朋友專登為我搞左個BBQ，想我係放完個長期，返工之前輕鬆一下，去玩下
呢個係朋友的醃制的雞翼，每次去BBQ都指定一定要有的
牛扒，都係自家醃制，加了佢自己種的rosemary
朋友幫手摘rosemary
每次去都唔使自己燒，有人負責燒野食
佢地第一次燒鮮冬姑，但我就試過好多次
茄子，我都係第一次燒，但唔知係呢D茄子係苦的，還是燒得唔好，唔係幾好食。
呢個salad都係must have item
2009年2月27日 星期五
第十二天：二三月最後一天no pay leave
今天已經是十二日的no pay leave的最後一天，她去了日間中心，所以，我今天就比較空閒！
早上吃過早餐，就去超市買下野，跟著就回家check下email，時間過得好快，下午吃過tea之後，就去了取之前訂購的血壓計，問左個sales怎用之後，回家就自己試下量自己，應該都準，因為前幾日去捐血時量過，度數差唔多！
跟著就上itunes睇下，有些free game可以download落部ipod到玩，download下又試玩下，無無聊聊又過左1 day，結束了十二日的假期，過埋weekend，下星期一，就back to normal，要返工了。
不過，我的no pay leave生涯還未過，四，五及六月，每個月仍然有6日的no pay leave要放，見到個account 2月少左咁多人工，so sad
2009年2月26日 星期四
第十一天：日間醫院／日間中心／Gym
今天好早起身，尋日收到日間醫院的電話，話由3/10改為今天，因為我還在放假，所以都可以改日期陪她去，因為今天是做評估的，沒有車接送，所以我和爸爸一齊坐的士陪她去，約了8:15am，但我們8am已到，等了一陣，便可以入去，首先係由李姑娘接見，傾下她的情況。說以後每星期做兩次，每次都係一個上午，約6-8個星期，每次黎到才約下一次的日期，我覺得咁樣好難安排人去接送她，所以，我要求了逢星期二及四去，好彩她也可以這樣安排，否則，每次去完才去安排人手，真的好麻煩。之後，陸續見到其他patients到，等到差不多人齊，佢地就開始做物理治療，而職業治療師黃先生就開始和她做評估，他覺得她比較忽略了自己的右手，習慣了用左手去做，他說再這樣下去，她的右手就會癈了
跟著就見物理治療師葉姑娘，她覺得她右手都okay，但她的性格心急會阻礙她的進步，因為她心急完成個動作，而忽略了正確的姿勢令到她做的動作比較危險。
跟著就是break，有牛奶和麵包，她吃了個麵包就算了，食完小食後，便等見醫生，工作人員唔比我陪她，所以，我都唔知她在裏面做什麼。
約十一點完成了整個assessment，我去了cashier付款後就可以離開。
坐的士陪她去日間中心，因為那邊可以坐輪椅直推入去，所以爸爸可以先回家，我一個人帶她去就可以了，去到中心，lunch hour，剛剛趕得切一齊食飯，我陪她吃完飯，休息一會，我才離開。
我沒有立刻回家，去了做gym，我盡量都安排自己每個星期都去做下運動，雖然都唔會大量或好劇烈咁做，但郁動下感覺都好D。
呢排係屋企的時間多，其實都食多左野，尤其係零食，但今天去磅重時，居然無升反跌！或者，推車都係一種運動，比做gym更用力。
做完gym就回家，她6:15pm會返到屋企樓下，我諗住6pm落樓，點知未夠六點個司機就打黎話已經到左，我就拿拿臨落樓去接她。我已經諗住早小小落去，但無諗過司機早咁多就黎到。
2009年2月25日 星期三
第十天：社署／針灸／西醫
今天又是頻頻樸樸的一天，先去吃了早餐，跟著就去左社署搞她申請津貼的事，原來醫院的醫生12/23已經申請左，搞到呢個星期一，先將個case交到本區負責的社署到，職員話要見下她和要她填份申請表，所以要她親身去一躺。
