昨天放工放得早D，所以沒有坐巴士，嘗試徒步由尖咀行到佐敦，原來，時間跟我坐巴士差唔多，可能因為我要行一段路才到巴士站，落車後又要行一段路才到醫師那裏，所以實際坐車的時間好短。
等了一會便到我，今天又lock頸，按腰等，好痛呀！
之後才針，數量差唔多，頸4針，背6針，左脚3針，右脚3針，左手3針，右手2針，肚5針。今次反應快左，第二針已經痛到落脚指，上幾次都係要到四五針才有呢個反應，家人話可能係搵啱位置，所以，第二針就有！
針完之後，隻右手好痛，連扭轉呢個動作都唔得，不過我都嘗試扭動它，隔一段時間可以郁返，問醫師，佢話係針的附近有咁的反應屬於正常，叫我返去用熱水敷下就會無事。其實未返到屋企，我按摩它，已經無事lu！
呢幾日都不停咁睇一D關於膽固醇的資料，從醫管局的網頁中，我找到以下的食物表。
係我日常飲食中，我諗最易吸收膽固醇的就是蛋類製品，海產類，及雪糕／牛油！另外，還有即食麵，餅乾，薯片等！
有時係度諗，如果我戒晒呢D食物，咩都唔食得，除左可以降低膽固醇之外，應該仲可以減埋肥tim，哈哈！
不過，連食野都咁多限制，真係少左好多人生樂趣！
我諗，我都係做多D運動去降膽固醇好D！
| 食 物 種 類 | 單 位 | 膽 固 醇 含 量 （毫 克） | |
| 內 臟 | 豬 腦 | 1 個 (120 克) | 3100 |
| 豬 腰 | 1 個 (140 克) | 440 | |
| 雞 肝 | 1 付 (60 克) | 210 | |
| 豬 肝 | 1 兩 (37.5 克) | 120 | |
| 豬 心 | 1 兩 (37.5 克) | 100 | |
| 雞 心 | 1 個 (37.5 克) | 23 | |
| 雞 腎 | 1 個 (30 克) | 60 | |
| 海 產 類 | 魷 魚 | 1 尾 (150 克) | 400 |
| 墨 魚 | 1 兩 (37.5 克) | 110 | |
| 龍 蝦 | 1 兩 (37.5 克) | 60 | |
| 草 蝦 | 1 尾 (40 克) | 60 | |
| 劍 蝦 | 1 尾 (12 克) | 20 | |
| 蟹 肉 | 1 兩 (37.5 克) | 40 | |
| 生 蠔 | 1 隻 (50 克) | 25 | |
| 魚 肉 | 1 兩 (37.5 克) | 21 | |
| 海 參 | 1 兩 (37.5 克) | 20 | |
| 帶 子 | 3 隻 (42 克) | 14 | |
| 食 物 種 類 | 單 位 | 膽 固 醇 含 量 （毫 克） | |
| 蛋 | 雞 蛋 | 1 個 (50 克) | 215 |
| 蛋 黃 | 1 個 (17 克) | 215 | |
| 蛋 白 | 1 個 (29 克) | 0 | |
| 奶 製 品 | 全 脂 奶 | 1 杯 (240 毫 升) | 25-35 |
| 脫 脂 奶 | 1 杯 (240 毫 升) | 5 | |
| 片 裝 芝 士 | 1 片 (21 克) | 20 | |
| 雪 糕 | 1 杯 (74 克) | 45 | |
| 肉 類 | 牛 肉 、 豬 肉 、 羊 肉 、 家 禽 （瘦） | 1 兩 (37.5 克) | 25 |
| 牛 肉 、 豬 肉 、 羊 肉 、 家 禽 （半 肥） | 1 兩 (37.5 克) | 30 | |
| 牛 肉 、 豬 肉 、 羊 肉 、 家 禽 （肥） | 1 兩 (37.5 克) | 34 | |
| 蔬 果 及 穀 類 | 蔬 菜 、 瓜 類 | 1 份 | 0 |
| 水 果 類 | 1 份 | 0 | |
| 五 穀 | 1 份 | 0 | |
| 油 | 動 物 油 | 1 湯 匙 (15 毫 升) | 12 |
| 菜 油 | 1 湯 匙 (15 毫 升) | 0 | |
昨天放工後就再去針灸，不用坐係度"lock"頸，只係躺下"lock"，雖然都係痛，但已經沒有前兩次咁痛了，唔知係好左，定係適應左呢？
針的數量唔同左，但位置就大同小異，頸4針，背6針，左脚3針，右脚3針，左手3針，右手3針，肚2針，唯一不同的，就是多了下巴的1針。問醫師下巴的針有何幫助，她說都係頸！
咁多針，最痛的莫過於係針pat pat的時候，她想我隻脚有觸電的感覺去到脚指，但，去到脚指的就非常痛，就算去唔到的，都好痛！
她問我情況如何，我說手痺，脚痺的情況已經沒有了，於是乎，我臨走時問她還要針多少次，她說腰的問題差不多解決了，針多一次應該okay，但腸胃問題，就要針多幾次，等它穏定些才停喎！
不過，今早起來，又發現隻左脚唔聽話，又有麻痺的感覺，oh no，what's wrong?
