上星期日去了澳門上攝影課，頭一站係影荷花，不過要6-8am，太早了，所以，我們選了由第二站觀音堂才開始。
前景是油燈火，後景是燈胆光，但，前後對比唔大，效果未如理想。
用紅色半圓作前景，塔香作後景，好難取景。
用塔香影pattern
影耶穌光，較左white balance先影到藍色，光線唔夠實。
第三站教堂。
剪影，前面一排凳要有反光效果。
第四站港務局
又係柱群，一張凳做主體，影光與影。
解散了，我們就去左馬閣廟，不過逛了一陣，無乜點影就走了。最後去到大天主教堂，休息一下，順便影下蠟燭。
蠟燭，不過唔知要影咩效果，自己想影到隻杯有光環，但，影左好多張都影唔到這效果。
天氣好熱，企係到都滴汗，辛苦一天都影唔到靚相，下次要再練習練習！
大家唔好誤會，唔係講緊度蜜月
阿姐放產假十個星期，時間過得真快，下星期一，佢就回歸公司了。
無老闆在公司的日子，大家都會覺得輕鬆點，每天瞓到十一、二點先開工的佢，可能會無瞓得咁安心，要留意阿姐會唔會出黎搵佢。不過，可能熟能生巧，佢瞓瞓下都可以即刻回答阿姐問題，好勁。
有個懶洋洋的上司，我地呢十個星期，都變得好free咁。因為，佢都唔會點催我地做野，反而，我地係咁催佢，呢樣你review左未，嗰樣睇左未，有時，仲心急過佢。
有時，大家都唔好意思叫醒佢，行到佢個位，無叫佢，回自己位自intercom佢，或，將東西交給我，讓我比佢。我比較衰，行到去，唔理佢係咪瞓緊，我都會叫佢，講低我想講的野先行開。佢幾時做，我無得管，只要佢唔好掛住瞓要我OT趕工就得。
佢瞓佢的事，只要唔好阻我收工就得嘞，哈哈！
星期五，蜜月期最後一天，真係有d唔捨得，覺得，時間過得真係好快呀！唔知，佢會唔會生第三個，我地有另一次的蜜月期呢！
寛頻upgrade左去100MB之後，寛頻公司就每星期送兩張指定的戲院的電影戲飛，不過，每次要去戲院換飛。
通常免費電影在星期三上映，星期一才開始換飛。
公司附近沒有這些指定戲院，所以，如果星期一放工去，星期三晚上的戲飛都已經換院，可能只剩下日場的戲飛，但，日頭要返工，邊有得睇呀？又如果，我公司還未搬，在TST時就好了，可以lunch hour去換飛（還在懷念TST的時代
剛好過去的星期一是端午節假期，可以讓我一早去戲院換飛
加勒比海盜一至三集，我都沒有係戲院睇過，近排無記重播，所以，終於睇晒才去睇第四集。
雖然唔係覺得佢唔好睇，但，好像欠了些什麼似的。沒有太多出海的鏡頭，不覺的黑鬍子海盜有幾恐怖，3D無乜特別。我只被積克船長一個人吸引了，哈哈。
下次，要等星期一放假或星期三放假，才可以再享用這個免費電影lu
外話：我隔離個女仔，就真係ip迷，估唔到係戲院入面，佢都要用ip上fb，上網等，又係到講電話
星期六約了去朋友新居打搞打搞。
二點幾才到達，好肚餓，所以，先黎tea 一 tea。朋友整左沙律及焗雞翼，先醫一肚。
另一個朋友到時，再焗了第二輪雞翼，今次掉轉次序黎焗，賣相比第一個好，不過兩個都好好食。
朋友遲來的原因，就係今早homemade mango cake。外盒好靚呀！
完成作，yummy!
食飽飽，有乜搞，就係搞ip陪訓班，哈哈，大家拿著ip玩，有乜新app，有乜好玩的app等等，搞搞陣，哈哈。
亦打左一陣wii，夜晚九點幾，先出去食dinner，去了生昌打冷。
蠔仔粥，好味，更好的是佢d葱大大條，易拎走
炸蟹棗，雖熱氣，但好味。
腐乳通菜
鵝肉豆腐
涼瓜炆斑腩，雖然我唔食涼瓜，但個斑腩好好味！
輕輕鬆鬆過左一個周末!