我們坐的士去到，要經過一個商場先可以去到辦公大樓，那裏有兩個兩級的樓梯，搞到我們要兜大圏先可以入到去
上到去，攞左籌等叫名，聽到叫名就去counter，本來想推她一起去，但那staff話唔使，我便一個人過去，他說明了之後，就叫我填好份form，等陣出黎幫她打手指模，咁就搞掂左個application，但要等三月另一個report出左之後，就會出信通知我們結果。
跟著就去針灸，因為我們早了一個鐘，我就打電話去問醫師，醫師話未有位置比她，我們便在附近兜圏，由佐敦道，彌敦道，柯士甸道，覺士道，再去返佐敦道，呢個路程用左四十分鐘左右，雖然還是早到，但我們都是上去醫師到等。
上到去之後，上一個病人已經針完，不用多等，就可以到她了。
也是由背脊開始，背部十針，頭的背面兩針，後頸六針，因為我同醫師講她有咳，醫師便在她上背針了八針，話可以將D痰排出黎，要清左D痰，她的咳才可以醫好。
之後就返轉針前面，左脚四針，右脚五針，肚六針，左手二針，右手七針，頭頂五針，下顎一針，前頸也針了一針，也說是針咳的，希望真的可以幫她清左D久咳啦。
針完就回家附近吃下午茶，吃飽就陪她shopping下，
跟著今天最後一站，睇西醫，雙管齊下，希望她會快些止咳，診所四點開門，但醫生差唔多五點先返到，原本我們排第一個，但有另一個病人，好似好唔舒服咁，所以打了尖，雖然等左好耐有點煩躁，但見人地咁辛苦，都可以讓人先，隔了十分鐘，見到白車的醫護人員入左黎，原來醫生call了白車送那病人入QE，那病人走後才到她，醫生問她怎樣，我見他們好像溝通得好好咁，醫生又好似明她講咩，所以，我便不答咀，等到她答唔知的時候，醫生才轉來問我她的情況，醫生話她食埋今次葯應該會好返晒，唔使再睇，頂多睇多一次，我都希望可以係咁。
醫生話頭先入去的婆婆也是剛中風，半邊身麻痺，所以，要送佢入院，不過，我見佢可以自己黎到診所，佢的中風應該唔算太嚴重。
睇完醫生，終於可以返屋企了，搞左成日，唔知她攰唔攰，但我就好攰了
明天，要早起！！！！！
2009年2月24日 星期二
第九天：日間中心／針灸
今天吃過早餐後，便出去了，要去TST交返個sample，就去日間中心，去睇下她做運動，踏單車，她說痛，我搞左好耐都唔知她邊度痛，後來工作人員話我聽，所以就停左無繼續踩，因為昨天見她脚腫得好緊要，咪叫物理治療師睇下她，佢就幫她拉下根，按下等等，又給她穿了壓力襪，之後，再返回去一齊做，做手部單車，大約個半鐘的運動後，便去吃下午茶，等爸爸來到之後，便坐的士去針灸。
背脊針了十針，後頸七針，背頭兩針，她沒有叫痛，醫師就讓她針十多分鐘，然後轉身針前面，她針好多針都會叫痛，醫師話她的反應好左好多，而她的血脈也通了些，所以識得會痛，而且還覺得她多說了話。
左脚二針，右脚七針，肚六針，左手一針，右手七針，下顎一針，額頭一針，頭頂三針，今天共針了45針，好多針落針時她都會叫痛，比起第一次針的時候，大部份時候都無咩反應，醫師話呢個係進展。
2009年2月23日 星期一
第八天：身體檢查／捐血／逃／保持通話
今天她去了日間中心，而我，就去了做身體檢查，咁多年來都沒有做過一個全面的身體檢查，所以，趁放假，便去試一次！約了十一點，去到才發現超多人，我登記左之後，佢就給我兩個樽放大小便樣本，等了差不多半小時，先輪到我，先做心電圖，那些東西在身上卜卜跳跳下咁，感覺好奇怪
之後，就是度高磅重，做肺功能測試，量血壓及抽血，就係咁，就完成左這個所謂「共73項檢查項目」的檢查。等就等左半個鐘，check就check得個十分鐘，哎！！！
