新挑戰

老闆黎香港一個星期，時間過得好快。

每次老闆黎，我們都會特別忙，要預備東西讓佢去同其他部門老闆或其他人開會，或要報告自已部門的工作進度。

今次，佢除左帶來忙碌之外，還帶來新挑戰。讓我去學習一樣我從未做過的工作。

佢叫我7月初和7月尾，去新加坡兩次，因為同事八月開始放maternity leave。所以，要7月去學習，10月去做back up。

佢叫我考慮一下。

工作上，我覺得應該過去學下呢樣野，對自己的development會有幫助。但，要考慮的是家人。7月兩次過去，每次一個半星期，即我會有三個星期不在香港。最後，和家人傾完之後，都係決定過去學野。

不過，有點擔心面對老闆工作，在香港，始於山高皇帝遠，壓力無咁大。但在新加坡，面對面，壓力會大好多。再者，那裏以英語和國語為主，怕有溝通上的失誤。

希望，順順利利學識要學的東西，唔好食咁多老闆的貓麵。

意蠔x

前兩晚，去左一間餐廳食晚飯，食物OK，但，d staff令我有d＂興＂。

舖頭比較細，得兩排枱，其中一邊有梳化，放左兩張四人枱。另一邊，就放左5張兩人枱。

我們三個人入去，本來想坐入面梳化，個staff話，要留返比客人。原本都OK，我們咪坐出面的二人枱，兩張拍在一齊就夠我地三個人坐。坐低左，佢就話我地阻左走廊，咁我地就移入d，坐得好貼近枱，佢仲話行唔過。咁我再問，可唔可以坐入面梳化，佢話要留比五個人的客人。根本就未有客，但要留位給＂未到＂的客人，但唔招呼已到的客人。

佢唔比我地坐入去，咪照坐出面的枱。佢繼續要我移入d，我就話，走廊另一邊的客人，佢地坐到咁出，點解唔叫佢地坐入少少。我地已經移到貼住枱面，邊有得再移。

到最後，我們order野，食完野，走埋，嗰＂五個客人＂都無出現過。

如果有客訂左枱，我接受你要留枱比佢地。但，根本就無人訂枱，又無客等位，點解要hold住張枱。餐廳坐得廿人多d，仲有位剩，就唔肯比已黎的客人，咁樣做生意。哎。。sorry，下次唔會再幫親。食物需然OK，但價錢唔平。無賣點我要再接受咁的服務lor！根本就無客坐嗰張枱，但要我地迫住食。。。

Dinner @ Brotzeit

朋友的舊老闆開了間德國餐廳，朋友叫我們在開張當晚去撐場。


場上有香港特色的圖畫


用這些木架分開餐廳和商場



餐具



三款不同濃度的生啤，有一個朋友原本唔飲酒，後來餐廳老闆介紹了一隻生啤溝芒果汁比佢試，嘩，我地聽完到O晒咀，生啤＋芒果汁，好奇怪，但試過，又出奇地OK喎。有些酒味，有些芒果汁，唔錯。



我地叫左一個Platter，本來想叫一個pizza，但又怕食唔晒，所以等碟platter黎左睇下佢的份量先再決定，好彩，我地無叫pizza咋。





最右面係薄炸豬扒(Pork Schnitzels)，朋友話通常係用牛整schnitzels，不過呢到就用豬。佢地覺得無味，我就覺得淡淡地OK。


中間係炸豬腳，個皮好脆，有肉汁，好味道，四個人可以Kill左佢，不過五個人食會最好。


上面支旗仔，一面係餐廳名稱，另一面係有圖畫。



左面有六款不同的腸，豬和雞肉腸。



三種醬料，左面係甜的，中間係辣的，右面係甜芥辣。我最鍾意這個甜芥辣！



可以選2個side dishes，呢個係麵包整的，唔記得叫咩名。



太多肉，所以我選了個雜菜。



侍應見我們可以kill晒所有食物，都好驚訝，話好多時d客都食唔晒，原來，我地係咁大食，哈哈哈哈。

最後，當然是dessert time！

Emperor's cake with plum sauce

好味道，四個人share食，啱啱好。食飽飽埋單，雖然無discount，但朋友的舊老闆就送左甜品比我地。哎呀，早知叫多幾款唔同的dessert啦！呵呵呵呵。

 

 

 

 

 

 

Lunch @ KC Coffee

Office終於搬左，第一日係新office就病左。現在，已經好返七七八八。

第一日同一班同事去左隔離的工廠大廈入面其中一間食店食lunch，入去第一感覺，好焗，好辛苦，我諗，佢係有人幫親先開冷氣，所以我們入去時還是未夠涼。

因為工廠大廈的關係，環境真係好差，人和貨搭同一些lift，好危險咁。

第三日就約左朋友一齊食lunch，原以為有shuttle box坐去那商場，原來是一場誤會，只係去附近另一座商廈，於是我就步行過去，都要行十五分鐘。朋友先到，搵定位，快快食完，去那商廈坐shuttle bus回公司，嘩，2點，遲到好多tim！！！

第五日，等shuttle bus，原本12.30pm那班脫期，要坐12.45pm那班shuttle，同事已經選好去呢間KC Coffee，嘩要幫親下我喎。哈哈，KC係我的initial！

同事order的吞拿魚沙律



我order的意粉



不過真的好慢，我等左好耐先至黎，order to make真係唔適合要趕食lunch的人。

叫的coffee，費事飲得趕喉趕命，叫待應變外賣，拿回公司才慢慢歎！呢杯三十幾蚊的Mocha真係好似貴左D!

公司附近有咩好食，有待發掘。

 

 

父親節飯

雖然下星期日才是父親節，不過，下兩個星期日都有事忙，所以，今日預早食左父親節飯，今次沒有特別選擇什麼地方，只是在屋企附近的酒樓開餐。

前菜一小碟，我唔食的豆角。



孖寶的龍蝦伊麵和燒腩仔，龍蝦伊麵唔熱，燒腩仔個皮唔脆。





帶子菜苖，菜苖，原來只係白菜仔。同我諗的菜苖唔係好同一樣野。



蒸黃立鯧，蒸得啱啱好，好味。



陳皮蒸鮑魚，唔勒，好味。


單獨影，好似好大隻，哈哈哈哈。

世事真係好巧，望住張上菜紙，居然入單的侍應的中文名，跟我某一同事完全一樣。

 

 

 

 

 

 

五月

五月，終於過去了，2012年5月，真是一個難過的月份，希望，6月開始，所有唔好的野走晒，好的野會相繼來臨。