Festival Walk

行完山，經過又一城，見到它高高的聖誕樹，又有相機，順便影影。

除左腳震震之外，手都震得好勁。所以，大部份都係朦朦地。

不停的轉，所以，影左好多次，才勉強影到。

側面

正面

會轉的聖誕樹

估計買完野可以入去影。

除了圍住棵聖誕樹的裝飾，附近還有點其他擺設。

吊飾

高一點影樹頂

有間假屋，其實只係平面，影出黎都幾立體

求其影完就回家了。

預行

今日同sleepy和佢三個朋友去行山，除左一月一日的縱走，今年第一次行山，當是明年一月一日的縱走的pre-walk。今天只行縱走的一半，約12km。

在大埔食過早餐，就坐友人的車去到新娘潭自然教育徑，是今天的起點。

由這裏出發去烏蛟騰，上山呀上山呀，好甘呀，然後上了山火瞭望台。有點煙霞，所以唔係好清。

The worst is yet to come，雖然頭先個段已經甘甘地，但之後嗰段仲甘。

今次跟上次是倒轉行，上次已經覺得好難行，今次當然都係唔例外，感覺一樣係...超難行，上山又斜，落山又斜，輪輪盡盡，終於捱過去了（自己由大頭蝦唔記得帶行山仗）。

之後就繼續行去鹿頸。

黎到鹿頸就食lunch，先黎一支可樂先。

鹽焗鷄麵

我的牛筋腩麵

食飽，就係甜品時間，滑滑豆腐花。

食飽，由鹿頸繼續出發，一大段上斜，不過好在是暗斜，所以都無咁難行。之後，就是一大段落斜，終於聽到車聲，完成了，好野！

係鹿頸買的小食，唔記得叫咩名，回家試了，好似茶果咁，有些芝麻和花生，唔甜，都幾好食架。

明天，一定會腳痛，今晚要搽定安美x先。

 

 

東北縱走2011

喺又想玩又唔想玩的情況下，終於報左名玩明年一月一日的東北縱走。

今年的路線跟上年，有部份是一樣，但比去年的長了3km，越來越長，行唔行得晒呢？

以下是今次的路線，紅色的是上次沒有，希望唔好咁難行啦。

【體驗組】SP → CP2 → CP3 → CP4 → CP5 → EP
烏蛟騰 → 九擔租 → 上下苗田 → 三椏涌 → 三椏村 → 山尾坳 → 小灘 → 荔枝窩 → 分水凹 → 亞媽笏 → 山火瞭望站 → 鳳坑郊遊徑 → 雞谷樹下 → 鹿頸 → 上下七木橋 → 上下橫山腳村 → 新娘潭自然教育徑 → 烏蛟騰（全程共23km）

 

猛火爆 (RED)

因為Bruce Willis，所以，就去了睇呢套戲，不過因為就黎落畫，所以，得好少間戲院有得播。

故事是講Bruce Willis是一個退役的CIA，有一天突然被人追殺，之後聯合其他退役的CIA對抗時，發現了政府一個大陰謀，而展開一場場槍戰。

除了槍戰場面，對白都風趣幽默，係一套值得入場睇的電影。

什麼為之RED? 不是因為有好多血腥場面，血淋淋而變成RED（紅色），而RED係代表，Retired, Extremely Dangerous，哈哈。

素描I

報左名學素描，對畫畫毫無天份的我來說，簡直係一件難事，但，我抱著見識見識的心態去報名，上星期終於上了第一堂。

 

第一堂，阿Sir自我介紹，吹左成個鐘頭水（完全唔知佢想講乜），然後才入正題，介紹素描的定義及所需的器材，我對某些器材感到陌生，完全不知是什麼來的，好在我不是唯一一個，所以阿Sir叫我們落堂時，去佢個位到望下各樣器材的樣貌，不要買錯。

 

我就去屋企附近買，雖然買唔齊，但都頂住檔先啦。

今個星期上了第二堂，吹水的時間縮短了，開始講一下要做的功課，對，一開始就講功課，講了佢的要求之後，就用了半小時，讓我們試畫功課中的一小部份。畫三格，由淺至深，每格入面顏色要一樣，唔可以有深淺。我們一邊畫，佢就一邊行黎行去，指指點點，呢到深色左，呢到淺色左，做乜唔油埋個邊…等等等等。

 

半個小時過去，就得出呢個，阿Sir話，勉強OK啦。回家，畫九格，要用唔同筆話四組，哎呀，未畫，已經預計要畫好耐，三格都用了我半個鐘...三十六格就...

做完堂上練習，又係講課的時間，就講下畫的歷史，除左達文西和畢加索，其他都未聽過。哈哈。

閒遊大澳 (續)

過左橋，就見到香嘖嘖的燒魷魚，炭燒的，好懷舊呀，想起童年時學校附近的小攤檔。

試了魷魚和瀨尿蝦，yummy yummy。

跟著見到燒鮑魚和燒扇貝，又要試，我就試左燒鮑魚，好鮮味，朋友試了扇貝，佢都話ok好味。

朋友想試呢個蝦豬餅，不過去到已經賣晒，下次有機會才試啦。

影下棚屋。

原來，大澳都有個東京碼頭。

仲有七隻小矮人。

最後一站，去了這間Solo Cafe。

坐係balcony，可以望到棚屋。

。。

天黑了，大部份的東西都賣晒，只能點瑞士雞翼和花茶，休息下。我地最欣賞的，就是那些茶杯和食物碟，老闆話，有人影佢的杯杯碟碟影左一個鐘，我地都覺得唔出奇，真係好別緻，不過我地今次黎已經天黑，黑漆漆，只能影到一兩張無咁手震。

Candle light，比較啱隔離枱的couple，哈哈。