今天一早返左深圳office工作，同事話我聽大老闆黎左深圳，要開staff meeting，因為我唔想一個人唔出席，所以，我都有入去board room一齊聽老闆的speech！
Lunch時，遇到我之前的其中一個老闆，佢叫我一齊食lunch，因為佢就黎走，話請我食lunch，於是乎，我就同兩個同事同佢和佢D手下一齊去飲茶！
佢講起LG的HB620T手機，話可以睇電視，只要RMB700，唔需要上網，係深圳可以追到四個台，另一個老闆帶去新加坡都收到新加坡的電視，仲好清楚tim，我都有試過同事的手機，覺得都唔錯，所以，我就趁壚咁買了一部返香港睇電視！如果okay，就賣左而家用緊部N記！
回到家就試下，點知，追極都追唔到台，唔知係咪制式唔同（呢部機係DVB-T support，而香港唔通唔係呢個制式？)，所以收唔到呢？還是因為我嗰區接收唔到呢？
如果真係收唔到電視，就無左呢部手機最大的賣點，新加坡都收到，點解香港收唔到架？
http://product.pcpop.com/000100855/Index.html
星期一lunch原本有個飯局，後來因為比人放飛機而甩難，所以，我就趁lunch時去了拎驗身報告，星期日已經聽過電話講解，睇返有咩要戒口，同埋，諗下我平時食D咩野多左會有膽固醇偏高這個問題！
同事A話可能同我食甜品有關，同事B又話可能係遺傳，同事C話佢都係borderline，話食麥皮可以降低膽固醇！我都會作為參考，睇下真係要戒些咩，同食D咩會有幫助降膽固醇！
連食都唔可以食，真係無咩人生樂趣！
晚上約左中醫針灸，她問我情況怎樣，我話都仍然是痺，不過無之前兩日咁痺，同埋腸胃呢兩日都okay，不過我同佢講話我膽固醇偏高，佢話係因為我脊椎的問題而引起，改善到脊椎問題，膽固醇偏高也會解決。仲話我食甜品，食海鮮都唔關事，唔使戒口！咁即係要戒定唔使戒？
傾完就開始動手，都係lock頸先，雖然都係痛，但無上次咁痛，之後，就開始施針，因為今次係自已一個人去，所以，就靠感覺睇下佢針左幾多針，後頸6針，背脊7針，左脚4針，右脚3針，左手3針，右手2針，同埋肚2針，總數好似多過上次咁。
最痛的，就係針pat pat時，被針的位置好痛，其中一下仲有痛到落脚指尾，好有觸電的感覺。
希望針多一兩次就okay，唔使再針啦！不過，佢話，呢D野好難講要針幾多次先得！而家最好一星期兩三次wor！
三個星期前做左個身體檢查，今天終於收到電話講報告，他說大致上正常。
他重點講了以下三樣：
1) 膽固醇：他說我的膽固醇是5.6，少少偏高，因為我在5.2-6.2這個range入面，如果超過6.2的話就要食葯去控制，而我只超了0.4，只需要戒口和做運動！他說他們已寫下要戒口的東西在報告裏面，要我遲D去拎返份報告就知要戒D咩！
做運動，我每星期都有一次，但戒口，究竟要戒D咩的食物呢？究竟係我日常的食物當中，有D咩令我會有高膽固醇呢？唔通係朱古力同甜品？
2) 乙形肝炎：我已經有抗體，連肝炎針都可以唔使打！不過，呢個我一早就知，因為讀書時期去check過，那時已經知道有抗體！
