今天是2006年的最後一天，沒有外出倒數，只是和家人在家裡開了一個小型大食會，買了些魚生，燒雞，ribs...等等，開了支red wine，在家中慶祝新一年的來臨！
願大家在新的一年，開開心心，身體健康，多D人工，少D workload，心想事成！
HAPPY NEW YEAR
2006年12月31日 星期日
2006年12月30日 星期六
2006年12月25日 星期一
2006年12月23日 星期六
2006年12月22日 星期五
篤背脊！？
尋日同FM傾左個幾兩個鐘，佢叫我入左佢房，頭半個鐘係傾下下星期去SH要做D咩，本來開住門，但傾完 SH的行程之後，就叫我關門，有其他野同我傾。原來佢想問我覺得新同事（上月返工嗰個）怎樣，因為除左FM自己之外，我係同他work得最多的一個，所以FM想知我對他的評價。
一開始我有點唔知點講好，有D似篤背脊的感覺，FM就話她已經同我地的director傾過，她對他的表現不太滿意，所以叫我照直講，如果佢pick up唔到，就可能要搵個另外一個人返黎幫手，如果他幫唔到手，就等如我一個人要做晒兩個人的野，我會overload！
我對他的評價是負面的！！！不過，我也兜了一兜，話因為他是senior，我對他的要求可能高左D，高過其他與我work的junior，點知，FM即講，應該係要高D，因為他唔係junior。有時我覺得，如果同一個錯發生係D junior到，我諗我會冇咁憫，但佢係senior，應該接收能力及分析能力都應該高一D。
但同一個問題，他問了一次，兩次，三次，我就會覺得，佢究竟明唔明我講咩，好多時候，我真係覺得佢理解唔到，但可能我已經有D”憫”，係佢未明的時候佢就放棄再問，做出來的野，簡直係令我有「想死」的感覺！我覺得review佢做的report，重慘過自己做！！！
佢問的問題，令我覺得佢好無sense，對一D我們呢行的用語，好似唔係好明，但佢話佢唔係fresh grad，即係．．．佢應該有工作經驗，唔會對自己個行呢D basic野都唔係好知！！！
佢話佢之前用過我們宜家用緊個system，但，我睇唔到佢識用lor，其實佢用黎用去都係個幾個function，但都唔明點解佢都搞唔清邊個打邊個！！？
佢黎左個幾兩個月，其實我都唔知佢係咩grading，只係知道一定唔係junior，尋日個FM比左個O-chart我睇才知，佢高grade個我，我個心有D唔順，佢職位高過我，人工又高過我，有咩理由要我教佢做野，重要review佢的work。教佢做野，就好似教D junior咁，最死的係，佢做出黎，同個junior做出黎的，一樣係錯漏百出，究竟，佢有冇睇過自己做完的野才交比人架．．．佢係senior，照理，都唔使搵人review啦．．．junior都仲可以話下．．．佢，我就唔敢話佢．．．
臨離開FM間房前，我再兜多一兜，話可能佢對公司重未熟悉，所以先至係咁既performance，跟住FM conclude左，FM覺得他的問題係無sense，呢樣野，FM話唔係時間可以解決．．．
今日．．．係我放工前，FM叫我比5分鐘時間佢．．．原來她同我講，她同個director今朝再傾左一次．．．結果就係．．．冇得留低．．．
2006年12月20日 星期三
水果Kitty - Candy Toy
呢隻就係同事送的pinapple kitty，佢頂帽同件衫都可以除出黎的，如果有其他的款，就可以交換衫著。
呢個就係前排無聊行過時買的，諗住買藍色，點知打開係粉紅色，同盒面的顏色都唔同！
2006年12月19日 星期二
2006年12月18日 星期一
聖誕禮物
今日我收到今個聖誕的第二份禮物，係一個同事送的，是隻可以換衫的水果kitty，它有一系列五款，她送左pineapple那款給我，我就放係公司枱頭
今天原本可以在７點走，因為我係７點交完我要交的report，點知，咩叫做「執輸行頭」，今日就體會到，本來個FM叫左新同事做個report，７點佢都未做完，原本打算走，留返比個FM去review佢做的report，點知，我正想準備執野走之前，個FM話她要走，叫我review完佢的report，今晚要send埋出去，唉，我早５分鐘搞掂自己個report走左咪唔使review人地嗰個lor，５分鐘．．．真係可以改變好多野．．．