因為要空肚的關係，搞到好肚餓，去了銅鑼灣先吃東西，去到眼鏡舖，才知道視光師放大假，要下星期先返，那職員幫我check左對上一次配眼鏡已經是06年的事了，而且還不是我現在戴緊的呢副，而是另一副我只換了鏡片的，我真的應該再check下我的度數，睇下準唔準先得。
跟著去買一支cream，但，又買下買下，買左幾支返黎，每次買野，都會買多過自己原本想買的東西
之後，就去捐血，原來對上一次已經係舊年六月，差唔多八個月無捐了，所以，又係趁放假去捐，平時星期六日要等成個幾兩個鐘先搞掂，今天，填完表就可以見姑娘，跟著就篤手指，就可以去捐了，中間等也不用等，一氣呵成完成整個過程
回家，諗起好耐無做過facial，咪日光日白咁做下
時間尚早，看了另一套朋友介紹的電影，「保持通話」，佢話一定要睇，咁我咪又去睇下，還掂得閑。不過，我都係揀D朋友介紹話好睇嗰D電影睇下，費事嘥時間睇D垃圾片（雖然我而家有的是時間）！呢套戲由古天樂和徐熙媛主演，講古天樂接到徐熙媛的求救電話而展開的一段經歷。結局，都有小小surprise
73項的東西，睇落去好多，但，原來，是分得好仔細，用大類黎分，其實只係做左幾項檢查。不過，要等2-3個星期先有報告出。
特級詳細驗身計劃
1. 基本體格資料 Basic Body Data
詳細醫學問卷 Thorough Medical Questionaire
2. 基本體格資料 Basic Body Data
血壓 Blood Pressure
3. 基本體格資料 Basic Body Data
脈搏率 Pulse
4. 基本體格資料 Basic Body Data
體重 Weight
5. 基本體格資料 Basic Body Data
身高 Height
6. 基本體格資料 Basic Body Data
體質指標 Body Mass Index
7. 營養師服務 Nuritional Service
營養師飲食評估 Nutritionist Assessment (待報告完成後，另約一日進行)
8. 肝功能 Liver Function
谷丙轉胺酵素 ALT/SGPT
9. 肝功能 Liver Function
谷草轉胺酵素 AST/SGOT
10. 肝功能 Liver Function
總蛋白質 Total Protein
11. 肝功能 Liver Function
白蛋白質 Albumin
12. 肝功能 Liver Function
球蛋白質 Globulin
13. 肝功能 Liver Function
白蛋白球蛋白比例 A/G Ratio
14. 肝功能 Liver Function
總膽紅素 Total Bilirubin
15. 肝功能 Liver Function
膽紅素,直接 Direct Bilirubin
16. 肝功能 Liver Function
膽紅素,間接 Indirect Bilirubin
17. 乙型肝炎帶菌 Hepatitis B Carrier
乙型肝炎表面抗原 HBsAg
18. 乙型肝炎抵抗力 Hepatitis B Immunity
乙型肝炎表面抗體 HBsAb
19. 丙型肝炎帶菌 Hepatitis C Carrier
丙型肝炎抗體 Anti-HCV
20. 腎功能 Kidney Function
肌酸肝 Creatinine
21. 腎功能 Kidney Function
尿素 Urea
22. 泌尿情況 Renal Condition
小便顏色 Urine Color
23. 泌尿情況 Renal Condition
小便清濁度 Urine Appearance
24. 泌尿情況 Renal Condition
小便比重 Urine SG
25. 泌尿情況 Renal Condition
