100MB 和10MB的分別

寛頻公司sell了好多次的100MB上網服務，一路以來用10MB都沒有問題，所以，都推了很多次，終於，他們推銷成功，我們就由10MB upgrade去100MB。

因為要換modem的關係，上星期六已經安裝了，家人問了司傅，100MB係咪即係10MB的10倍，司傳話，寛頻唔係咁計架。咁，即係點計？

隔左兩日，星期一，我發現，點解我開左modem都上唔到網？用了阿Q的方法，熄左佢再開過，咁又比我上到，唔理lu！

又過兩日，我係網上睇video，睇睇下load唔到，搞乜？又上唔到網！

打去hotline問，佢教我按這按那，然後話network正常，唔知咩問題，搵司傳上黎整，又係約好星期六。

我又用嗰招，熄modem再開，又上到了。呢個方法雖然用到，但，唔可以次次都熄機再黎過咁麻煩呀！

星期六司傅黎到，佢話，唔知發生咩事，試下換個新modem睇下仲有無問題啦。

星期日，出街了，回家後，家人話，今天試過三次突然上唔到網，但熄modem開返又得，咁，即係點？

唔通，100MB同10MB的分別就係：

10MB可以好暢順咁用，100MB就要開機熄機咁用

10MB可以一次過上幾個鐘網，100MB就只可以上一個多小時，之後要比佢休息下才可以繼續？

2011下水禮

星期日，約了小雲同小吉去左黃金海岸玩水，今年第一次係HK下水喲！

本來打算係旺角坐小巴入去，點知，小巴司機話要等夠人才開車，除左我，車上無其他乘客呀，所以，我就轉坐巴士。

搵了一陣才搵到巴士站，坐了一個鐘巴士，終於到達，sorry呀，小雲和小吉，遲左咁多!

他們已經搵左個靚位，在大樹下，唔使咁曬。

黎到就同小雲去買lunch，有三文治，麥樂雞餐，PC的咖啡，食飽飽，才落水。

我都幾大頭蝦，黎到沙灘，才發現，呢樣無帶，嗰樣無帶。好在最緊要的太陽油，有帶，否則，曬濃左就慘嘞！

好，搽好太陽油，曬了一陣，就準備落水！嘩！D水好凍呀！雞皮都起晒！隔了一陣，才能適應水溫。水底有好多貝殼，好＂吉＂脚，於是，就盡量唔點地，（踩水？no way嘞，咁辛苦），只係借用佢地的水泡，借力浮係水面。

玩了一陣，弊，小吉中招，比海底的貝殼界親。佢先去處理一下傷口。我跟小雲之後也去休息休息。

係食西瓜前，所去玩多一陣，在水中漂下漂下，好爽呀！

係我黎到之前，他們已經埋了一個西瓜，哈哈，挖出黎的時候，聽到有人咁講，嘩，沙下有西瓜呀！哈哈。還有隔離好心的泳客，借了刀給我們切西瓜，唔使用膠刀切得咁辛苦。

一開二，拿著膠匙＂不下不下＂咁食，正呀！

食完西瓜就去沖涼，去荃灣食dinner！

我係荃灣路痴，只有跟著他們行，如果真係盪失路，就可能只有的士打救到我，哈哈哈哈。

又話日本野有幅射，點解x氣門外咁多人等位架？

唔等bar位會快少少，我們就坐了order枱。

好滿足。

雖然今天沒怎樣游水，但都係攰攰地。

 

夢：大信封

星期六晚發了一個很奇怪的夢，星期日早上醒來，還歷歷在目！

＊＊＊＊＊

在Office裏只有我和Manager 兩個人，Manager想對我說一點東西，但又好像好難開口似的，然後，我就跟佢講：「你有咩就直接講啦，我心中有數嘞！」

跟著，Manager就給了我一個白色的信封，然後同我講：「今日係你last day！」

我說：「我預計了，呢幾日的情況怪怪的。」

於是，我就開始執拾東西離開，好像搬家咁，一大堆雜物！

＊＊＊＊＊

從來無諗過的情況，點解會係夢中出現？

夢，究竟係咪人地所講，「日有所思，夜有所夢」？但，好像我近來都無諗過呢個問題，上次諗，應該係2009年海嘯時，諗過，如果公司要減人工，就寧願佢炒我，之後，就無諗過被炒呢個問題。

夢，究竟係咪會反映將來的情況？

夢，其實係無中生有？

夢，是將潛意識裏的東西反映？

這個夢，令我有點不安！

 

 

心.泰

星期五晚約了朋友食飯，突然好想飲冬陰公，所以選了食泰國菜。

有個二人套餐都ok，是椰汁雞湯，要加錢才可以轉為冬陰公。

好味，但太大葱了吧！

小食拼盤：魚餅跟雞肉碎都很多葱呀，大部份都讓了給朋友吃，哈哈。

炒通菜

咖喱海鮮

薄餅，朋友怕油，所以我差不多吃晒全件。

不停食，不停講朋友減肥成功的經驗，講到人地要收鋪嘞！

使唔使賣得咁快呀?

