九龍公園

今日外影的目的地是九龍公園

首先就影下Pattern

對光測光，做出窗口光，其他地方暗，的效果及構圖。

影鏡中的倒影

再玩搖鏡，1/15，ISO200

白位太多，但好難唔影咁多白位

又係pattern

影反光

背景要黑，襯托出藝術裝置

背影唔夠暗

前清後朦

大光園，前朦後清

光與影

今次聽到，但影唔到，哈哈....

 

火間土

朋友日前生日，尋晚同佢去火間土慶祝。

自選魚生拼盤，在七款中選三款。我們選了三文魚，帶子和甜蝦。

朋友話蠔係出名，我們在menu找到這款炸蠔，但後來才發現，我們要找的不是這炸蠔，應該是串燒蠔，不過我地無試了。

明太子豆腐

炸魚仔沙律

芝士焗蟹肉飯，好味推介

豬肋骨，超...難食，可以不試...

大致上食物都好食，除了豬肋骨外，但，總覺得，這裏的侍應態度麻麻，雖不致會惡言相向，但，佢地說話語氣好＂掘＂，又經常聽唔到我地ORDER什麼。

 

訓示

星期五終於搵左老闆傾計...

如我所料，都係佢講九成半，我只搭咀講左半成時間...

跟去年十二月講的，大同小異，不過，多了一點"壓力"在語氣之中...

心裏明白他想怎樣，但，知易行難...

唯有努力一點...

食食食

今天的感覺係，食，食和食。完全無停過咁！

老闆來了香港數天，今天同事生日，所以lunch一起吃泰國菜，除了生日同事外，我們也得到一個free lunch

老闆坐係我對面，講，你今天食得好多野喎，其實，我唔係食好多，不過，無托佢手踭，佢夾咩，我都用碟接住啫，哈哈，費時佢地成日都話我唔食野，哈哈。

而且還飲左一碗冬陰公湯，真係超飽！

下午，還有個生日蛋糕，大家夾份買比生日同事。最後dept head說佢比錢，買蛋糕的同事問我點？咁咪當下午茶基金lor!留返下次食tea!

咁多晚都無陪過老闆食飯，dept head問我今晚去唔去食，原本說因已有約不去，但後來，佢地話訂左一隻燒乳豬，所以，我又心思思想去試下，順便應酬一下老闆，一舉兩得。

事前佢地都激讚這隻乳豬，燒乳豬內有糯米飯，dept head仲叫了老公同bb一齊黎，八大一小，食這隻乳豬。其實，我又唔覺得隻豬超好食，可能因為中午的食物還未落格，未食晚飽已經係飽肚feel，還是，隻豬始於都係肥肥地，唔夠瘦，唔係我杯茶。不過呢間酒樓個湯都幾好飲。

老闆星期日飛，明天還在香港，dept head話，明天要同老闆傾傾偈。三個月前係上海都已經傾左個幾鐘（或者應該係...聽左佢訓示個幾鐘），佢要講的野都應該講晒啦，仲有咩好傾呀？

遲來的電暖毯？

去年十二月，天氣寒冷，發現信用卡有Electric Blanket換領，所以，就用積分去換，一月時收到換領信，說因沒現貨，要到三月才有貨以供換領。

星期一去了換領中心取，尋晚有小小涼，打算試下work唔work，唔work要七日內去換，不能等到今年冬天才試。

打開包裝，突然發現，這張係電暖墊，而不是電暖毯！

一廂情願以為係電暖毯真係搞笑，唉！

Blanket，原來除了是毯之外，還可以解作墊...

細個時應該學好D英文架啦

笑話一則:盲搶鹽

近排家中煲湯都無乜咸味，只以為高小姐放得少鹽，亦沒有理會，怕叫她落多些，會放得過量。

今天，謎底終於解開！！！

話說屋企前排無鹽，高小姐去買鹽，買完回來就放在鹽樽，煲湯醃肉都係用呢樽。

今天家人打算用鹽水潄口，才發現，點解無咸味？問高小姐放了什麼在鹽樽裏，最後睇返原來的packing，才知，她當時買的，是糖，不是鹽我們一路都用糖當鹽用，哈哈哈哈。

人地盲搶鹽，佢就以糖代鹽！

新玩具

有新玩具玩呀!

先黎個自我測試，BMI及平衡力，結果係，我的BMI係標準，但平衡力，就比我實際年齡老了13歲

會唔會唔準，唔知架，可能玩到有technique就會好d，哈哈。

Fit plus入面有六十幾種練習，都係試玩左幾樣，繼續試玩

海洋公園家庭樂 (2/2)

行到攰攰地，去左海洋奇觀附近的海龍王餐廳食tea！

睇睇menu先！

本來想order五個set，但因第一樣沒有，所以重覆order了多一個飯。Menu上的食物好少，只得以下，沒有其他了，飲品，熱的只有咖啡及奶茶，凍的就只有三款汽水。

水族館特式炒飯，有幾特式，望望價錢就好有特式了。

温泉玉子义燒拉麵

青木瓜牛柳沙律

脆香雞配薯條

熱咖啡

可以一路食飯一路看住魚缸

食飽睇飽，繼續出發。

家人想坐海洋列車，但因維修，暫停開放。

唯有坐纜車，一條纜只有一架可以上輪椅的，所以，職員問，可否行一兩步，如果可以，就停了纜車讓她慢慢上纜車。

上到山，先去水母萬花筒，開了咁耐，第一次去參觀，好多好靚的水母，但影唔到。

影唔到真的，影下隻假的，哈哈。

之後，去海洋劇場睇海豚海獅表演。

跟著去中華鱘館，入口有幾級樓梯，唯有行幾步，行完到出口，才發現，有另一個入口，沒有樓梯。

時間差唔多，坐回纜車下山。

在海洋廣場等候激光show！