呢一盆，係我原本的一盆，今個月已經花謝，所以，只剩下一片「巢」左的葉，同事話可能係曬傷左的關係，所以，D葉「巢」晒！
呢盆就係上面一盆的分枝，種左好耐，終於，開花了！
2009年7月30日 星期四
2009年7月27日 星期一
祝早日康復
兩個星期前，突然想起好耐無見過班舊同學，便send了email問她們得唔得閒八月出來聚一聚，好快其中三個就覆左ok，隔了幾天，我就send SMS去問第四個，隔了一天都無收到回覆，心裏有個不好的預感！
之後，就打電話給她，直入voice mail，我就留了message給她，隔了一天，都係無覆我電話！
心裏有陣不好的感覺，但，亦同自己講，可能她去了旅行，所以沒有覆email/SMS/call！
終於，我再打電話給她時，找到她了，原來，她入左醫院，因為之前的病令她抵抗力差左，現在就感染了腎炎，持續發燒，所以，在六月開始入院，到現在已經個多月！
今天晚上放工後去探她，我坐巴士入大圍，再轉火車，及的士，因為我唔識路，所以行錯路，仲要比我撞到個同事，比佢知我行錯路tim，"火羅爆”，係公司附近兜了一個大圈，先搵到入大圍架巴士！
探病時間到7:30pm止，我7:20pm先至到火車站，便坐的士去醫院，5分鐘唔使的車程，趕得及去到病房！但，原來她放假回家了，明天才回醫院，我白忙了一次，探不到她，便留了個message 給她，便回家去了！
因為好近的關係，又唔趕時間，走時就行去火車站，坐火車回家！
祝，她早日康復，快D可以出院！
2009年7月26日 星期日
Harry Potter & Public Enemies
星期五六晚，都去了睇戲，星期五晚就睇Harry Potter & the Half-Blood Prince，之前幾集的Harry Potter都有睇，所以，我都會繼續追！放工去到戲院先用credit card攞飛，但整左幾次都唔得，我又無print張confirmation出黎，唯有等個fd到，佢有print出黎，就去counter攞飛，原來，個staff唔使睇張printout，只用我credit card no就幫我出飛！
呢一集比較平淡，沒有太多刺激的場面，亦多了一點的感情線，可能我有D攰，小部份的時間，我係合埋雙眼休息當中，哈哈！
星期六晚去睇Public Enemies，沒有打算去睇，不過朋友問開打完波一齊去睇好唔好，咁我又無所謂，就一齊去睇！
不過睇完，同我從戲名所想的東西完全係兩碼子的事，朋友事後話我瞓著左，其實我無瞓，只不過太攰，坐係張凳到無咩點郁，好似瞓著左咁lor！
呢套，我又係睇到有D唔知講咩咁，又係有D一頭霧水！不過，講開劇情，我答到咀，所以，証明我係無瞓過，哈哈!