小便酸鹼度 Urine pH
26. 泌尿情況 Renal Condition
小便蛋白質 Urine Protein
27. 泌尿情況 Renal Condition
小便尿糖 Urine Sugar
28. 泌尿情況 Renal Condition
小便膽紅素 Urine Bilirubin
29. 泌尿情況 Renal Condition
小便尿膽素 Urine Urobilinogen
30. 泌尿情況 Renal Condition
小便硝酸盬 Urine Nitrite
31. 泌尿情況 Renal Condition
小便酮 Urine Ketone
32. 泌尿情況 Renal Condition
小便血 Urine Blood
33. 泌尿情況 Renal Condition
小便紅血球 Urine RBC
34. 泌尿情況 Renal Condition
小便白血球 Urine WBC
35. 泌尿情況 Renal Condition
小便皮細胞 Urine EP Cells
36. 泌尿情況 Renal Condition
小便膿細胞 Urine Pus
37. 泌尿情況 Renal Condition
小便黏絲 Urine Mucus
38. 泌尿情況 Renal Condition
小便管型 Urine Casts
39. 泌尿情況 Renal Condition
小便晶體 Urine Crystals
40. 甲狀腺 Thyroid
甲狀腺素 T4
41. 血脂 Lipid
膽固醇 Total Cholesterol
42. 血脂 Lipid
三酸甘油脂 Triglycerides
43. 血脂 Lipid
高密度膽固醇 HDL
44. 血脂 Lipid
低密度膽固醇 LDL
45. 血脂 Lipid
極低密度膽固醇 VLDL
46. 血脂 Lipid
總脂肪 Total Lipid
47. 痛風 Gout
尿酸 Uric acid
48. 糖尿 DM
血糖 Blood Sugar
49. 炎症等 Inflammation, etc
血沉降率 ESR
50. 炎症等 Inflammation, etc
血液白血球 Blood White Cells
51. 貧血 Anemia
血液紅血球 Blood Red Cells
52. 貧血 Anemia
血色素 Hemoglobin
53. 貧血 Anemia
血球積壓量 PCV
54. 貧血 Anemia
紅血球平均容量 MCV
55. 貧血 Anemia
紅血球平均紅蛋白量 MCH
56. 貧血 Anemia
紅血球平均紅蛋白 MCHC
57. 凝血問題 Coagulation Problem
血小板 Platelet
58. 白血球分類 WBC Differential Count
嗜中性白血球 Neutophils
59. 白血球分類 WBC Differential Count
淋巴性白血球 Lymphocytes
60. 白血球分類 WBC Differential Count
單核白血球 Monocytes
61. 白血球分類 WBC Differential Count
嗜酸性白血球 Eosinophils
62. 白血球分類 WBC Differential Count
嗜鹼性白血球 Basophils
63. 白血球分類 WBC Differential Count
血抹片 Blood Smear
64. 肺功能 Lung Function
肺功能測試 Lung Function Test
65. 心臟 Heart
靜臥心電圖 Resting ECG
66. 大便 Stool
