今天終於和朋友報左名下個月底去旅行，原本打算買package去東京，但check過後，package的機票是晏機去早機返，前後唔見左兩日，所以唯有選擇旅行團！
而去東京的團，大部份也full左，未full的就無得去disneyland，我希望可以去晒全世界的disneyland，而且我覺得我今年去完東京之後，呢幾年都未必想再去，所以，disneyland一定係我首選一定到去的地點！
最後，我們報了一個仙台、東京的五天團，最初担心朋友唔夠時間shopping，後來佢地都話可以唔使點shop，咁所以就扑鎚報左呢個團！
期望可以看到櫻花，因去年在北海道看不到，亦期望，仙台如那職員所說得這樣美麗！也期望，在disneyland不用大排長籠！
最熱切期待的是，一個假期！
今天去了行公益金百萬行，是我第一次行，與同事及其家人一齊行，今次的路徑是八號幹線（大圍至荔枝角），我們10:20am由大圍站出發，我們行了一段路才去到八號幹線的起點，先行沙田嶺隧道，這段比較短，之後行尖山隧道，這個就比較長，第一次在隧道裏行走，感覺新鮮，所以不停影相，原本1.5-2小時的行程，我們行了3小時才完成，去到荔枝角，我們是最後一批，我們行完時這個活動也結束了！
我們行去美孚坐地鐵去太子飲茶，飲到三點幾，因為行到好攰，朋友提議去做massage，所以我們去了尖咀做body massage，第一次係香港做body massage，都好舒服！
五點左右，但距離我們打邊爐的時間還有一段時間，同事話由尖咀去大角咀好近，可以行過去，所以我們就由尖咀去大角咀，但差不多七點才到達骨煲皇，晚，點知係臨走前，唔小心將我袋裏的東西全部倒晒出黎！真論盡!
今日表達左自己workload過多的情況，要求增加headcount比我，佢話佢明我overloaded，但，究竟佢會唔會真係加headcount比我呢？我要求唔過份，冇一個，半個都好呀！或者，係我諗多左，佢好可能只係喺度安撫下我，話明白我overloaded，但仍然維持我一個人做晒幾間公司的closing？
近排經常被家姐話我頂爛市，成日做埋D廉價勞工！
其實我都唔想，但，唔知點解，workload永遠都加係我身上！
一個同事病了放長假，我要pickup佢一部份的工作，另一個同事resign，我又要pickup佢一部份的工作，Job realloation後，我又要pickup一份新的工作，但，我手頭上的工作，好像從來都未離開過我一樣，只有加沒有減，究竟，是不是我的錯呢？
是因為我從來唔say no，做左「順得人」？或者是我從來唔係佢面前埋怨工作量過多？我工作效率高，令佢以為可以不斷加job比我？又或者我每天的時間比其他人多，別人一日24小時，我有48小時？
或者，我真的係時候檢討一下！！！如何去為自己爭取一下呢？
今天是放假的第一天，但並不輕鬆，一早起來執拾自己的東西，人人年廿八洗邋遢，我就年三十洗邋遢，執了一部份，爸媽拜完神之後便一齊吃早餐，吃過早餐，就去個fd公司，同佢地食團年飯，十二點三去到，因佢地去要出貨，而auditor又追我要東西，所以我們便做到差不多一點才去食飯，去了Mega Box入面的喜百合！這裏是吃上海菜的，他們說與仿膳是同一個集團，味道也不錯！
因為我想買衫過年，所以吃完之後沒有隨他們一齊回公司，反而同fd個fd一齊坐shuttle bus到德福，從個fd的fd口中得知，佢公司的三個同事都想走，唉！新年真的係轉工潮，我公司都有人走，而個fd公司都係！
係德福shop完，一樣野都買唔到，最後回家執埋下半場，執野執到食飯！個fd打電話給我，說做a/c個女仔要求佢加3500，佢問我點樣，我當然覺得唔值，不過，佢話佢估到我的answer，但因為佢覺得從新請一個人比較麻煩，又要train過，所以，佢accept左個女仔要求！wow，咁我唯有咁講，如果個女仔pick up埋我而家幫緊佢做的野，咁唔使出糧比我，將我的錢比埋佢，都okay架！如果唔係，佢個份人工咪好易賺！心諗，今次應該可以走到啦掛？點知個fd開口講，不如你得閑返黎一兩個鐘，check下個女仔做的野！吓？萬幾蚊請個人仲要我呢個幾十蚊個鐘的人黎check？唔係化？
我的眼鏡比人整爛左，雖然都戴左年幾兩年，但我幾鍾意呢副，因為佢夠輕，但唔知可唔可以整得返呢？整得又要使幾多錢？唉！我仲未想換眼鏡住呀！
食完團年飯，終於開工做野，做左幾個鐘，先切好一份report，仲有兩份，明天繼續
明天開始放假，而今天應該放3pm，但要新年前埋好數，要upload上個新system到！我覺得一個人埋四間公司的數真的好吃力，而遲D仲要加多一間深圳的公司，下個月都唔知點算！仲有就係，深圳仲未用完全用system，唉！come on，可以點樣？
做到8pm，差upload個file就可以走，點知，hang機，要boot機再黎過，最後搞到9pm才收工，人人3pm放工返屋企，但我就...