2009年7月22日 星期三
Appraisal
七月頭時話要做appraisal，但因為dept head唔得閒，無做到，而我，亦已經忘記左呢件事了！今天，突然manager問我得唔得閒做appraisal，我先醒起，我未做架喎，我以為已經不了了之！
其實年中的appraisal都係比較causal，似傾計多D，而manager係第一次同我做appraisal，dept head 話要sit in一齊傾，所以，三個人就傾左差唔多兩個鐘！
manager要求我講下我的工作，有咩強項，有咩要改善，我都好似講返上年年尾同dept head講的野差唔多！
無論對dept head定manager，我都係講我現在主力做reporting的工作，對於operation的工作，我就比較少接觸！
我覺得，今年上半年同舊年的變化不大，只係將一D的工作，由手上轉去同事到，有D又由同事到轉去我到！只可以講，沒有大過失，但同時亦沒有什麼成功感！
dept head插咀問我，佢今年年頭問我的問題我有無答案，我好老實答佢我諗唔到，因為，對於一些unknown的野，我無idea！
於是，佢話佢比個direction我，聽完之後，我覺得無咩所謂，我從來都唔會反對做什麼工作（當然係related嗰D工作），如果係一些我做過的，我會有經驗去handle，如果係一些無做過的，我會當係一個learning opportunities去吸取工作經驗，始終覺得，識多一樣野，對我黎講，係百利而無一害，只要唔係overload就可以了，因為overload就無可能將工作做得好，最後只會變成徒勞無功！
距離dept head放產假只有三個月，好多野都會在呢段時間做決定，究竟，upcoming的job duties，會有些什麼變化呢？我期待著，新的job duties，會給我一個refresh的感覺！
今次Appraisal之後，令我對以下兩項，有了另一個理解，或者，應該說是，我開始明白到，有些東西，不同的人，會有不同的理解。是時候，多聽取及理解別人的角度，或對自己的思維有新的insight！
1. Communciation
2. Reliablity
希望，遇到同樣的那個問題，我會有個肯定的答案！
花樣男子
之前煲完台版的流星花園，跟著就睇韓版的花樣男子，本來，我都是追睇J2的粵語配音版的，睇完十六集開始，因為越來越精彩，我就等唔切，開始上網睇返韓語版本，初初有些唔慣，因為韓語版本的中文字幕的人名，跟粵語配音版的唔同，所以，睇睇下，幾個唔同的中文譯名，搞到我有點亂，所以只有認人樣，唔記名lu，哈哈！
通常每晚都係睇兩集，但尋晚，越接近大結局，越想追，所以，就連續睇左四集，睇埋大結局成一點半先去瞓，今早，又係度睇日偏食，睇到對眼都有點攰！
雖然，已經知道是大團圓結局，但，仍然好想追睇，我覺得，它尾幾集的劇情，跟日版比較接近，而台版，就將尾兩集的東西，拍了第二輯，整整三十集的長劇，真是有點吃不消，哈哈！
之後，我就會看動畫版，看看，跟台版／韓版又有多大分別？已經中晒呢套劇的毒了！
日偏食 @ Office
今天是難得一見的日全食，但香港，就無福看到日全食呢個天文現象！不過，雖然如此，但我們仍然可以睇到日偏食！今早在office，大家就熱熱鬧鬧咁樣係度睇日偏食了！
沒有帶相機，只用手機去拍，所以，好像街燈一樣的，得一點點的光
9:20am 為什麼有兩點？大家估下！
9:21am
9:22am
9:25am
9:44am 在還原當中
9:45am
因為經常都有雲，所以，要爭取沒有雲遮住的時間，才可以睇到日偏食！
呢幾張係同事影的，借來一用，哈哈
2009年7月19日 星期日
大懵的我
今天同家人去飲茶，入左lift發現無帶銀包，便回家拎，但，返到去，都是找不到，唔通，尋間漏左係南丫島？Call了朋友，但她應該未起身，唯有send個message叫佢幫我搵下啦！
