Sun Bath & BBQ

尋晚朋友係南丫島開party，佢地話有50人＋，但，我怕人多，所以沒有join佢地的party，今天，反而入去join佢地去beach！

因為想晒黑的關係，所以，我從三點幾晒到六點，但結果，好似一點也沒有黑到，朋友講笑咁講，我好似仲白左tim，哎呀，晒左兩個幾鐘，一D效果都無

晚上佢地bbq，我只吃了一點東西，坐了8:30pm班船，一個人先走了，雖然要一個人從沙灘行去碼頭，其實都有點恐怖，因為有些地方街燈不足，比較黑！但我又唔想太夜先返屋企！

北京樓

朋友話要去食翅，原本我地約左8月8日晚上去食的，但因為某些原因，延期到星期五才去吃！

我們一行五人，點了個五人套餐，加了一個餸！唔知係咪因為套餐的關係，上菜上得好快，我地好似要食得好急，否則，枱面根本放不下佢的上的菜！

九號風球的一天

尋日已經係公司流傳，今天會掛九號風球，所以都預備定今日唔使返工，要做的工作尋日盡快完成，今天就放假！

今早七點幾才掛八號，好彩佢預先講八點前會掛，所以，我睇一睇天氣報告，就繼續去睡啦！

十點幾同屋企人去飲茶，打風的日子，茶樓特別多人，要等好耐先至有位，早餐午餐一次過食！

飲完茶，又係打風的唯一節目，打麻雀，哈哈！

咁樣，又無無聊聊過左一天的假期了！

 

 

 

Lunch Buffet @ Grand Hyatt

今日同朋友去左Grand Hyatt食Lunch Buffet，三個人，佢地比左張幾乎可以坐六人的梳化比我地，好spacious呀！

食物款式雖然唔多，但食物水準一流，除左，D甜品唔係幾得之外！

呢個喺係IFC的Starbucks影出窗外的景色，藍天白雲，好靚呀！

久違了

今天去了旺角行街，很久沒有在MK shopping了，久違了的信和中心，Chic之堡，潮流特區，以前都會經常去逛，但近幾年，都好少去行，原因是人多車多，太擠拍，感覺好壓迫，唔係好想行！

行完之後，原來都好像沒有太大變化，都是賣那類型的東西，不過，最後我都係什麼也沒有買到！

堅持與放棄

呢兩個星期，困繞住我的問題就是，究竟係要堅持定放棄呢？

堅持？可以堅持幾耐，為左D咩而去堅持？值唔值得去堅持？

放棄？真的放得低？會唔會唔捨得？