第二天

今天係放no pay的第二天，行程同昨天基本上係大同小異，早上先去吃過早餐，就去陪她，同她郁動下她的肌肉和關節，陪她傾下計，好快就兩個鐘了。

跟著，我就去做gym，我都要勤力D去做運動，今年target要減三磅，，對於他人來說，3 lbs真的係小兒科，但，我同同事講起，佢話我唔使減，叫我要肥返5 lbs先好，哈哈，我舊年好難先減到5 lbs，叫我肥返5 lbs咪即係打回原形，no way，我係D易肥難瘦的人，叫我增肥好容易，但要我減就...所以呢，今年原則上唔打回原形都okay架，減多3 lbs就very 骨嘞！

做完運動，就去了M記食東西，嘻嘻，即刻食返D咁高卡的食物，想減肥都幾難

跟著我又去陪她，因為她下午沒有去做運動，所以我就陪她到大堂行下，舒展根骨，郁動下！

姑娘問我們明天她幾點會走，我答等緊佢地安排車，佢居然答我佢地無安排到，因為我們找不到車，宜家佢地又話無安排到，我就好憫咁同姑娘講，無車點走？佢問我幾時同姑娘講要代安排車，我星期一晚已經同坐係counter到的姑娘講左，仲話我地唔可以跟車，要係屋企等。宜家佢答話無落到簿，我即反駁，唔通我要"的住"嗰個姑娘落簿，嗰個人落唔落我控制唔到，佢就用好challenge的語氣問我邊日幾時同邊個講，雖然我近排成日覺得自己好無記性，但呢樣我好清楚記得，因為，嗰晚我聽到的東西同我姐姐講的有唔同，我回家立即有同姐姐對証一下，所以，雖然我唔知嗰個十下十下的姑娘叫咩名，但我認得係邊個，只不過我唔想篤佢出黎！到最後可以點，她好想明天走，咪唯有明天要坐的士走囉！

呢件事教訓了我，唔好問，或叫嗰D十下十下的姑娘做野/跟野囉，結果到頭來，令自己一肚氣。而且還要不厭其煩咁追問佢地，呢樣野有無安排到，又無result出，...否則，到頭來，原來佢地根本沒有幫我地做任何野，我們只是一廂情願咁係到等!!!

回家吃晚飯後，就繼續追看珠光寶氣的大結局，尋晚就非常精彩，但，今晚就，一如往常的大結局，無無聊聊咁happy ending囉！經非正式的統計，我覺得通常大結果的前一晚，係最精彩的，大結局當晚，就有點無謂囉！八十幾集的長劇，追下追下，就做完lu!