高思雅在我們家已經兩個月了，之前都是我們帶她買餸，由我們決定買些什麼，她只負責拎野，今天，我就叫她，由她發板今晚煮乜餸，自己決定買咩？
我比了錢她，同她一齊去街市！
她會問我咁多夠唔夠，要買幾多等等，其實，我都唔係太清楚，事但啦，唔會太多或太小就算啦！
佢話買豆角，我唔食豆角，佢話買莧菜，我話我唔食莧菜，不過佢可以買，但一定要買多一種菜，我唔食莧菜，要有其他菜比我食
最後，買了六條魚（我都唔知叫咩名的魚），她還分了兩個煮法，有煎和蒸
第二碟係蒸豆腐，我問她會放什麼一齊蒸，佢又答我唔出！
到晚上，噫，唔係成件豆腐蒸，而係搞碎左，加了雞蛋和蔥一齊，味道本來不錯，但家人大多唔鍾意食蔥，所以，我們要從豆腐中揀出蔥粒，比較麻煩！同佢講，下次一係唔好放蔥粒，一係放大粒的蔥粒，方便揀出
苦瓜炒雞翼，佢無醃過d雞翼，所以無咩味！我唔食苦瓜，但家人覺得ok!
通菜，平時食開豆豉炒，腐乳炒，椒絲炒，但今次，佢用左蕃茄，洋蔥，和紅椒黎炒，味道都幾好!
蝦有蝦味，魚有魚味，咁d通菜有咩味呀？就係有...蕃茄味嘞！
前兩日收到通知要去郵局拎掛號信，今天，我就去了郵局！
我之前報名參加的百萬行的步行證收到了，其實都幾多人參與，我第一天報名，早的兩三個sections己經full左，好在我和個fd都唔想太早起身，所以，我地就選了1:00pm出發這個section！
昂船洲大橋，兩個星期後見
新加坡一個老闆和一個舊同事黎左香港旅行，佢地話想見下班同事，所以約我地出黎食飯，我們一行十人，去了牛皇星打邊邊！
我地叫了兩個鍋，一個醉雞鍋
另一個芫茜皮蛋鍋
打邊爐必食牛，今次叫了牛脊
牛柳
牛百葉，黑色的，我唔敢食
魚皮餃
仲有，四寶丸，油麥菜，墨魚滑，芋頭，炸魚皮，白鱔，芋絲，生根，豆腐，等
其中插播笑話一則：我地叫左個魚生，係鏱紅魚刺身，佢未上枱之前，先黎左個白鱔片，坐我隔離的同事問我，魚生黎左啦，係咪就咁食？我答，呢到有wasabi，弄好wasabi豉油之後，預備想食的時候，坐對面的同事講左一句，呢碟係白鱔片黎架，唔好就咁食，要淥熟左先好食！
真搞野，佢當左碟白鱔片係魚生，而我，又無睇就好順口答佢，好在，有人提下，否則，食左生白鱔片唔知會唔會肚痛？
椒鹽鏱紅魚魚頭魚骨
餐牌
雖然我地有十個人，但，我覺得食物的份量好小，如果同朋友去，可能係六至七人份量，原來，我的同事係超細食！
之後去了食糖水，去了附近的湯丸皇，我情有獨中的芝麻糊，每次黎到食呢一款，而同事選了這個紫米露，上個寫了個福字，所以我突登影下佢！
原本以為食完糖水就散band，但原來老闆想唱K，除了兩個同事無去，我們就一行八人，十點左右去唱K，唱到十二點幾，就回去了，還好，仲有地鐵！
返到屋企已經一點幾，家人打過電話話比我聽九點無水，好在，返到屋企，仍然有水可以沖涼
星期二放工坐巴士回家，天氣開始有點秋意，有點涼快，而巴士入面，就好鬼凍，覺得自己好似係個雪柜雪左半個鐘！
回到家，OH!