大便常規 Stool Routine
67. 大便 Stool
大便隱血 Stool Occult Blood
68. 骨骼 Bone
鈣 Calcium
69. 骨骼 Bone
磷 PO4
70. 類風濕 RA
類風濕因子 RA Factor
71. 梅毒 Syphilis
梅毒血清試驗 VDRL
72. 愛滋 HIV
愛滋病抗體一及二 Anti-HIV I&II
73. 肝腫瘤指標 Liver Tumor Marker
甲種胎兒蛋白 AFP
2009年2月22日 星期日
二月二十二日：打麻雀
今早還在睡的時候，突然聽到打爛野的聲音，立即從床上衝出去睇下發生咩事，她企係身時，唔覺意碰跌左隻碗，打爛左，好彩唔係佢跌親或整親，
瞓醒，就和家人去了餐廳食早餐，但，我吃完我份早餐
食完回家，做下運動，休息下，之後，兩個姑媽來到探她，我們便買了外賣及煎了年糕，終於新年所有的糕點都清晒了！
她留了她們係度，所以要我們陪她們打麻雀，我都好耐無打過了，不過當「鄧」脚，陪下她們玩下！我無咩輸贏，只贏了三大元，哈哈！
打了六圈就出去食晚飯，去了一間酒樓食晚飯，個市真的好淡，星期日晚市都唔full，七個人食飯，叫了半圍的套餐，每碟都好大碟，所以，六人餐七個人食都卓卓有餘，吃得非常飽！
2009年2月21日 星期六
二月二十一日:針灸
星期六，一家人一齊出去飲早茶，之後，我同姐姐陪她去針灸，因為星期六的關係，所以，比較多人，醫師到有三張床，可以同時針三個，前兩次去時，都係只得我們，但今次去到時，三張床都有人，而且還有一個扒係張枱到針緊！好彩都不用多等，便輪到她了，也是先針背面，背脊有六針，後頸也是六針，較上兩次少，不過，在後面的頭部也針了兩針。
唔知係因為針的地方無咁痛，還是一早給她一個小枕頭枕住個額頭，令她沒那麼辛苦，所以，今次可以針到廿五分鐘都無叫頭痛要拔針，可以瞌下，
左脚一針，右脚五針，肚一針，左手一針，右手六針，頭頂也六針，下顎一針，隔了一陣，再在她仁中位針了一針，額頭三針，鼻樑一針，我問醫師為什麼要針仁中位，佢話呢個位，就算暈左或休克，針一針就可以醒，會好醒神！但從她表情可見，針呢個位都幾痛！
醫師話她的血脈通了一些，比較有反應了！
又大約等左廿分鐘，拔針了，但臨尾也在她右手針下拔下，整左幾下，先完結今次的針灸。
本想約下星期三，但醫師話隔太耐了，所以，要星期二再去，我一次過約晒下星期的時間，可以預先安排搵邊個去陪她去。
坐車回去，因平時上車的地方，有太多車塞住左，而且又有人搬緊傢俬，所以，我地都唔敢係嗰度等車，唯有行去另一個位方等，但，那條斜路又斜又崎嶇不平，所以，我推了一小段路，便叫了姐姐去搵架的士兜過黎，我和她係馬路邊等算了。
回到家附近，就去tea一tea，食完東西就陪她去睇醫生，原本打算叫醫生換過隻葯，因為睇左兩次都止唔到咳，點知去到登記時，姑娘話由另一個醫生代診，我們便順便去另一間診所，試下我睇開嗰個醫生，另一些咳葯水對她會唔會有效一點。
睇完醫生就返屋企，休息一下！
2009年2月20日 星期五
第七天：日間中心
因為昨天半晝就比人叫走，所以，我今天也到中心陪她！
今天一早醒了，但我沒有跟她的車，送她上車後，我就自己坐地鐵去，我九點多些到達，去到時，她還未到，我便坐係度睇報紙，陸陸續續先有會員到達，而她到九點半才到，8:15am上車，搞到9:30am才到，今天車程好長喎
她先吃早餐，係炒米粉，吃完早餐就食葯，我之前同姑娘講左有些葯已經食左，但佢又比一次，好在我睇到，拎返出黎，費事duplicate食葯！
十點，就推她去做運動，第一個運動是踩單車，當然不是我們gym room常見的成架單車那款，只係得脚踏的那款單車。她在踩單車時我就同物理治療師劉姑娘傾下，佢話頭一個星期會攰D，因為佢地會試下她可以去到那個程度，可能會對她有些難度。
