今晚約了兩個兩三年無見的舊同學出黎食飯傾下計，兩三年無見，大家都有所變化，一個晚上，當然都係講唔晒大家的近況，
我們去了牛陣食火鍋，有四款湯底可選，我們選了清湯，其餘的係甜醬油，鐵觀音和豆漿！
有不同級數的牛肉選擇，但同枱的，只可以選相同的級數！我們選了普通的，食完一碟時waiter會問你需唔需要refill，但我地兩碟都食唔晒！
豬肉都係會refill的，但我地都唔好，所以，就一碟都食唔晒
我們叫了海鮮拼盤
其他的食物，就可以係buffet bar枱自己拎，食幾多，拎幾多！
仲有雪糕，不過我地無食，限時1個半鐘！
好多人話女仔有兩個胃，一個用黎食甜品的，雖然我地食到好飽，但，都係去左滿記食甜品！
Share左芒果西米露豆腐花和榴槤糯米糍，但因為我唔食榴槤，所以朋友share左佢，我主攻芒果西米露豆腐花，好味
雲南手信，thanks
公司sz office那邊，星期五，突然話要買月餅，令我突然想起，我八月時向公益金買的月餅劵，到現在都未收到，下星期已經是中秋節了！
我好肯定支票已經過數，即是我並沒有寄失，於是乎，星期六早上，我就打去公益金查詢，查左一輪，答覆係，他們在9月1日已經經掛號送黎我家，但郵局覆話，有人拒絕接收，所以留在郵局待退回公益金，於是我問家人，有沒有這件事，佢地都話，如果有件，都會收左先，根本就沒有郵差黎過我們屋企，也沒有收到任何便條叫我們去郵局取。
我叫他代查地址，是不是填錯了地址，他立即說不用對，叫我留下公司地址，星期一用寄黎我公司，因為月餅劵就黎過期，所以想我盡快攞到張月餅劵去取月餅！
對他的服務態度，我覺得好好，就算他說星期六不辦公，只開了reception收件，但他都肯幫我去查，沒有等到星期一辦公時間才工作，而且，知道我到現在都未收到，立即安排星期一補送回給我，值得一讚！
家人今天為我慶祝農曆生日，通常都是外賣回家，比較少會下廚！
生日蛋糕，就留返下星期二才吃，今晚，order了pizza同買了sashimi返黎，加上red wine！
叫了一個套餐，有忌廉雞湯，超級夏威夷
沒有吃過的肉醬意粉，留為明天午餐的飯盒
辣味雞翼
另加小食香脆墨魚塊
在吉x島買的刺身拼盤，有我喜歡的甜蝦及三文魚，中間有隻白色的魚，唔係幾好食，其他都好好味！
家人話要食烏冬，「讃岐」烏冬，佢話好出名，指示要煮2-3分鐘，我就煮了2分鐘，再用冰水過冷河，好爽好彈手，正！
專登買的日本豉油，搵唔到朋友介紹的那款，就買了「和風」，用1:3的份量加水去開，想更好味，就加入wasabi及冰塊係個sauce到，就變成好味道的冷烏冬！
尋日預備好的雜果沙律，搞笑係，叫家人買吞拿魚，佢居然買左油浸，我expect佢會買鹽水浸的那種，不過，唔買都買左，照放埋落去，效果就有點格格不入，哈哈！
她來到我家已經三個星期。
她來到的第一個早上，我醒來見到一個陌生人，嚇了一跳！才醒起，她已經踏進了我們家的生活當中了！
她好像一張白紙一樣，每樣東西，都要好詳細地教她，示範一至兩次才懂得怎樣去做，不過，好在她還是聽教聽話，都肯去學，一、兩次之後都知道點做！
我們對她的要求不高，只要求她做些清潔，執拾的工作，整餸煮飯等家務！
每天晚上開飯後，她都會洗淨了煮食用具後才出來和我們一齊食飯，但，今天晚上，如常她都不立即出來吃飯，我們叫了她後，亦不以為意，等她自己想食飯時便出來食飯！
今晚，差不多我們都吃飽後，她還是不出來，我去廚房再叫她一下，她已經洗完晒野，我便問她為什麼還不出去食飯，她說她打爛了一隻匙羹，我並沒有覺得什麼，便叫她丟了它便出去，轉身便走，後來又覺有些不對勁，她雙眼紅紅的，於是我便立刻轉回去看她，她哭了，她說她不小心打爛了一隻匙羹，對於爛了隻匙羹，我一點責備她的意思都沒有，甚至，我只係覺得，爛左咪丟左佢，完全都不在意隻爛匙羹！但，她，居然為此而哭！
我同她說，匙羹爛了可以買過隻，唔好弄損自己就okay！
安慰了她一輪，我便叫她洗個臉出去食飯！
她，用了一段頗長的時間先平伏心情，出來吃飯！
我們不明何解，可能是：每人的價值觀不同，對於我們來說，爛了一隻匙羹並沒有什麼大不了，可能對她說，係一件大事（始終她覺得自己做錯事）！又或者，她曾經因為打爛野而比人鬧，所以，怕被責罵！又或者有其他原因...