照出去飲茶，同屋企人講起，佢問我會係邊到唔見？我話，尋日朝做出去做gym時就肯定有，因為我張gym card擺係銀包，一定有帶，但回家後，我換過個bag才再去南丫島，因為我整個下午至夜晚，我都無拎過銀包出黎，因為，我買野食野全部都用八達通，一係係朋友屋企時拎相機出黎時跌左，一係係船上拎ipod出黎聽時跌左，但家人問我，其實我有無帶銀包出街，原本我都唔會覺得自己會無帶，但佢咁問，我就有點懷疑，可能，我真係換bag時，無拎銀包出去，而我，又無拎過銀包出黎，終於，返到屋企搵去做gym個bag，原來，真係仲係裏面，真係，自己嚇自己，大懵到無帶銀包出街都唔知，不過，亦可幸我係無帶出街，而唔係唔見左，哈哈！否則，要補領証件/credit card等等的東西，又要比$$$$$！
2009年7月18日 星期六
颱風下的Japan Party
之前朋友約左今天去南丫島搞了一個以Japanese Food為主題的Japan Party，雖然掛了三號風球，但仍無損我們的興趣，係中環買完材料之後，就坐船入南丫島了！
六點幾開始預備食物，呢個係用黎做日式沙律的青瓜，朋友話要磨下個頭清左D苦澀味（但我地其他人都無聽過要咁做，哈哈）
他們在預備食物，而我，就在廳中留意天氣報告，今早還是說午夜後至黎明時分才掛八號，到我們入左去，就開始講話午夜前後，所以，我預算坐十點半船走人，雖然他們話welcome我stay overnight，但因為我什麼都無帶去，所以，都係想返屋企多D！
他們在kitchen忙碌的時候，我同其他人係到吹下水，原因係，我唔識煮，只係好間中入去幫下手，哈哈！
整到九點半，終於可以開餐了，而天文台已經講左兩小時內會掛八號，即十一點半左右啦！
因為颱風的關係，天台的帳篷已經拆了，所以，我們就在無遮無擋的情況下開餐
未炸之前的天婦羅
炸緊當中的
完成作，他們話，下次要再試，因為，點睇，都唔似係天婦羅
炸雞軟骨
我覺得好好味的wasabi salad醬
凍烏冬
吉列炸蝦
吉列豬扒及薯餅
日式沙律
魷魚刺身
冷豆腐
我們食食下，終於有雨了，不過我們都差唔多食晒所有野，見開始落雨，便立即掃晒所有食物入肚，執野落返樓下！
嘩，十點三了，我要立刻走，唔係就趕唔切十點半班船，再等，就要等十一點半尾班船，但我怕太大風，隻船會好搖！
所以，我就立即執野走，朋友的男友就送我出碼頭，原本他有開遮遮我，但最後因為太大風，所以，我叫佢收遮，淋下雨都ok，咁大風開遮好危險！
趕得切，就坐十點半班船出中環，再坐地鐵，入地鐵時還是三號，但出黎時已經八號，幸好還有小巴，回到家，好在只是小雨，無帶遮的我都可以安然咁返到屋企，無變落湯雞！
2009年7月17日 星期五
兩小時的演唱會
紅館裝修之後，第一次去睇concert，因為遲買飛的關係，所以，只能買到山頂位，三面台，而我們，就坐係側面！
在我的MSN的heading入面寫了：「希望唔好遲開場，早收工，同埋太多間場」
朋友MSN我：「你都幾清楚今晚的schedule喎」
我：「緊係啦，每次concert都有睇」
朋友：「我地咪係嗰D散場話呃錢，但又死死氣去睇嗰D人囉」
我：「無法啦，鬼叫我鍾意佢咩」
就咁樣，晚上我地食過野就去紅館了，ticket就寫8:15pm開始，但我們8pm就入到去，出面太熱，入去涼下冷氣坐係度等！
等呀等，觀眾席有一陣騷動，原來，係我地的曾特首出現，佢settle down左之後，終於開show，都已經係差唔多8:45pm了！
他由後台升上到樓梯頂，再慢慢行落黎
用到digital zoom 15x，就影到咁
他行出左右兩邊的台唱歌同握手，反而台下的就無得握手
對他的演出水準並沒有太大期望，只希望睇到他投入演出，我就已經滿足，今次，我一定比高分過上次，哈哈，雖然，十點九完場，連encore都無！
2009年7月15日 星期三
年假
