二月二十二日：打麻雀

今早還在睡的時候，突然聽到打爛野的聲音，立即從床上衝出去睇下發生咩事，她企係身時，唔覺意碰跌左隻碗，打爛左，好彩唔係佢跌親或整親，我讓她坐返係度，就清理現場！之後，再回去睡覺！

瞓醒，就和家人去了餐廳食早餐，但，我吃完我份早餐

，家人的食物還未到，可能係漏單了，要追了兩次才黎齊所有食物

食完回家，做下運動，休息下，之後，兩個姑媽來到探她，我們便買了外賣及煎了年糕，終於新年所有的糕點都清晒了！

她留了她們係度，所以要我們陪她們打麻雀，我都好耐無打過了，不過當「鄧」脚，陪下她們玩下！我無咩輸贏，只贏了三大元，哈哈！

打了六圈就出去食晚飯，去了一間酒樓食晚飯，個市真的好淡，星期日晚市都唔full，七個人食飯，叫了半圍的套餐，每碟都好大碟，所以，六人餐七個人食都卓卓有餘，吃得非常飽！