3) 肺功能：比較弱，話可以做運動去改善
膽固醇是什麼？ |
膽 固 醇 是 脂 肪 的 一 種 ， 來 自 所 有 肉 類 、 魚 類 、 家 禽 、 貝 殼 類 、 蛋 黃 和 奶 類 產 品 。 血 液 中 的 膽 固 醇 ， 只 有 ２０－３０％ 是 直 接 由 食 物 吸 收 ， 絕 大 部 份 是 由 肝 臟 所 製 成 。
膽固醇的種類
血膽固醇過高之後果
血 液 中 含 過 高 的 膽 固 醇 、 甘 油 三 酸 脂 、 低 密 度 蛋 白 膽 固 醇 （「壞」 膽 固 醇） 及 過 低 的 高 密 度 脂 蛋 白 膽 固 醇 （「好」 膽 固 醇） 都 可 能 導 致 冠 心 病 及 中 風 。 在 飲 食 中 適 當 的 節 制 膽 固 醇 、 脂 肪 ， 尤 其 飽 和 脂 肪 及 糖 份 ， 注 重 其 他 有 利 營 養 素 的 攝 取 ， 以 及 保 持 理 想 體 重 ， 都 有 助 減 低 冠 心 病 及 中 風 發 生 的 機 會 。
| 脂肪的種類 | 正常血脂值 (亳摩爾 mmole/litre) |
| 醇 含 量 (T Chol) | 少 於 5.2 |
| 甘 油 三 酸 脂 (Triglyceride) | 少 於 1.7 |
| 低 密 度 膽 固 醇 (LDL-Chol) | 少 於 5.2 (理 想：低 於 2.6) |
| 高 密 度 膽 固 醇 (HDL-Chol) | 高 於 1.0 (理 想：高 於 1.6) |
尋晚食完buffet之後，一出商場，就見到好多好得意的hello kitty，雖然我唔會買，但，忍唔住影低佢地，當已經擁有左佢地，嘻嘻！
藍色的hello kitty，都幾可愛
傳統禮服的kitty，好elegant呀
仲有呢幾款青春可人的
前排朋友話想試下Metropolis的Buffet，最後佢話佢搵到朋友簽單，有20% off，所以可以試一試！
先黎一碟海鮮，兩隻生蠔，一隻蝦，一隻蟶子，一些魚生，如三文魚，北寄背和八爪魚！生蠔好肥美，魚生好新鮮，蝦都okay，但蟶子就有沙！
Encore一次生蠔同魚生，朋友話海膽都okay，所以我試了小小，不過，我沒有點醬，覺得有點腥，再試點了醬，醬油蓋過晒D味，但之後又feel到腥味，所以我放棄了，都係好懷念北海道的海膽，入口即溶，無怪味，係仙台都有食過，同樣係日本，但味道就差一D，但都可以入口！
上次係Intercon的牛扒好肥，今次呢到就好好瘦，唔錯，仲有食左天婦羅，剛炸出黎的海老天婦羅，讚！朋友話佢見到個女人，一拎拎左十幾隻，有D過份囉！
跟著就係甜品時間，有杏仁燉燕窩，朱古力mousse，士多啤梨mousse！
杏仁燉燕窩，杏仁味好濃，我食了少少就放棄左
試了以下甜品，有bread pudding，chocolate cake，cheese cake，fruit tart，tiramisui!
朋友話炸子雞和乳豬，和炸蟹螃都好食，我就只試了炸蟹螃！
生果時間
梳乎里，但我們新鮮焗完就拎返去，但未到枱已經凹左落去，味道一般，但太快凹左！
楊枝甘露，甜左D!
