今天還是放假，出去吃早餐時發現，今天好像比前一兩日都還要寒冷。咁凍，什麼都唔想做。但，又係因為咁凍，所以，更加要出去走走。
有咩會令自己暖一d？就係，運動嘞。踏入2010年都未去做過gym，所以，見今天無野做，又係可以自己一個人出街的時候，就去做下運動，温暖一下自己的身體。
做完運動，就去了shopping，過年前買了件新衫，但，原來家中沒有可以襯託的衫，所以，為免浪費了新衫，所以，就去買過另一些新衫返黎襯下！
新年著新衫返工，又係買衫的藉口
2010年2月18日 星期四
2010年2月17日 星期三
拜年
踏入虎年，已經是第四天了，年初一至三，都沒有外出，除了吃吃早餐，今天，因為要陪家人去拜年，才出外走走！
已經好多年沒有去拜年，以前都是父母去拜年，我就在家中"坐享其成"，哈哈
原本約好了十二點出門口，但，十點就催出門口。還要買些禮品才可以出門，當然，我唔想又什麼"意外"，所以，快手快脚買完要買的東西。十一點就陪佢地出門口。去到，都未夠十二點。
坐一陣，開餐，開餐過後，佢地就打麻雀，我就百無了賴咁坐係到唔知做咩好。
今日除了自己逗利是外，當然肩負左派利是的重責，要記得派左比邊個，邊個未派，原來都有d難度。
表弟見我派利是，問我點解我派利是都唔通知，哈哈！當然唔會通知，我代派之麻，D利是都唔係我的，嘻嘻!
去酒樓要上一條天穚，oh my god，好耐無推過上斜路，推緊時唔小心整痛左個膞頭。好在，痛一陣就無事。
快快吃過晚飯，就同主人家道別，先行回家，因為，近幾天天氣超級寒冷，所以，想早一點回家吧。
2010年2月13日 星期六
團年飯 - 玉虎宴
今年團年飯，沒有在家自己煮，我們揀了Megabox的德興食了名為玉虎宴的團年飯。
1. 金豬全體接財神：乳豬皮好脆，但好肥下，所以，我只吃皮，唔吃肥肉。
2. 鴻圖大展蟹肉翅：翅呀，你係邊呀？
忘記影相，哈哈。
3. 碧波龍蝦添壽麵：味道都唔錯，但，就係少左D有肉的龍蝦。
4. 如意珊瑚貴妃蚌
5. 年年有餘老虎斑：都幾滑架
6. 發財好市瑤柱甫：大大粒的乾瑤柱，唔錯。
7. 吉祥海螺攜玉掌
8. 嘉冠晉爵炸子雞：已經好飽，半隻的炸雞要原封打包拎走
主菜之後，就有：五穀豐收飯（糯米飯打包拎走，吃不下），蟠桃壽綿長（好耐都無食過的壽包，不過我都係嫌D餡太甜，所以都係食包皮），時果滿堂春（西瓜，唔甜的）
半席六個人食，都係食唔晒，打包返屋企，留返明晚再吃!
2010年2月12日 星期五
short...
今天HOD要求開個short meeting，究竟有幾short？就係，由未夠10點開到12點半。開會的目的，就係因為尋日有一個同事resign，要安排將佢的工作分配比其他同事。呢個都係預計之內，唔會請人replace辭職的同事。
開會的有HOD，Mgr，Team Head和我四個人，原本我打算只係sit-in，唔多參與當中的討論，我抱著「人不犯我，我不犯人」的心態，但，有人黎犯我，燒埋我嗰叠，辣罄著我
.................
晚上將今天開會的情況同個fd去分析，佢不嬲都係一個好串的人，佢聽完我第一段的情況後，第一句居然講，「乜佢咁無能，連自己D細做緊乜，做成點都唔知?」聽罷，我哈哈一笑，今日心情本來都幾憫，聽一聽佢串人，心情就好轉！
..................