跟著劉姑娘和她做單獨評估，佢話她有可能可以自行照顧自己，而且，還有機會楂筷子，比起醫院的姑娘，佢的說話有一定的鼓勵作用
然後，去返一齊做運動，她跟著做推手運動，再之後就係練習壞脚的支撐力，我諗做左三個運動，呢個應該係最辛苦。
十一點九到，運動完畢，就係午餐的時間，有白飯魚炒蛋，菜心和合掌瓜豬骨湯，吃飯食葯後便時午休時間，我就係呢個時間走了，問左下午的schedule，午休完就做運動，吃埋下午茶後可以返屋企了。
今天上午的時間，比尋日過得快點，可能尋日經常都係等等等，今天真的係度做運動，所以時間好似快點過，無咁無聊。
我回家後，便出去吃lunch，然後就去做gym，我又要運動下
回家已經差不多六點，係時候係屋企留下接佢，爸爸話佢去接，所以我就留係屋企check email做下野，咁樣又一day了！
我的假期，已經無左一半，放假D時間過得真快！
2009年2月19日 星期四
第六天：日間中心／葉問
今天是我放假咁多天後，第一天咁早起身出門，七點幾起身，八點左右出門口，陪她去日間中心，我陪她一齊坐復康巴士，司機到不同地點接人後就出發到日間中心，我們大約九點到達，因為是第一次去，所以，我就陪她一齊，辦下手續！
不過，原來有些菲傭會整日陪左個老人家係中心入面！
首先安排了她吃早餐，然後幫她量溫度及血壓，37.4C，有輕微發燒，姑娘好緊張咁講有發燒就唔好黎，不過佢又話晏少少再同佢量過，至於血壓，上壓正常，下壓有點偏高！
吃過早餐後，要等到十點，其他的會員去晒做運動之後，姑娘才問我問題，問下她的病歷，她的活動情況等等，搞左半個鐘，又要等，在sofa到坐下，佢地又間中幫她量體溫，仍然是37.4C，又講話遲D再幫她量，又話要她多休息，不適合做運動！
呆坐左一個鐘，十一點半左右，由物理治療師幫她做評估，做左半個小時左右，試了她的手，她的脚，治療師話她應該有進步的機會！跟著係lunch hour，又係食飯的時間，食完飯吃過葯，休息時間，佢地又幫她量體溫，居然係38C，我立刻講可能係食完飯比較熱，但佢地已經講話要call 的士要我送她回家！人地出口叫我地走，我地唯有走！
我帶她返到屋企後，才出去吃lunch，今早太早吃早餐，所以好肚餓，吃飽後，便去取血壓計，去到才知無貨，要三月初先有，留左電話，有時就call我，好彩我都為左買個探熱計，無血壓計就買左個探熱計先！行埋超市，帶著好重的東西回家！
回家後幫她探熱，一點燒都沒有，我又試下探自己同家人，她36點幾度，而我反而有37.1C，哈哈！而他只得35點幾度！
跟著又走出去做個台階，因為有意見話不拆浴缸，所以，要整一個台階，方便她進入浴缸洗澡！
佢話即日可以整到，到時call我去拎！
頻頻樸樸左一輪，就坐係度睇左套電影，「葉問」，朋友話好好睇，叫我一定要睇，所以，趁係屋企得閑咪睇下，本身都幾鍾意甄子丹，尤其記得他與洪金寶那套殺破狼，覺得非常精彩，呢套「葉問」，都幾好睇，唔係一味打交，毫無劇情的那一種！
跟著電話到，便去拎那個台階回家，好重，所以，行得好快咁返屋企，希望，幫助到她！
她應該唔係真係發燒，因為我幫她量了幾次，都無一次係發燒，都唔知點解，今早她在中心時又比量出發燒，哎呀！！！
希望明天去到時，唔好無端端又話她發燒啦！
2009年2月18日 星期三
第五天:針灸
今天已經是第五天假了，如常去吃早餐，之後，就去散步，回家休息下，又再去針炙！
都係針背脊先，背脊十針，後頸又十針，同上次一樣，針了不久，她有叫頭痛，唔知係針到痛，還是因為扒係度，扒到頭痛！所以，醫師就幫她拔針！
