祝大家新年快樂，身體健康，開開心心
除夕，放3點，打算留在家渡過2009的最後一天，所以，家人想在家整下野食！他們想食咩？就係蘿蔔蚊牛腩
預先叫爸爸去買了食材，四點多回到家，便開始製作了！第一次整，上網找了一個食譜，覺得不太困難，就照住去煮！
回到家沒有人，打開雪柜，爸爸話買了"碎腩"，我一直以為碎腩係一件件的，但雪柜入面的，是一片片的，應該係呢包，因為得呢一包係肉類！（真係無知，唔知咩係碎腩
四點多小小開始煮，到完成，已經係六點幾近七點了，煮了兩三個鐘，終於完成了我的第一次蘿蔔蚊牛腩了！
倒入一個打邊爐的煱，一邊用電爐"興"住黎食，再加入生菜，家人評語，好味喎，好開心呀
今晚和朋友去了Pacific Place的Thai Basil吃晚飯，未夠鐘，便在商場逛下影下相，今年聖誕，第一次影商場的佈置！
尋日，算係收到個好消息，雖然覺得這件事的處理手法做得好差好差，但，始終係一個好消息，當係，2010年的新年禮物！
平安夜，祝大家聖誕快樂
今年公司沒有搞X'mas Party，同事就提意自己部門搞個X'mas Lunch，叫到會在公司一齊食！
因為Manager去了歐遊，所以贊助了$500買食物，多謝晒
在一家平時叫開外賣的餐廳，order了以下食物！
雙菇雙蔬
肉醬意粉
沙律
還有瑞士雞翼和蒜香雞翼，不過，兩款雞翼都沒什麼味道
還有在x緑order了壽司和小食，唔知係咪因為太早送黎，放了入雪柜，拎返出黎的時候，D飯有些痴到一舊舊！
食飽飽，dept head話到抽禮物時間，原來佢準備左現金奬，讓我們在抽，哈哈，好似新年抽獎咁，但，聖誕就第一次！
有$100，$50及$20，睇下大家運氣抽到幾多錢嘞！
多謝dept head的現金奬
今天約了一班中學同期出來聚會，有些一兩個月會見一次，有些就一兩年先見一次，雖然，好耐無見，但感覺，還是那麼熟悉！
我們揀了Kowloon Shang的Lobby Lounge食tea buffet，原因係，呢到可以由1pm坐到5pm，最初朋友都以為我email寫錯時間，tea buffet喎，由1pm開始?
無錯，真係1pm開始，而且無second round，所以，可以坐足4粒鐘架！
buffet有個好處，就係，黎到的人可以先食野，唔使一定要等齊人先order得食物！
蝦餅（好爽口），燒賣，粟子香腸，鬆餅
壽司，xxx蝦，芝士法包
心太軟，要encore的
意大利芝士餅，朱古力餅，和xxx（唔記得左，哈哈）
因為係Lobby Lounge，所以坐的係梳化，好relax！
呢個就係我坐的梳化的背景
噫，有隻kitty喎
放大d黎睇下先，哈哈，其實係朋友帶佢黎比我欣賞的，係馬會的limited edition
食飽，係交換禮物時間，係餐廳，梗係唔可以好似尋晚咁玩啦，所以，我地就用傳統的抽紙仔的方式
聖誕樹，有好cute的薑餅人
十字架頸鏈時今次交換禮物得來的禮物，其餘四份，肉乾是新加坡手信，前面的擺設係台灣手信，中間bear bear電話繩，朋友話係答謝我們係佢唔開心的時候陪住佢的回禮（咁都比佢搵到個藉口送禮物比我地），Hand cream係extra的聖誕禮物！
多謝她們的出席和禮物，亦希望她們滿意今次簡簡單單的聚會!
今天去了南丫島參加朋友的X'mas Party!
放滿聖誕禮物的聖誕樹
今天都幾凍，所以，坐坐下都要在爐邊取暖
有長法包，田園法包，ribs，沙律，雞翼，蕃薯，青紅黃椒，磨菇，Pig in the Blanket
長法包和田園法包，朋友叫我係city supxr到買田園法包，佢地只知英文名，搞左好耐，終於搵到佢地想要的，原來中文叫田園法包（大件的那些）
佢地仲叫我買ribs，但，無講買豬定牛，去到街市，哥哥仔話比我睇下自己揀（因為佢無放出黎），先黎牛，佢話牛就係牛仔骨，噫，個樣唔似朋友食開嗰D，跟著佢比豬的我睇，呀，係呢款，佢話呢D叫金莎骨！
最後，我買左一排金莎骨！我地落了蒜茸，胡椒粉和叉燒醬黎醃，燒出黎到幾好味喎！
好味的雜菜沙律
日式年糕，食落無乜味
開始整Pig in the Blanket，朋友話係英國傳統的X'mas食物，但會用oven煮，佢就第一次用bbq形式整
未煮前
煙肉放在鍚紙上煮熟，而香腸就燒熟，之後，用煙肉卷住條香腸，放在爐上再燒，燒到煙肉脆卜卜，就完成
呢個就係Pig in the Blanket嘞
食飽就係屋內的聖誕樹到影相，佢地用連環快拍，不停係每張中做不同的動作或表情，笑爆咀，唔知影出黎效果會點，但，過程我地就喪笑，嚇到朋友隻貓都驚驚，叫我地影完快D上返天台！
終於到交換禮物的時間，佢地嫌普通抽紙仔方式太無新意，所以，就諗左個新玩法！
我們有9份禮物，排好次序，有9個人，用抽紙仔方法排好先後次序
抽禮物的人先蒙眼，然後，其他人在牆上畫了9個圈，隨意在入面寫1-9的數字，然後，抽禮物的人就指到牆上，最先指中的那個數字，就代表他抽中的那份禮物
最初，都只係簡單背向牆，蒙上眼，就令轉身就指，玩玩下，佢地就將抽禮物的人氹氹轉，轉到暈陀陀，然後好似"耍盲雞"咁，摸去牆邊在用手指指向圓圈中的數字！
如是者，我們只玩抽禮物都玩左一個鐘，miss左10:30pm班船，唯有，坐尾班船走！
還有點時間，就玩pictionary！
我抽到的，就係呢個panda的eyemask！
