泰‧蘭花/Portal – Work & Play

之前無意中知道一個好耐無見的朋友病了入廠，現在已經康復出院，但，心靈就被人傷害，令她有點「趁佢病，攞佢命」的感覺，身體上的唔舒服，已經好得八八九九，但，心靈上的，還是有待復原！

所以，佢好想搵下朋友開解下，散下心，就揾我地呢d老朋友，出黎食飯，行街，飲野，將心中的不快，一一吐出！

我們先去泰‧蘭花吃晚飯

好味道的冬陰功大蝦湯，辣度啱啱好

香葉鮮蝦雞肉米紙粉卷，偏辣，朋友已經吃不下，但，我還是覺得可以的，好惹味

黃咖喱雞肉配香軟薄餅，呢個係我地點的菜中最差的一個，咖喱尚可，但雞肉就全無味道

雜菜粉絲煲，都ok，但有點"漏"

泰式牛油烤扒大頭蝦，正！

吃飽都是七點多，所以，就shopping and shopping，我諗，呢個商場開左咁耐，我係第一次，行晒咁多層，之前每次都係行某三四層就會走，唔會全部行晒！

行完，就去了食雪糕！之後，再去，Portal - Work and Play到飲野，傾下飲下，唔覺唔覺，已經去到last order，仲未捨得走，到人地叫我地埋單，oh no，咁夜架嘞，要飛van返家了！