老媽子幾日前已經第一個開始咳，無耐就連老爸都咳，叫了多次，終於肯去睇醫生，原來，二姐都話有點喉嚨痛，不詳的預兆，下個就會輪到我了！
星期三早上醒來，弊，我都開始喉嚨痛，通常，呢個都係我感冒的先兆！立刻沖杯蜜糖水滋潤下先！同埋，放件披肩係手袋，坐車時用！
本來都以為可以避過一劫，點知，今天早上，喉嚨仍然在痛，又乞痴又咳...嚴重左tim，唯有，今晚放工，去睇下醫生...
同一屋簷下，一個人感冒，就好容易傳染比家人，我往往都係最後一個"受害者"，所以，我唔可以係佢地好返轉期間...傳染返比佢地...
今天約了小雲、小吉、型姐、太子威、同三個舊同學，去了水口摸蜆及塘福BBQ，我們在東涌坐11號大嶼山巴士，先到達塘福的渡假屋，放低BBQ的食物，步行25分鐘左右，到達水口摸蜆！
途中的夕陽
已經到達水口，當然又是夕陽
潮水開始脹，所以，今次的收穫就很少，好在小雲有買定花蛤！
不過，沒想到，我們在水口這裡遇到個中學時的老師，同學J聽到把好熟的女士的聲音，就開始相認，原來是教我們中文的李老師，她說我的樣貌無咩轉變，哈哈！N咁多年，真係會仲記得嗎？她教過這麼多的學生！
相認完，天開始黑，回程到渡假屋開始清洗食物，預備BBQ
蔬菜菇，用鍚紙包住黎燒
自製蒜茸
大家預備的BBQ食物
雖然D炭有點濕，起火有點困難，但經過各人努力，終於可以燒了！
快樂不知時日過，好快已經十點，如果我們坐巴士，就要走了，但，因為四個人，坐的士話，我們每人只需要比多十元八塊，所以，我們就留多一個鐘，繼續燒！
所以，就開始燒海鮮
這些都是在街市買的，摸到的，是細粒的和超細粒的！
熊熊烈火之下燒
好味道
仲有扇貝
因為時間的關係，我們在執拾東西的時候，小雲他們已經燒好了青口
食埋青口，就要去坐的士了，小雲和小吉就送我們去的士站上的士！
開心的時間真係過得快了，多謝小雲邀請我們加入他們的塘福之行！
八月時去的kitty lab，朋友買了這把雨傘作為我的生日禮物，但因為當時無貨，所以，要等到十月中才有，因為無自取服務，所以，今天送貨到我家！
我今天放假，上午陪她去覆診，所以約了2-6pm收貨，送貨的人十二點幾已經打比我，但我屋企無人，叫他下午再來！
因為要照x-ray，所以，今天搞左好耐，到兩點幾才坐的士回家，途中他再打黎，話上過去我屋企但無人，我叫他等我一陣，我五分鐘後到，好在他有隔離座要送貨，我叫他先送去，我返到時打比佢，我在樓下收貨，不用他再送上門！
我未打比他，他已經再打黎，我話我坐的的士就停車，佢見到我坐的的士就駛他的van過黎，在地下收貨，好在，趕得切，費事又要比多次運費要再送過過黎，還好，他無”問候”我（心入面有無就唔知）！
除了把遮，仲有張delivery card
黎一張close up，有kitty頭係個遮柄到
打開了就係咁嘞，不過家人就話，白色，好易污漕
今天是sleepy的生日，lunch時就吃了她自選的生日蛋糕，正，朱古力雜果蛋糕，雖然好多姑姑力，但，居然唔會太甜！係吉x島的cake shop買的！
還有我昨天預備的雜果沙律
晚上，又是半買半整：
甜酸蝦碌，甜酸醬是買現成一包包的sauce，簡單方便
蒜茸椒絲瀨尿蝦，被海鮮檔阿叔"昆"左買呢個唔新鮮的瀨尿蝦
蒜茸蒸扇貝，不過粉絲浸唔夠林
當然有我地的飛佛，魚生啦
今次煮了熱烏冬
普通的煎雞翼
第一次整的雜菜沙律，買了沙律菜，加了車厘茄，芝士及ham，本來諗住張單有名，所以無記低包裝紙上的正確名稱，不過呢款芝士就唔係幾好食，反而隻ham好好味
仲有無影的螺肉八爪魚，及炸菜鴨腎
加上一支red wine，食到飽飽飽！