原來，一件事，唔同的人，睇法都會唔一樣，每個人的價值觀都會唔一樣！
今天 ，第一次跳Zumba Fitness，見到這個course都有一段時間，亦都見過人地跳，但，都係就唔到時間，所以，出左咁耐，都未試過，今天，終於啱時間，去試玩一次！
Zumba Fitness係揉合拉丁音樂與誘人舞步的團體操！
跳完一小時，給我的感覺是，有些舞步與健康舞相似，但又不全相同，只覺自己的手脚非常不協調，這裡不會像康體的course那樣去教，會慢慢教舞步，讓你知每個舞步是怎樣怎樣，然後才會跟著快音樂去跳，這裡，不會講解舞步，只可以跟著教練跳，但，有時節奏快，又唔知舞步是怎樣，根本就跟唔到！我就會求其跳，望下前面的人點跳，哈哈！
有時在鏡中望到自己，好搞笑，跳到成隻蛤蜊咁
雖然跳得好醜，但，出一身汗，感覺好舒服
通常Friday都會食過豐富的早餐，往常都是在公司樓下的美x食，但今天晏了少少，而且又想食下其他野，所以就去M記外賣返公司吃！
我點了板燒雞腿扭扭粉餐，加$5叫了杯cappuccino，負責拎食物的職員仲問收銀係咪泡沫（指：cappuccino），收銀答完係，拎食物的職員就放低她手上的一碗及一杯東西，及薯餅，就讓我拎走！
回到公司，當然立刻開餐！打開碗野，噫！點解無湯既？以為佢漏左，諗住，算啦，乾啃就算數，然後，再打開杯野，oh no，原來係個湯，咁，我的cappuccino去左邊呀？
覺得加錢無左杯野飲好唔抵，咪唯有拎張單去返M記，雖然唔太遠，但來回都要十分鐘，去到，我同個收銀講，你地比漏左杯cappuccino我，佢就去拎返比我，只係講左聲對唔住，我諗，佢應該有留意有人漏拎野飲，所以什麼也沒問，就拎返比我！
雖然拎返，但，要我行多轉，真係...
下次，買外賣，要睇清楚齊唔齊先好拎走，免得要多行一趟!!!
尋日下午5:55掛起八號風球，四點幾，HR出email話如果immediate supervisor同意，就可以放工，當時，我地第一時間問我地dept的最高領導人啦，一句走得，便拿拿臨執野走！
坐巴士，但又怕失車，坐MTR，又怕多人，最後，都係坐了巴士！
去到轉小巴，嘩！超多人，我從未試過條龍排到咁長！
不過，我都係五點幾就返到屋企，T8都仲未掛!但，已經開始做家防風措施，雖然當時還是小小雨！
深夜，風及雨越黎越大，留一條好小的隙都唔得，嘈到我根本就瞓唔到，要關晒窗，聽住個ipod，一點幾先瞓到！今次的颱風，真係好好好大呀！D雨水，隨著冷氣機槽或抽油煙機的抽氣喉，摻入屋！
到鬧鐘响時，還是T8，但繼續瞓，九點鐘，朋友打黎話佢出門口返工，但無車，我才知，我係時候要起身！
食過早餐先返工，本來，打算著拖鞋，回到公司先換鞋，但，兩個月內，第五次爛鞋，真係無癮，唯有係酒樓換左先，好在，返工時無落雨！
估唔到，今早都有幾個鐘的off，都好過無!
約了朋友星期日係南丫島游早水，本來打算一早入去，但，又怕要好早起身，所以，臨時改變主意，早一晚入去到朋友「茄子」的男友家"Un-nion”過夜，第朝無咁趕喉趕命！
星期六晚六點半入到去，茄子去接我，順便買一道餸菜，因為Un-nion會係佢天台搞party
八點多，Un-nion的朋友陸續到達，我們的晚餐就開始！
我買去的泰式春卷
咪同Can的 ribs及蕃茄配菜，個ribs好濃味，好good！
Feel的Dhal Curry，望落去以為係有肉粒，原來全都是vegetables，係Indian Crusine一種，超好味，尤其係夾係bread入面一齊食
仲有其他，我掛住食，都唔記得影lu，哈哈！
有兩款的沙律（其中一個是薯仔沙律，因為薯仔唔係賣飛佛，所以，佢地多番游說後試了一口，都係，唔係幾鍾意，sorry！另一款係雜菜沙律，如果無"炎"茜，就更perfect)，日式冷麵(very good，佢地話仲好過去日本餐廳食），及燒澳洲steak，好濃的肉味，但un左小小！
好飽，好滿足！
食飽，當然係game time！
1st round就係pictionary，畫公仔估字！
2nd round係charade，第一次玩，原來即係"有口難言"，不過係英文版，有四個catergory，TV Show, Film, Music and Book，我諗有九成九在場的香港人都未必識，所以，做動作時就要逐個字去做，唔可以一個整體去做！當然，英語人贏晒!
