今日去左個fd到做野，第一次見到佢新請的account，之前呢個女仔都有打過電話問我野，今日我主力go through一次我做緊D咩，有D咩野冇做，需要佢去幫手做及follow up，我個fd想我幫到她上手和做埋audit之後才唔返！
個fd問我覺得個女仔點樣，我話第一次見面，未見到佢實質的工作，所以no comment，我只叫我個fd比D時間佢，唔好咁快決定要唔要佢，比一個月時間，如果覺得唔okay先叫佢走，唔好咁急下結論
至於我公司的新同事，返左兩個星期工，我都沒有和他有什麼工作接觸。尋日出左個新的approval flow，請假要先經team head批左，才給dept head批，心諗，我地個dept只有十個人，為什麼請假要經兩個人去批，一個dept head批晒咪得lor，多此一舉。不過，最奇的就係，新同事的假紙要我先批，然係才給dept head批，咩佢係幫我做野的嗎？冇人話比我聽佢會share我的工作，佢做緊的都係AR team的東西，為什麼要我批佢的假呀，佢唔係幫我做野，我點知佢請假有冇人會backup到佢，真的古古怪怪
前幾日去左HMV搵呢隻DVD，但搵唔到，回公司上網check，才知道今天先出，所以放工就去左買，佢有兩個packing，一個係「限量珍藏版」，一個就沒有這幾個字，兩個相差$30，雖然我唔知「限量」即係有幾多張，但最後我都係買左「限量珍藏版」，每一張「限量珍藏版」都有一個編號，1497，我望了每一盒，最終都係選左呢個no，第一盒拎起呢盒，之後睇的其他no都冇呢個咁好，呢個no令我想起哥哥的出生年份。好快就四年了，仍然好掛住佢呀
他走得實在太早了！
我為左「《給哥哥的情書》小冊子，輯錄了哥哥好友、名人對哥哥的感受，其中包括毛舜筠、鄭佩佩、莫文蔚、鄧藹霖及岳華，同時小冊子更輯錄多位歌影迷寫給哥哥的感人情書」，但我發現我買的並沒有這本小冊子，剛上網發現，呢隻DVD可能有第三個版本，呢第三個才有我想要的小冊子，唔通，我要買多套
今次去上海做野比上次好，因為有時間出外走走，不用只停留在公司，酒店，餐廳這三個地方。上海的同事第一晚帶我們去左外灘，雖然夜景都係冇香港咁靚，但，都算吸引。
上海的古老建築
明珠塔
傾斜地影的明珠塔
星期六晚才坐飛機，所以白天有時間外出走走，因為時間不多，不能去得太遠，只去了城隍廟，這是其中一些的建築物
本來想吃「南翔小饅頭」，但人真的很多，所以沒有吃到，便到附近隨便選個地方吃東西，它的小籠包真的是．．．下次都係食返「南翔小饅頭」好．．．上次旅行時８元１６隻，事隔２年多，加價了，要１０元。不過這間的湯包都幾得意，用支飲管來飲湯，這個比小籠包好食得多！
還有時間，我們四個人便去做左個脚底按摩，$68一小時，有兩男兩女我幫我們按摩，男的好像都較大力，令我覺得現在對脚還有少少痛！！！
今次除了工作，都可以當順道旅行，雖然以上的景點我都有來過，但同事就會在夜晚帶我們去不同的餐廳食晚飯，介紹了一些好的餐廳給我們
不過唯一不好的是，我感冒了，希望星期一返工前好返lah....
經過一個星期OT生涯之後，尋日有個都一段時間冇見的朋友call我出去食飯，辛苦左一輪就走左去吹吹水，先去左亞士厘道一間上樓的日本餐廳食野，食物沒有太大驚喜，吐下苦水，講下旅行，唔經唔覺傾到十點，他講起Sheraton頂樓間Sky Lounge個view好靚，我就心郁郁想去睇下，最初佢都驚夜，不過我又想去睇睇，咁我地就埋單過去飲杯野。
Friday night，好多人，最衰係冇窗口位，full晒，坐係入面，只可以遠望維港景色，呢到都幾舒服
一點幾先瞓覺，今日仲要去個fd到做野，佢好似已經登左廣告請人，我都希望佢快D請到人，咁我就可以唔做，唔使6-day week。
下星期一要去上海，星期六返，去train上海同事用SAP，同埋幫佢地做data input...haha...
...（不過唔知會last到幾耐）
，然後才再認真的工作。