細節不加詳述，整個meeting中，只係覺得，有人有點衝著我而黎的。
我以為，我已經與世無爭，因為香港的operation，已經差不多都不在我的job scope入面，所以，同香港的同事，應該係無利益衝突了吧！？但，原來，係有人以我為「敵」!係我太遲鈍，宜家先知？定或者係，我太敏感吧？
我有咁的感覺：
1. 佢覺得，X係一樣高級的工作，應該由佢的grade去做，而唔係由佢D細去做，而我一年前揀左一個佢的細去做，佢有點jealous！佢有點階級觀念囉。
2. 佢覺得，一個月我只係工作四天！雖然，佢曾經兜過補充話，梗係唔止做四日工作，有其他野做。但，佢一開口時，已經完全表現出，佢覺得我只係一個頭四個工作天有工作的人。其他時間，係無野做。（我都幾想一個月只工作四天，逗足一個月人工，邊到有呢D筍工呀？介紹下呀？）不過，講真嗰句，我又無必要向佢交代我做緊咩囉！正如，佢唔會向我交代佢做緊咩一樣，大家各有各做。
3. 最後，我覺得，或者佢想升le，咁，咪名正言順可以點晒佢下面的四個人做野囉，包括一個現在同佢同grade的同事，咁佢咪唔使話尷尬！
2010年2月7日 星期日
大屋搬細屋,唔見一籮穀
今天幫人搬屋，正確一點，應該係幫人睇住搬屋公司的人搬屋。
尋日已經幫佢pack埋最後的東西，尤其係家電這些要駁線的東西，拆就好易，之後可唔可以接駁返，就係後話了。
搬屋的師傅比原定的時間早黎，佢地開始搬紙箱及拆傢俬，但，拆到張床時，佢地話d膠螺絲一擰就碎，無能為力去拆及安裝！
最後，經屋主同意，唯有用暴力拆去，之後要棄置！咁，張床就報銷了！師傅話以後買傢俱，盡可能唔好買呢類用膠螺絲的，會因為用得耐而擰唔到，咁就拆唔到及安唔到
睇落，佢地都搬得幾輕鬆，當然，如果換轉自己，就當然無能為力
去到新址，弊
呢間屋，柜又大，梳化又大，枱又大，什麼都大，唯一細的就係...間屋
幫手安返d家電，收工，走人!
2010年2月5日 星期五
Annual Dinner
今天是公司的Annual Dinner，晚飯於湘川滬，原本應該7點開始，因為要等貨倉的同事和一些外出工作的同事，所以，等到大家都有點肚餓，Admin於是order了兩款小食，比大家頂下肚先!
我們dept有一個缺席，所以得10人，加了一個FA dept head和另一個OPNS的同事一枱，其中有人提議去M記買野返黎食，初初可能係講下笑，但，等下等下，FA dept的同事真係出去買野食返黎比我地呢枱食，買了三盒麥樂雞。
佢出去的時候已經開始上菜，頭盆係六小碟，我地自己變成7小碟，哈哈！
其實，每年annual dinner大家的目的都不是食飯，而係抽奬
食物不介紹，因為都無咩好推介！抽奬有兩round，第一round係13份的禮物，第二round係32份cash，一共有59個名單，其中包括一些抽中都唔會要的高層，還有一些沒有出席的同事，扣扣埋埋，可能得四十幾人在場等中奬！
先抽禮物，我們部門都有同事抽中，而缺席的，佢被抽中頭幾位的奬品，因為沒出席沒奬攞，所以，係佢比抽中的時候，我地都報以可惜的聲音，因為，佢黎左我地公司唔係好耐，但就好有抽奬運，每次都會中，而且一定不是細奬。我們曾經叫佢不如唔好返學，去annual dinner抽奬算啦，不過，佢過就黎要考試，所以要返學聽tips！
除了抽奬，就是頒發老人牌，人地公司可能係金牌，我地公司就係水晶，大舊又無唔知擺係邊的東西。
第二輪抽奬，就算第一輪抽中過的同事，都可以再抽的，因為所有的名單都會放返去抽奬箱，最細的係200，而最大的係3000，我們dept都算好彩，每個同事都抽中，或是禮物，或是現金！
跟著，唔知點解有人講起食雪糕，FA同事，平時都好cool，但今晚心情好似好靚，居然再一次出去，買了雪糕返黎比我地食！可能佢預計到，今晚的甜品係唔好食架！
高潮繼續，Admin再向高層籌款，再組成了23份的現金奬，所有同事都有機會抽多一次！
有些同事好有luck，三輪抽奬都抽中，其中一個就係我地dept沒出席的那位，今晚，如果佢有出現，咁佢就可以袋3000回家，佢今晚呢堂課，就最小值3000了！
三輪抽奬，其實都有成五六十份奬品，比我們出席的人數為多，不過，有些就好有luck，抽中三次，有些就無luck，一份都抽唔中！
抽完奬，就曲終人散，有些同事已經醉到pair pair fu咁嘞，我諗佢地真係要人送佢地，才可以返到屋企。
2010年2月2日 星期二
久等的新玩具
拖左一年有多，終於落實買了部新電腦，今天收貨，晚上吃過晚飯，就動手安裝！雖然有免費安裝，但約了下星期一，太耐了，所以，寧願自己動手去安裝！
現在的電腦，真係好user-friendly的，插頭有唔同顏色，方便唔會插錯！
硬件接駁好後，就安裝軟件，跟機有個Windows，但，原來都係要set-up的，不過，跟著佢一步一步咁做，都好easy啫
安裝防毒軟件及Office，一take ok
上到網，睇到電視，用到Office，Print & Copy到野，搞掂！
不過，有小小後悔買埋部printer，雖然佢有print, scan及copy功能，但，無位放置，又要傷神諗下放係邊
搞掂晒所有野，都已經十二點幾，聽晚繼續！聽晚要張舊機的東西，搬返晒去新機到，呢個，我諗，仲大工程過安裝新機！
訂閱：
意見 (Atom)