Haggan Dazs 雪糕，我食左三個scoops，有chocolate，green tea及lemon sorbet，yummy yummy！
2009年3月14日，係我人生中第一次針灸，無端端我為什麼走去試？
事源就係，星期四晚洗澡的時候，我發覺自己的左脚有麻痺的感覺，起初都不太為意，覺得隔一陣就會無事，但，事隔兩三個鐘，到我去瞓覺時，我仍然覺得它仍在麻痺，有點奇怪，但都無理它，繼續瞓覺！
星期五全日，都feel到隻脚有D古怪，雖然唔係痛，又唔係辛苦，但總之感覺與右脚好唔同，禁它時有麻痺的感覺，但右脚又唔會有同樣的感覺！
到星期六早上，感覺還是這樣，我問家人，我應該去睇中醫定西醫好，因為，麻痺左兩三日，有D唔尋常，家人叫我去中醫師到針下！
晏晝去了中醫師到，幫她針完之後，我就同醫師講下我的情況，醫師就摸下我的頸和背脊，跟住就話我腰椎和頸椎都”咩”左，我問點解，佢話可能係天生，又可能係姿態唔好，佢話可以幫我針下，我問幾時，佢話宜家都得。
於是乎我就坐係度，佢就將我的頭向左推，嘞嘞嘞，突然用力"lock"一下，我呀一聲大叫，我面對著我家人，我家人笑說，未lock你條頸已經嘞嘞聲，真誇張！跟著佢又摸我背脊，佢禁我背脊某一個位置時問我痛唔痛，我話，唔痛，我郁係因為我怕痕，但我話比佢聽，係佢指住下少少的地方，我就痛左幾日，由上星期返返工開始，我已經開始痛，我以為係耐無坐足成日，坐到頸緊背痛咋！
之後佢就叫我扒係到，佢摸下我條尾龍骨，佢話”咩”左，叫我摸下，我摸完都feel唔到D咩野，佢就係到禁我背脊（唔知係咪叫推拿呢？）之後才開始施計，家人話我聽，背有五至六針，頸有四至五針，有些針完都無咩感覺，但又些就好痛下，針住的時候唔可以郁，因為一郁就會好痛，所以，我連自己個頭扎住左條電話繩，我都抬唔起個頭拎返佢出黎，唯有等到佢拔針後才拎返出黎！
之後就係前面，四肢每肢針兩針，肚就針左四針，然後又幫我lock多一次條頸，我大哎，好痛呀！
醫師話因為我腰椎”咩”左，所以影響左我的脾臟功能，和血氣經絡唔通，如果改善左腰椎，就可以改變到纏繞我好耐的腸胃問題，我又信下佢啦，因為西醫對呢個問題就無能為力（因為我唔想靠食葯），醫師話食葯治標唔治本，我都同意，所以，我咁耐都無靠食葯黎解決呢個問題！希望，針完真係可以搞掂我脚痺的問題之餘，仲可以解決埋我腸胃問題啦！
當佢收晒針之後，佢問我有無咁痺，我話仍然係痺，於是乎佢再拖多幾針，針pat pat，但唔係插係度，而係針下拔下，有些就只係針邊到痛邊到，但又些，居然好似觸電咁，痛到落脚，佢問係咪脚前面，我話係脚後面，佢試左三次，但都係脚後面，我話已經痛到去脚指尾，佢就停左！我問，針完可唔可以運動，因為原本打算陪她針完之後，自己去做gym，但佢話針完比較攰，最好係休息下！所以，我就偷懶唔去運動lu！
今天，我終於感受到，她每次被針的感覺了！
今早見到報紙廣告，又出紀念車票，雖然不是Hello Kitty，但亦是我兒時喜愛睇的卡通片主角，即刻諗起首歌：「小雲同小吉，好重要」
上次買Hello Kitty有點被搵笨feel，今次一套有齊三張車票，好似抵D咁，哈哈哈！！！
小雲小吉，我好想買你地返屋企呀！！！
至於龍珠，我都好喜歡睇，不過，始終都係鍾意細路哥的悟空，大左都唔cute，嘻嘻！
上一次影它的時候，已經是大除夕的事了，返左個幾星期工，終於有時間去探下我盤花了
經過同事悉心照顧，它又繼續茁壯成長，你睇下呢塊葉，同我的掌心差唔多大！
有些較深紫色，有些就比較淺色D
好似有層金粉在花上
除左開左的花，仲有D花冧係到，含苞待放，究竟會唔會一年365日都有花開架呢？
它的子孫，還是只有葉，未有花
呢盤係咩呢．．．答案就係．．．荷蘭豆，上次去米埔時有兩種種子，一種係粟米，但上次除夕播種都宜家，已經certified左，所以，上個星期四(3/5)是驚蟄，同同事講開盤「再生能源（即粟米）」，佢話已經certified，我話不如掉左粟米種子，試下種另一種，所以，佢就掉左粟米種子，放左兩粒荷蘭豆的種子係同一個盤到，繼續開發我們的「再生能源」，哈哈哈！
尋日，同事話我聽，荷蘭豆己長高了，佢話係另一個同事星期二已經發現左，我當然去睇一睇，wow，不足一個星期，已經長高了，比起個粟米，兩個幾月都得個吉，今天，就帶個DC返黎，為它拍下寫真，一日之隔，它又長高了，今日發現，它又高左一節，由尋日的兩節到今日的三節，一支已經同支攪咖啡的匙咁高了，另一支，仲高D tim，真係快高長大，明天，會否又長高呢?
