過去的周末，天氣悶熱得很，大部份時間都躲在家裏，但沒有怎樣休息休息，反而，不停的搬搬抬抬，洗洗抹抹，將不要的雜物癈紙，都清理掉走，汗水就不停咁流呀流
2009年8月31日 星期一
2009年8月28日 星期五
沖天救兵 / 王家沙
星期三晚，同朋友去左Element睇戲，我早到，所以周圍逛下，好多名店，所以我都無入去，只係去了超市逛逛！
7:40pm開場，朋友剛好到達，第一次係戲院睇3D，好精彩，套戲好睇，可惜我有點咳同鼻塞，搞到唔專心去睇！我最喜歡starting那part！
睇完戲就食晚飯，點了：
魚湯菜心苖，我覺得一點也不似菜苖，似普通細枝D的菜心咋，都唔嫩既...
蟹粉小籠包：都okay多汁
排骨粗炒，我覺得太咸，但朋友話上海野係濃味D！
2009年8月26日 星期三
2009年8月25日 星期二
雪糕蛋糕
Dept head話老闆黎香港，出錢買蛋糕比今個月和下個月生日的同事，老闆出錢，當然我地一定要揀貴價蛋糕啦！
搬左office後，公司附近得美x同聖安x兩間餅店，實在襯唔起我地老闆啦，所以，同事就幫手去另一個地方買了H記的雪糕蛋糕返黎！
原本想訂選想食的雪糕，但，原來要3天前預訂，時間不容許我們訂，唯有買現成的，買了這個夏威夷果仁！
老闆一見到就問點解買個咁細的，原來現成只有一/兩磅的，沒有再大個！再大的，一定要預訂，所以，這個兩磅的十一個人分，雖然老闆話細個，分了十二件，但女仔多，個個都怕肥，最後一件叫左好耐先搵到人食埋佢，哈哈！
老闆始終嫌小，有同事提議叫tea，於是乎，又食蛋糕又食tea，雖然我只食了半個蛋撻和一杯龍鳳檸樂，好飽的一個下午！
2009年8月24日 星期一
2009年8月23日 星期日
09下水禮 - 沙灘篇
今天終於可以係沙灘09下水禮，去了洪聖爺沙灘，坐一點半船入去，係朋友屋企換完衫，兩點幾就行出沙灘，玩之前，先黎一個好滑的豆腐花先！
先曬一陣太陽，玩了一陣鋤大D，就落水了，因為無帶潛鏡，所以，我沒有游水，只係到浸水，全程都係用水泡或浮水用品將自己浮在水面！
沒有點游，但都好攰，所以，就回沙灘曬太陽，但，陽光被雲遮擋了，所以，躺在沙灘睡覺，瞓醒，又繼續去玩水！
六點幾，回到朋友家，洗澡後，吃了啫喱，便坐七點半船走了，他們，今晚overnight，我就回家吃飯!
2009年8月19日 星期三
又執位!!?
星期一放假，見到同事個blog知道會執位，以為星期二返工會知新格局，但，原來未郁，到今天星期三才正式移位！
其中一排的三個人，坐最前面的調到最後，後面兩個就向前順移！
見到同事個blog時，心諗，無啦啦又做咩調位呢？
我覺得有兩個原因
1) 坐最前的一個，最初佢係坐另一排最尾的，但因佢唔滿意，所以被調了現在最前的一個，但之後又唔鍾意新位，再要求dept head再調！可能，係dept head讓步，所以，讓佢可以坐返最後一個位！
2) 下星期老闆黎HK，老闆係一個睇seniority好重的人，前中後三個人不是最junior坐最前，所以，dept head就趁老闆黎之前，將佢地三個排返次序！
或者仲有第三，四，五個我唔知的原因！
原來，要被調位，係唔需要比你知道原因!要你調，你就聽話調啦!