5/23日晚上，聽到收音機知佢會開演唱會，立刻上網搵，只開一場，full晒，後來才知佢加多一場，但，30分鐘售罄，使唔使唔快呀！！！講左睇三年，每年都係買唔到飛！

 

隔兩日，睇報紙知佢開show，等左好耐終於唔再左x右李了，係單拖上陣，正，一定要買飛睇，立刻call fd去睇，點知，已經無晒最平的180，真係好想睇，所以買左中價飛。

尋日坐地鐵時發現這廣告，我又立即上網搵，使唔使咁多場，咁多種飛都full呀。

我真係太out 了，經常都係人地開始賣飛之後才見到d廣告，想睇已經無飛賣！！！

Family day @ Ocean Park

今年再一次去海洋公園，原因係，家姐公司N年周年紀念，每位員工有三張飛，加上兩老過了65，免費入場，只需要買多一張特價飛，就可以一家人加高小姐一齊再去多一次了。不過，因為不是包場的關係，除了該公司員工及家屬外，還有其他遊客，一定會好多好多人。

所以，我們十一點已經到達

原本想試遊這個"七彩昇空天地＂，但要等90分鐘，所以放棄了。

上次維修，今次可以坐這海洋列車了。

上次還未開的＂翻天覆地＂，我帶著驚驚的心情去試玩，有三次360度轉，排隊等嗰陣好驚，到真係玩的時候，第一次倒轉時合埋眼，但，感覺又無想像中咁驚，所以，中途就打開眼，看到東西upside down，都幾得意。比起係長隆玩的大鐵鎚，我覺得呢個無咁驚。

之後去了＂太平洋海岸＂，買了魚糧餵海獅。

它們被餵完就回去了。

以下呢款叫斑海豹。

烈日當空，我們選擇去食lunch，避避太陽。

我們選了"灣景餐廳＂，不過好多人，要等位，大約半個鐘才有位。坐在窗旁，可以望住靚靚海景食lunch。

這間原來是自助式的，先拿了食物，再去付款。

六個人叫了三款食物，叉燒烏冬，蕃茄腸仔意粉和龍脷柳飯，但個飯係唔熟的。天氣太熱，大家都無乜胃口，都食唔晒些食物。

還有自備的士多啤梨和車厘茄。

之後去了，水母萬花茼，再看一次靚靚的水母。

然後就玩了攤位遊戲，用了$50玩，中唔中都先有一隻公仔。

之後坐返海洋列車，山下去看威威天地，是講如何開始訓練海獅。

之後排隊等睇雀鳥劇場，看看天空，沒有太多雲，我們坐著乾曬。

好多好靚的雀仔。

上次無睇的劇場今次終於睇晒，還有時間，便去＂海洋奇觀＂，不過超多人，我們都無緣，連魚缸都埋唔到。

這個family day係包夜場，不過我們不想玩得太晏，所以，六點幾便走了。

下次要去迪迪尼。

學中文

尋日返左深圳公司，在等lift的排隊時候，就八下人地睇緊的報紙，發現，原來我係文盲黎架

因為遠，我只能睇到標題，但睇完係唔知報導什麼的。。。

＂戛納＂

＂跑龍套＂

究竟係咩呢？

返到公司，忍唔住，問了同事。。。原來。。。

 

 

 

 

 

 

＂戛納＂　－　係康城的國內譯音

＂跑龍套＂　－　係茄呢啡

外影：香港文化中心

今次外影是影夜景，先在文化中心集合，因有會員作品展，可以一邊欣賞，一邊等。

先黎影下文化中心的天花，玩拉鏡，拉左好多次都拉得唔好。

跟住出去影傳統的夜景，好大霧，連中銀的頂都睇唔到。

之後影動感夜景，我真係唔識畫圈架！

S型

唔同的S型

跟住影幻彩詠香江，大家都一頭霧水，唔知點影好。

海運大廈，初初只係定定咁影，後來才知，都係要拉搖。

海港城，燈要光，牆要黑，下面要有人，朦朦的人行過，不過，我影唔到要求的效果。不過，因為我們成大班人圍住呢塊牆黎影，好多人都好好奇我地影咩，有英文人或國語人忍唔住開聲問我地係到做乜。我地答，上緊堂，哈哈。

又試下搖影的效果先。

之後出去影招牌，其中我聽到有人問＂佢地影咩＂，另一人答：＂一班攝友影名店＂，哈哈。

北京道太多車拍在路邊，所以我們都沒有適合位置去影，不過，見到架勞斯萊斯拍左係到，d人影唔到招牌，就影車，哈哈。