然後轉身針前面，wow，今次施針的數量及位置都唔同，左脚五針，右脚七針，肚四針，右手七針，左手兩針，下顎一針，頭頂九針，前前後後共55針，針前面好似好一點，可能無咁痛，所以她沒有叫醫師拔針！不過，我諗，雖然D針好幼，但，針落去，都應該會幾痛！
大約針左一個鐘，搞掂就走，返到屋企附近先去食下午茶，又散步一會，就去睇醫生，今次睇西醫，醫生話她還有輕微發燒，問我為什麼唔同佢係屋企量，我話屋企無探熱針，佢就叫我去買！
搞左成日，返到屋企，已經五點了，頻頻樸樸左一日，爸爸出去買餸，我就留係屋企check下email，做下野，咁又一日，明天，要早起！！！
2009年2月17日 星期二
第四天：死亡筆記
今天是放假的第四天，如常去吃早餐後，就陪她到公園散步，今天行得耐一點，跟著就回家了！
終於的起心肝再試下download個itunes，因為之前download左之後，都係過唔到歌去部ipod到，最後成個software deleted左，叫了朋友幫我入些廣東歌入去！不過，又唔可以經常麻煩人地，所以，今天又再試一次，終於成功了！
不過，我仲未研究到，究竟可唔可以將ipod的歌轉返入部電腦到架呢？因為ipod本身入面D歌係個朋友的，我想留返係度，但，又好似做唔到！
趁宜家放假有時間，所以就睇返D舊電影，之前睇左動畫版的death notes，和電影版，今天一個人無聊就睇了第三集，之後，姐姐回家，我都差唔多睇完，佢問我睇緊咩，我才發現，之前原來無睇到第二集，所以，睇完第三集先睇第二集，我真係有點老人痴呆，記性真係差D
不過，death notes，無論動畫版定電影版，我都覺得佢好好睇！
2009年2月16日 星期一
第三天：針灸
今天是no pay的第三天，尋日下晝瞓左晏覺，所以，搞到成一點幾先瞓到，今早十點起來，吃過早餐，陪她在屋企附近散下步，就回家了！
之前聽朋友講起，佢有三個朋友／或朋友家人，也有類似的問題，去了針灸，經一段時間後都可以好得返，所以，我們都決定除了做物理治療外，也嘗試用針灸呢一個方法，希望可以幫她舒筋活血，雙管齊下，另她康復的進度會快一點！
我們坐的士去到，事前已經問清楚輪椅出入有無問題，不過，去到之後，才發現，架lift好細，好勉強才可以入到架「車」，上到去，因為門口較窄，所以，架車就泊係出面，她自己行入去，係一個女中醫，佢先看看她的脷，然後把脈，看看她的頸背的位置，同時問下她的情況，然後就叫她上床施針！
先扒係到，係背脊的位置插了九針，在頸背的位置也插了九針，等左十分鐘左右，因為她說她的頭好痛，所以，醫師就幫她拔掉，我都唔知是否時間已夠，還是因為她痛，所以幫她拔走！
然後，就是針正面，右脚七針，左脚三針，肚三針，右手七針，頭頂又八針，同一時間，有成廿八支針係佢身上，問她痛唔痛，她又說唔痛，可能只有輕微的痛，所以，她說唔痛，針停留係佢身上應該有廿分鐘或以上，醫師在拔針的時候，都唔係直接拔走，而係轉動下之後才拔走！
在我們準備走的時候，見到有一男一女黎到，等醫師幫他們施針之後，我們再傾她的情況，醫師話一個療程十次，而她的情況要二至三個療程才有效，約了星期三再去，但因為呢個星期四要去做物理治療，一至五都要，問可否逢星期六才針，醫師話一星期一次係無效的，最少也要一星期兩次，最好就係隔天去針！
坐的士回家時，問她，感覺怎樣？她說除了針頸背時痛之外，其他地方都無咩痛，醫師話佢血壓高同佢右面的頸有關，佢話她的頸左右不平衡，所以導致她有問題，其實我睇完都唔知是否每人都係咁樣，定或是只有她才是咁樣，無論如何，如果針灸可以幫她快點康復的話，我都覺得係可以試下！
吃過下午茶之後，才回家，屋企附近大部份的地方都係斜路，無論推上斜或落斜，都係好辛苦！遲些我可能會手瓜起「展」。
訂閱：
意見 (Atom)