上個周末好充實，今個周末都好hea，同事話佢星期六1pm要走，所以我就費事返去兩個鐘，唔返工就同左家人去了飲茶！
之後，就安坐家中睇"Heroes"的Season2，因為只有11集，比Season1的廿幾集少好多，所以，我們一天內睇晒整套，我就覺得Season2好睇過Season１，因為可能冇"dum"得咁長，節奏快D!
星期日就睇「死亡筆記」，卡通片，有成三十幾集，當然一天就睇唔晒，不過都睇左十集！故事係講一個中學生從死神得到一本死亡筆記，只要將人的名字寫進去，那個人就要死，而呢個中學生，就希望透過呢本死亡筆記，締造一個新的世界，沒有壞人的世界，但，始終，呢D都係死人事件，一個破了很多案的人幫助警方去調查，這昃一個鬥智的故事！唔知，結局會係點呢，好心急想繼續睇，但，要等下周末得閑先繼續！
約了朋友1點，去街市買食物，有牛扖，豬扒，雞扒，雞翼，魷魚，不同的丸及腸仔，Siu Ming介紹了黑椒雞肉腸，係一個不錯的推介，除了肉類，我們還買了海鮮，今次選了基圍蝦及大眼雞，有趣的是，Maggie及Siu Ming每見到紅色的魚就話是大眼雞，真搞笑，最終Maggie真的發現了大眼雞的真身，哈哈！
之後，我們買了粟米，金菇，冬菇，秀珍菇，燈籠椒等蔬菜類，免得全是肉肉肉！
買完東西後，Sara也差不多到達，我們便兜返去地鐵站搵她，居然買了蛋糕，真的好担心點樣處置呢幾件蛋糕！雖然係咁，但都多sara的蛋糕呀，好味呀（不過我走晒D Cream，我減緊肥呀），哈哈！
回家之後，Maggie就煮「白果薏米腐竹糖水」(多謝maggie的糖水），我們就清洗食物及將需要用鍚紙燒的先包起！
約兩點九開始我們的bbq，好在Sara的病好好多，可以同我地一齊分享好好味的食物！我們預備的份量都okay，只剩下少少的丸！
回到家，便吃糖水，好好味，但吃完之後非常飽，問題出現了，怎樣處理那些蛋糕，如佢地唔食，我一個人只可以消耗兩件，另外兩件就會被拋掉，好彩，Maggie/Siu Ming話佢地打完保齡球之後可以吃，咁就唔使浪費！
雞翼，黑椒雞肉腸(多謝siu ming的推介)
生猛基圍蝦 － 加了蒜蓉辣椒，yummy yummy
Maggie/Siu Ming，呢款先至係大眼雞，下次唔好認錯啦！
吃得飽飽地，便去打保齡球，正常來說，我的第一局應該有60-70分，但今次真的唔知發生咩事，居然只得三．四十分，好在第二局，正常返，有六．七十分！
今早吃了一個麵包後就去游水，好耐無游早水了，雖然都已經係十點，那時，有兩個救生員，但只得兩個泳客，游左半個鐘左右，先開始多返D人，但都係十個到！游左一個小時，便回去，攰死我啦！
吃過東西，下午約左人去做gym，所以就去TST做gym，唔覺唔覺，玩左兩個半鐘，回家吃飯，今晚一定好好瞓！