2009年8月17日 星期一
大榮華，Kitty Lab，金滿堂
今天請了一天假，約了朋友去Kitty Lab，另一朋友知道，就相約我們去大榮華飲茶兩個人先去等位，叫了點心，要返工的兩個朋友，一黎到就可以食，慳返D時間
四個人食左八碟點心
出名的有，馬拉糕，咸水角，义燒酥，我們還點了通菜，蝦餅
蒸腸粉只到十一點，所以晏晝只可以食煎腸粉
雞扎
蝦餃
食飽之後，要返工的繼續返工，我和朋友兩人，就坐shuttle bus去九展，去Kitty Lab！
選擇weekday去是因為唔想太迫人，買左入場劵，不用等多久就可以入場
35分鐘內完成遊戲，就可以得到這個勲章
玩完之後，去到間shop到，本來想買個cover比部ipod，但，試過之後，它的design只適合iphone，所以無買到！今天只是第五天，但，好多野都賣晒，要訂購，朋友送了一把雨傘作為我今年的生日禮物，要到十月中先送貨，仲要加$30運費，本想幫朋友慳返$30，自己去拎，但佢地話無得自己拎，一定要送貨，唉呀，係佢地無貨，要硬食$30 delivery charge，有D唔抵囉!不過，好在有張kitty credit card，有10% off，都可以平返少少！
玩完影完買完之後，就去了食甜品，諗起家人推介的呢間甜品舖，所以就黎一試
同朋友share左，香蕉船（有朱古力，曲奇，香芒雪糕）
麥提莎羅米慈
2009年8月16日 星期日
行買行...
今天一早去做gym，其間見到一個盲人也做gym，佩服他，雖然有障礙，但，仍然可以自己一個人去做運動！
之後，便去了行街！之前係萬x儲印花，用$70買了張宜x的$100 coupon，本來打算用黎買個柜，但，行完整間宜x，都沒有我們想要的哪類型的柜，所以，去了普通的傢俬舖買，都係傳統的舖頭先有我們想要傳統的柜，哈哈!
coupon就快到期，無理由唔用嘥左佢，便走圍望下，睇下宜x入面有些什麼啱用的東西去買！沒想過，要買$100的東西都唔易，要啱用，又要抵用，我們先會係呢到買，終於，行左個幾兩個鐘，用$110買了四樣野，行到好攰！使呢$100的coupon，都幾花精力!
回家，休息一陣，便開始煮飯，呢兩晚都有煮飯，但，天氣仍然好熱，每次煮完，都滿身大汗！
今晚煮左，冬瓜粒雞肉湯，菜心，鎗魚，同頼尿蝦，加埋唔使煮的义燒，四餸一湯，食得飽飽好滿足，最後加個dreyer ice-cream做飯後甜品，perfect ！
2009年8月15日 星期六
09下水禮
想去游水好耐，但每次都遇到阻滯，唔係突然打風落雨，就係自己晏左起身！今天，夏天過了，立秋也過了，才第一次下水水去！
一廂情願以為泳池早上的session係十二點關，去到，職員話，十一點半泳池會關，問我仲入唔入去，當時無睇錶，已經答左入去，比左錢入場，才看時間，原來已經十點半過了，唔夠一個小時可以游，因為一個人，又係今年第一次下水，所以，我覺得一個小時已經足夠了！
泳池大部份地方都比大廈遮住，所以，唔會曬到，所以，搽了的防曬用品都係多餘的！泳池不算多人，我諗，應該小過廿個吧，所以，都可以自游自在咁游水！
游下停下，游左四十分鐘，便走了，免得泳池關時，所有人去一齊走，要排隊沖涼！
下午約了朋友打羽毛球，原本以為有六個人，最後，只得四個人，打了兩個小時，攰爆！尤其係尾段，大家都無咩力，只係係度開波執波，哈哈！
熊Bear Bear
超市儲印花換熊bear bear，上星期已經儲左70個，打算換隻10吋的，但家人話不如儲多些，換隻大小小，於是，我們繼續儲！
今天，終於儲到100個，就換左呢隻12吋的熊bear bear，好cute呀佢！
2009年8月12日 星期三
2009年8月10日 星期一
魔鬼蛋糕
同事生日，我們慣常都會成個dept一齊出去食飯慶祝，因為搬左office之後，可以揀黎慶祝生日食飯的地方好少，好幾次出去食飯，就係同一間酒樓，有些厭了，所以，有人提議去另一間餐廳食，set lunch要四十幾至五十幾蚊一個，係呢區黎講，算係貴價野，但無辦法，附近再無像樣的地方可以慶祝生日，除非，搭車去第二度食，但，食晏時間只有一個小時，邊夠時間搭車去食呀
今次的蛋糕，選了美x的魔鬼蛋糕，望落去，有些似咖啡蛋糕，其實係朱古力蛋糕！
生日同事聽到係魔鬼蛋糕就有些唔鍾意，可能佢係基督徒，唔鍾意魔鬼呢兩個字，我地立即叫佢當普通的朱古力蛋糕，唔好理美x改的名咪得lor！
上面放了些朱古力脆脆，好好味！
訂閱：
意見 (Atom)