關係咁彊，所以，悔氣說話咪吞返晒落肚，重新分配，等佢無藉口唔做呢樣嗰樣。
另外今天發生小事一則，雖然是小事，但，始終有點不歡。覺得有些不是高層的人，越鍾意扮高層。話說我今天叫同事幫我打個電話做一件事，對方告訴佢做唔到，佢就打電話同我講（其實我大約知係做唔到，office細，聽到佢講電話），佢用一些高層的口吻，指責我沒有預先問清楚手續要怎樣做。我問佢對方有無講details要點做？佢又係問d唔問d，即係佢同對方講完電話，都係唔知要咩手續。
我同老闆報告返今日做唔到件事的原因，老闆反而沒有好似同事咁用指責的口吻，反而覺得係對方拒絕的原因好唔make sense，而我，亦同時同老闆講我會搵個解決辦法出黎。
前陣子友人經常講佢新同事的奇行怪事，每次友人同佢同事講，某些東西有問題時，佢同事第一時間就係defence自己，話自己無做錯野，但唔知點解出黎的野係錯漏百出。
原來，好多人，有事發生的時候，第一時間，不是去解決問題，而是，首先悍衛自己，話自己無錯，然之後，就係指責別人做錯事，第三才是，去解決問題。
雖然呢件事，之前我無諗過會咁煩複，因為類似的事情我們經常都會做，只需要一個電話instruction就可以，我沒有預算到今天會出問題，我都係有點責任。
寫出黎，發發牢騷！總覺得自己寧願比老闆鬧，反而會無咁唔開心。原來我，都幾有階級觀念。
今日都full，在sentosa station已經有notice話賣晒飛。