開始夜了，有些朋友先走，留下的繼續玩，玩下傾下，就黎3點，要沖涼瞓覺，佢地的朋友都未走晒，我第一個走去瞓...唔得啦，第二日早起去beach！
始終係陌生床，我瞓得麻麻，聽到人聲狗吠聲，瞓下醒下，九點幾醒左，原本打算十點半出beach，到最後，食得早餐，換完衫黎，出到去都十二點幾，Un-nion仲要帶我地去行佢先識得的路，又地盤又草叢，哎呀，下次唔要行呢條路，有樹木吉損手呀！
真係無咁多人，我們ready後就落水，一心諗住，今次記得帶潛水鏡可以游到水，點知，出到海面，一帶，...，爛左！有無咁黑呀！
唯有，繼續用水泡，出到去防鯊網到，睇魚！
因為無潛水鏡，我只可以係水面望入去，朋友話有好多細魚仔係個防鯊網附近，我借了Cat 的潛水鏡，試左幾次，終於見到，每次都有一群廿幾條的魚仔，好透明，所以我初初睇極都睇唔到！第一次係香港沙灘見到魚仔！
除了浸水，當然就係曬太陽，搽了4度的防曬係手脚，面就搽勁D，要50度!由十二點幾玩到四點，結果係，對脚勁放係陽光下晒，一D都無黑到，但面和手，除左係水度，其他時間都係太陽遮下面，估唔到，對脚都係無咩點黑過，朋友話，我對脚，對陽光有抗體，
玩完就返去沖涼，及預備晚餐！
炸日式餃子
牛油粟米磨菇
星期六晚留下的薯仔沙律
加了橙色及紅色的椒
日式冷麵，無影到個sauce！
一路食，一路聽到行雷及見到閃電，oh my god!我走的時候會唔會落雨？
好快有結果，差唔多食完，就聽到雨聲，拿拿臨執野返入屋嘞！
Heavy Raining，我唔知會落幾耐，所以，最後都係冒雨走！
Un-nion屋企得一把遮，而且，佢係天台執野時已經濕晒，所以，佢話佢遮我去碼頭，仲借左件雨褸比我，我都好耐無著過雨褸呢樣野！
冒著大雨，係行雷閃電的情況下，行出碼頭，Un-nion全身濕透，而我就係膝蓋以下全濕，佢帶返雨遮同雨褸回家，我就坐7:30pm船離開！
出到中環，忍唔住，到tiolet換條短褲，因為牛仔褲濕住對脚好唔舒服，又想換鞋，不過無鞋係背包，中環又唔會有平鞋賣，所以，就濕住一個鐘，先返到屋企！
到屋企樓下，見到T1的notice，吓，又一號風球，好多次入南丫島，天氣都係麻麻！
朋友話，陽光唔鍾意同我玩，風和雨比較鍾意我，
日頭就有同事同我慶祝生日，晚上就有朋友同我慶祝，原本打算去食Oyster and Steak，但後來朋友見到L'Eclipse做promotion，所以，最後選了食呢一間buffet！
頭一round，選了三文魚/吞拿魚刺身＋龍蝦
生蠔，雖然好細隻，但都算新鮮！
Second round就有螺，蝦，琵琶蝦，蟹蚶，同埋encore的龍蝦，睇下，幾多"羔"？不過，隻琵琶蝦，我咬左一啖就放棄，唔知係我食唔慣還是什麼的，味道好奇怪！
行完全場，熱盤真係好唔得，最後我只揀到蒸蟹蚶！所以，繼續食冷盤，有ham同再三encore的龍蝦！
因為熱食真係好唔掂，所以，繼續食生蠔！
呢個buffet，每一可以選兩個main course，有牛扒，鱈魚，鮑魚，和燕窩xx（唔記得），以下是我地的share黎食！
食buffet，當然最重要的係，甜品時間！雖然款式唔多，但，我拎返去食的，都唔錯！
左下角是Amercian Cheese Cake，上面的士多啤梨蛋糕，右面係軟朱古力蛋糕！
第二round甜品，就係上面的椰汁粟米糕，左下角的朱古力蛋糕（呢件我覺得麻麻，朋友話有點酒味，可能我就係唔鍾意呢個酒味），同埋encore的Amercian Cheese Cake，好味，cheese好濃！
以下的甜品是「香蕉三重奏」，每人一客，有香蕉梳呼里，左面的應該係泡夫，右面的，唔知係咩，不過唔好食！
呢到有H記同M記雪糕，可能我地晏去，所以，到雪糕時間時，M記雪糕已經無晒，得返H記的，我選了夏威夷果仁同cookie！
最後，就叫了個Lemon Water黎消消滯！
多謝朋友Ms M and Ms S的生日飯同埋禮物，以下是其中一份，另一份，之前朋友已經order左，不過要十月中先送貨！
仲有朋友Ms S台灣手信, Thanks a lot