上半年放左三十日無薪假之後，下半年，就係清年假的時候了，HR已經出左email提醒大家，只可以帶7日大假去下年，如果多過7日，就當自動放棄，所以，唔想蝕底，大家就要係下半年，將應該要今年放的大假就放晒佢！
我下半年要放九日，預計今年唔去旅行，所以，平時得閒放下，其實都係一個月放1日半，都唔算多，會好容易放晒。
今天就係第一天的清假，上午要做的事已經在上午完成，下午就超無聊在家，不停咁聽歌！近排，瘋狂地聽小豬的歌同上網睇佢有份主持的娛樂百份百或其他關於他的video，好似突然間「上癮」咁！
當然，仍然繼續在mytv追看「花樣男子」，逐集追，其實都有點「吊癮」，但要聽廣東話，唯有要睇下停下再睇！
2009年7月13日 星期一
捐血日
上周五見到Admin同事貼poster，便八卦望下，原來今天我們公司的大廈舉行捐血日，而我，就趁lunch hour，食飽飯之後，就到大堂捐血，我係今天的第五個（因為捐血的人要填寫名及公司），可能我還是早，所以好少人！
但，lunch的時間越黎越晏，黎捐血的人都係好少，六張捐血的凳都係坐唔晒！
我差唔多捐完的時候，見到一個男同事黎左，佢話姑娘話要四十分鐘左右，所以，佢填表及驗完血紅素之後，打算放工才去捐，因為怕返工遲到，佢話費事比人話佢曠工，哈哈！
我上周五問過Admin嗰個同事，佢話遲少少應該無問題！不過，我都係決定用自己私人lunch hour去捐血，因為Admin無出email的notice，只係貼左張poster，根本就唔知公司支唔支持呢個活動，如果唔支持，而你又為呢個活動而遲返公司，就會比其他人講閒話！
我覺得今次的捐血日，應該唔好踴躍！
2009年7月12日 星期日
2009年7月4日 星期六
BB女 - 晞悅
今天和一個同事，去了另一個同事的家，探她初出生的BB女，晞悅，BB女怕熱，所以，她媽媽要開著冷氣讓她睡覺，但我們在她剛睡不久就黎打攪，所以，她沒有機會瞓覺，抱下她又逗下她，終於她大哭，立刻將她交會媽媽到，呢個就係玩別人BB的好處，搞咸左可以比返人地媽媽，哈哈！！
原來，她開始扭計要食奶奶，食飽飽就唔再哭的，跟著她就繼續瞓覺，BB就係好，唔係食就瞓...
BB係度瞓覺，我地就係度吹水，唔經唔覺就幾粒鐘，家人來電問回家食飯才知道時間過得好快，BB也要食第二餐了，我們就離開！
今天問左兩間M記，整套的Kitty已經賣晒，同事也幫我問了兩間，都係無，估唔到，今次咁搶手，睇下，星期一返工，公司附近的有沒有！
2009年7月3日 星期五
2009年7月1日 星期三
流星花園
前排家人開始睇韓版花樣男子，再加上，atv重播台版的流星花園，勾起我，想再一次睇，便問同事借了流星花園的VCD，經過兩個星期的煲劇，終於，尋晚煲到零晨一點，睇晒全套的流星花園！而韓版花樣男子，我就會繼續追mytv，逐集逐集咁睇！
韓版睇到瞿俊柏係雪山救甘艾草，我就諗起，我真係睇過日版的，之前，我都有點懷疑究竟我有無睇過日版，好似有，又好似無，但，當睇到呢個情節，我就好肯定有了，因為，台版係無呢段的，而我又曾經睇過呢個情節！
而家，就預備睇動畫版，多謝小雲比左條link我，等我可以睇埋原著，咁，台版，日版，韓版同動畫版，我將會逐一煲晒！哈哈哈哈！
雖然掛住煲劇，但，今天都有出去做gym，坐MTR時，突然間聽到"砰"一聲，有人暈倒地上，有人就立刻按鐘，列車就立刻停下，那人好快已經醒番，好似無咩時，當MTR staff黎到時，就帶他離開車箱，好讓列車繼續行走！
近排經常下雨，終於，見到藍天了，所以，就用手機拍下它！
今天朋友通知我，話M記又有Hello Kitty換，要加$20一隻，共5隻，全套就要$188一套，又心思思想買返一套，不過，唔知係放係邊好咩?
http://www.mcdonalds.com.hk/chinese/campaign/summer09/index.htm
訂閱：
意見 (Atom)