有時我都幾唔明，呢間公司的呢個report，我都未做過，叫一個未做過的人去review另一個第一次做的人的report，結果係，咪要打電話求救，搞唔掂，求其砌住個數，交左出去先，聽日等佢再review。最後搞到９點幾先至可以走得
2006年12月16日 星期六
2006年12月12日 星期二
我D files大部份都冇backup，死左就慘lah...2006年12月11日 星期一
唔想郁！2006年12月9日 星期六
2006年12月8日 星期五
點算？2006年12月7日 星期四
不過，筍盤又未必輪到我．．．．2006年12月6日 星期三
艱苦的第二天
今晚十點半先走，本來冇打算咁夜走，係因為有個同事仲有好多voucher未入，但又唔想一個人留係公司，咪搵我倍她囉，如果佢入唔晒D野，我咪一樣唔可以埋到數，就應承陪佢，一邊做，一邊等佢，不過，其實走的時候我都仲有好多野未做，不過，要做晒先走，十二點都唔使指意走到，target十點半走，唔理做晒未都照收工，聽日繼續！
咁樣OT法的源頭，我諗應該有三個主因：１．SAP太複雜，比舊system用多好多時間去做同一樣的工作，還有，好多report都未ready，全部都要用人手在excel砌！個system powerful到咩report都冇，唉！２．以前我做三間公司的野，宜家要做第四間，但又冇人pickup我先前個三間的工作，做三間的時候，時間都唔係好夠用，做埋第四間，唔勁OT都根本冇時間可以spare出黎做！３．有個新同事上個月返工，唔知個Manager冇教佢做野，定係Mgr叫佢黎問我，經常要解答佢的問題同教佢做report，都嘥我唔少時間，但唔教又唔得，佢唔識做咪又係要我做，所以宜家要”投資”D時間去話比佢聽點做，佢早D pickup到，我就唔使OT到隻野咁，真希望佢可以快快學識，我就可以（希望）快快甩難！
OT後遺症．．．我又開始爛面啦．．．
2006年12月5日 星期二
2006年12月4日 星期一
７仔Hello Kitty
今日晏晝去左７仔買雜誌，今期講曼谷，希望出年可以去到泰國，兩年冇同屋企日去旅行，同家姐傾過，希望出年去泰國。
我特登去左遠D的７仔，因為之前去來去去都係同一間，大部份kitty都係重複，所以唔去嗰間，唔知同一間係咪得幾款，行遠D，真係有D唔唔同，今次有兩個，兩個我都冇的
2006年12月3日 星期日
2006年12月1日 星期五
2006年11月30日 星期四
Closing
同事問我今個月要幾時要做晒data entry，幾時要做bank rec等，我便告訴她們明天要完成bank rec，三個工作天內要做晒data entry，其中一個好大反應話：「吓！明天要做完bank rec，點做呀！」我告訴她我尋日已經問左個manager，幾耐要做完data entry，因為今個月會是第二個月用SAP埋數，佢話「back to normal, no excuse!」，同事係度發牢騷，我就叫她發洩下啦，唔好屈係度，因為呢個timeline我都改變唔到，唯有比佢發下牢騷，唔好屈住屈住。
近來發覺自己沒有了工作的衝勁，唔知係咪月頭勁OT左兩個星期，覺得人生除左工作，好似無晒自己的生活似的，又或者自己無咩耐性，長時間工作令我對工作生厭，又或者，我根本是一個不願工作的人，工作，只是給自己糊口的，唔想自己只有工作，沒有享受生活！記得曾經有個舊同事話我患有「間歇性情緒低落症」，失驚無神情緒低落，又無端端無事，哈哈！
一句講晒，其實係想去下街，去玩下！
2006年11月29日 星期三
2006年11月28日 星期二
2006年11月27日 星期一
7仔的Hello Kitty吊飾
之前同事講佢有幾個７仔的Hello Kitty的吊飾，佢話我要就比我，今日佢帶左７個比我，但．．．只有２個我係冇，其餘５個都係overlap，又要繼續去７仔買野先得lah...