不過，還有三份report要係新年前交，明天，就算不回公司，也未必真的可以放假，點解點解？？？
今天有個news，就係一個同事resign了，做到月尾，其實我都估到佢會走，因為見佢同阿姐傾左幾日，不過今日阿姐就cfm，話佢要走，要我同佢阿head係CNY假期後要pick up佢的工作，但，點解一個clerk走，要我去pick up佢的工作？點解每次有人走或有job rotation，我都係會增加工作?加薪係要付出代價，本來都理所當然，但點解加辛的%永遠大過加薪的%？而加薪的幅度永遠追唔上加辛的幅度？
佢話會請兩個人，一個係替請病假的同事，另一個replace呢個會走的同事，理論上應該會足夠人，點解會有些work 要shift去我到？
十萬個點解？？？？？？？？？？？？？
我由新港坐12號巴士去奧海城，但我遲了一個站才下車，要走成十幾分鐘才去到奧海城，在找保齡球場的時候，居然遇見 Ms S，她帶我去找，然後帶我去了仙踪林，我一個人在那裡吃tea，因 Ms K和她細佬遲到，所以我也不理遲到，叫他們先玩，我吃完東西才去！
Ms N在我到不久才到，我們五點幾才開始玩，因為我做gym已經好攰，所以我打了一局後，已經唔想再打，後來同Kelly share了多半局！
之後去了大角咀的「骨煲皇」打邊爐，他們問我去過未，我話聽都未聽過，何來去過，他們說它的豬骨煲好出名！
它的豬骨煲真的不錯，我們叫了炸魚皮，鮮腐竹，鮮冬菇，手打墨魚丸，手切牛肉，白膳片，花枝片，西洋菜，山根，芋絲等等！四個人$500，價錢都okay！
吃飽後便行去旺角，坐小巴回家，沒料到加了價，我只預備了$7，好論盡咁要攞多$0.5，幾驚比司機咒罵，所以我比錢時都講了句唔好意思！
今天論論盡盡，係公司倒瀉杯水，幸好是向外倒，倒到一地都是，而不是向內翻，否則，我的notebook就係咁玩完！notebook壞了事少，但自己所做的東西一下子化為烏有就慘了！一額汗！
今天已經開始埋數，但今晚不能做得太夜，因為今晚是公司的annual dinner，在Royal Garden舉行，當然每年最精彩的都是抽獎環節！今年有41份奬品，頭奬是現金$3800（被HR manager抽了），而其他的有些現金，有些奬品如iPod，電話，coupon，hotel room（不過係SZ的hotel）等等！不過，為求增加抽獎的氣氛，如果被抽中的是DD或以上，就要捐出抽中奬品的兩倍現金，即是如果是抽中$500的奬品，他們就要捐出$1000，即要倒貼$500！
在這41份奬品，總共摹捐了$5600，再分成3份奬品，以為自己會沒抽中，但我好開心在這環節抽中其中一份
當然，沒有這麼快就放過老闆們，主持再向其中兩位老闆籌多了$5000．平均分了5份奬品，而第一個被抽中的是Director，所以，她不但不可以取這$1K，還要倒貼$1K，即有$6K給同事抽！
當這最後的$6K都抽完，我們的annual dinner也接近尾聲，有些同事留係度隊酒，我同同事就先走了！
這裡的食物都okay，覺得最差是它的生磨花生露，以為會好食，怎料，又甜又稀，我吃了兩啖就吃不下了！以為royal garden的甜品有返咁上下，真的大失所望！
因為大家都決定明天和新年的扣AL的CNY holiday都不回公司OT，所以，我就要帶notebook回家做，否則，星期二怎樣可以埋到數呀！