快D有齊一套就好嘞．．．
2006年11月26日 星期日
終於坐到九點半，都係陪家姐去左跑，上兩次跑八個圈，今次跑左十個圈，算有進步啦，但今晚好鬼熱，出了唔少汗。Tea buffet
昨天下午與同事去了Mariott吃tea buffet，由個Manager請客，事原她今年頭由AFM升正做FM，話請晒我地食buffet，唔知咩原因，拖下拖下，就差唔多一年，佢又提返話要請食飯，咁就尋日去左食tea buffet。
2006年11月24日 星期五
放假！
今天放假，與家人去了飲茶，之後入左沙田行西田，因為西田大減價，估唔到星期五的沙田咁多人，完全唔似係平日，以為今天係周末假期，人頭湧湧，最終我買了兩個袋及一本簿，出街又使錢了
明天媽咪生日，今晚提早和她慶祝，去了仿膳吃大閘蟹，叫了個四人「滋補大閘蟹套餐」，加了一隻蟹，一個湯及一個糖水，及紹興十年陳釀花雕酒。「滋補大閘蟹套餐」包括：風味五拼前菜，渤海螺頭雞燉花膠，清蒸太湖大閘蟹，京蔥金腿燒釀原枝遼參，北京烤填鴨，桂花魚，蟹粉小籠包，薑茶桂花湯丸，共八個菜，但因沒有薑茶桂花湯丸，所以我們改了高力豆沙香蕉
未飲花雕酒之前，以為它會好難飲，但我都勇於嘗試，加了話梅及加熱了的花雕酒，都幾容易入口，比起白蘭地，我覺得較易入口，所以都可以喝了一小杯。
放假．．．真好．．．
2006年11月22日 星期三
比人跣左一鑊
今日無端端比人跣左一鑊，話說有個sales想出貨比個客，但佢就寫話收到錢後出貨，話個客星期五匯左錢出黎。根據往蹟，一至兩個工作天就可以收到，但從星期一到今天，不停查銀行，都未收到！問極個sales都唔肯攞銀行的水單比我地睇，發現佢地比我地的文件是１１月２０日下晏５點幾，咁即搵我地笨，咪即係星期二才付款，冇可能咁快收到錢，擺到明個客呃我地，sales到臨放工才話要即刻出貨，嘈到去老闆到。
搞到我要向兩個老闆解釋點解唔出email申請approval，好似搞到我做錯咁，
2006年11月19日 星期日
2006年11月18日 星期六
珠海的兩天工作
坐8:30am的船到珠海，到達九州港時差不多9:45am，有廠的同事Bee Aye來到接我們兩個，坐半個鐘車才由碼頭到達工廠，今次去珠海的目的就是睇下珠海廠的Finance的工作。同事叫她做小候，原來不是小女孩，哈哈！
第一件事就係參觀production line，原來廠房都不是很大，只有十來廿個工人，很快逛了個圈便出來，保安都好嚴，要用探測器check過才可以離開廠房。
與小候傾了不多久，便是他們的午飯時間，十二點開飯，工人他們是吃大鑊飯，而寫字樓的同事就自己有一圍，不知是否有我們去工作，這個午飯有雞，有蝦，有湯，好豐富！
飯後，１點才繼續工作，５點又是下班時候，與寫字樓的同事便坐車去吃晚飯，去了一間叫「李錦記客家菜」，在香港的話，這個時候還未放工，但在這裡已經是晚飯時間，六個人吃了RMB140，好鬼抵！
Bee Aye送我們返酒店，我們在附近逛了一圈，除左酒店，KTV同按摩，都沒有別的東西，所以很快便回酒店，洗澡後才開始工作，要做返自己在香港沒做完的工作，十點就去瞓，同事就繼續．．．
我們住兩人房，但好奇怪，它只包一個人的早餐，唯有再比RMB68叫多個早餐，吃完，８am，Bee Aye來酒店接我們返工。這裡的人，真的好有規律，準時開工，準時收工。喺香港根本就沒可能發生。
坐5pm班船返香港，好攰，坐巴士返屋企後便早早去睡，九點幾走去瞓，好耐冇試過了．．．
足足瞓左１２個鐘，好滿足！
2006年11月15日 星期三
2006年11月13日 星期一
2006年11月12日 星期日
2006年11月10日 星期五
2006年11月8日 星期三
2006年11月5日 星期日
做到就黎頂唔順...
星期二開始，每天OT到十一、二點，捱到星期五已經頂唔順。星期五朝早，已經眼瞓到工作效率嚴重下降，想飲咖啡提神，但公司只供應三合一咖啡，但我唔飲甜的咖啡，唯有捱到食晏時，便到樓下Starbucks買左杯Mocha，下晏才覺得回魂，正常地做野。
同事問我星期六返唔返黎OT，我說我唔得閒，所以唔返，但我星期六都做左差唔多十個鐘的野，星期六晚才大昏迷，九點瞓到第二朝九點，今日才叫做休息下。明天．．．又要過非人生活了
2006年11月3日 星期五
2006年10月29日 星期日
2006年10月27日 星期五
2006年10月26日 星期四
2006年10月24日 星期二
未能回應我的Blog
昨晚有人問我為何不能回應我的blog，問我係唔係唔可回應的。但我係選左「公開網誌」及「可回應」，而她亦已經login左，但都係reply唔到。今晚終於在yahoo中找到答案，大家如要回應，但回應唔到，我想主要原因是以下：－
你尚未啟動Blog：如果你尚未啟動Blog，將無法在其他用戶的Blog留言及回應他們的Blog。立即啟動Blog。
所以，想回應就要create個blog，唔係就用email reply我都得架...
Data entry
公司今個月用新的system，但唔知邊個決定要parellel run，搞到每份文件要在新舊system都各入一次，本來我都不太用入voucher，但因為怕今個月埋唔到數，所以全部總動員入voucher。
真係要到做到時才發現有咩問題，所以便要一路做一路問．．．希望埋數時唔會有大問題。
2006年10月22日 星期日
2006年10月21日 星期六
My Blog 搬家了!
之前用開windows live space的，但因為msn是我工作的其中一個溝通工具，所以在那裡不能提及一些公司的事情，而且在我msn中的清單中，大部份都是同事，所以我要另外個多個blog，可以寫下公司的野．．． 哈哈哈！
訂閱：
意見 (Atom)