平安返香港了

兩日一夜的珠海海泉灣之旅，終於在好hea的情況下，輕輕鬆鬆地渡過左。總括而言，唔係食就瞓，好舒服咁就過左兩日，我的相機不是影左好多相，但“痴”左人地部機好多，遲D等同事燒左CD比我之後，整理完就跟大家分享，一個沒有“強迫”去購物的大陸團，我們公司同事點樣hea過這兩天的假期。

下回再續，現在要去瞓覺先。

執拾行李

明天參加公司的旅行去珠海海泉灣，所以，今晚就執拾行李，只是短短的兩日一夜行程，所以只需帶個背囊就足夠。

成團有２９人，第一次與公司的人去旟行，唔知會唔會玩得開心呢。

傻佬

尋晚做完gym後行去坐巴士回家，途經半島酒店附近，有個傻佬走過黎同我講：「可唔可以做個朋友？」，我沒有回答，即刻彈開及“啤”左佢一眼，佢就行開左，而我就繼續行去巴士站。真的唔知發生咩事，潛意識地彈開，哈哈！

話時話．．．如果佢個樣唔係咁衰，可能反應會唔一樣．．．　嘻嘻！

做gym時上左個course，有兩個教練一齊教，一男一女，個男的都幾型仔架！

 

 

未能回應我的Blog

昨晚有人問我為何不能回應我的blog，問我係唔係唔可回應的。但我係選左「公開網誌」及「可回應」，而她亦已經login左，但都係reply唔到。今晚終於在yahoo中找到答案，大家如要回應，但回應唔到，我想主要原因是以下：－

你尚未啟動Blog：如果你尚未啟動Blog，將無法在其他用戶的Blog留言及回應他們的Blog。立即啟動Blog。

所以，想回應就要create個blog，唔係就用email reply我都得架...

 

Data entry

公司今個月用新的system，但唔知邊個決定要parellel run，搞到每份文件要在新舊system都各入一次，本來我都不太用入voucher，但因為怕今個月埋唔到數，所以全部總動員入voucher。

真係要到做到時才發現有咩問題，所以便要一路做一路問．．．希望埋數時唔會有大問題。

巴士

今天放工坐巴士回家，本想在巴士上瞌下，但巴士電視的聲浪大聲到震天，吵到死，真的好想熄左佢，但又唔得！好憫！

體力勞動的一天！

今天真的是體力勞動的一天！吃完早餐之後便開始執屋，整理下屋企的東西，做下清潔，勞勞碌碌地過了一天，晏晝只係食左塊麵包，晚上六點幾已經好肚餓。與家人去左九龍城的竹園吃海鮮，我們五個人叫了個六人套餐，居然吃得晒所有野，我們今天真的消耗了好多的energy。

這裡較之前去鯉魚門吃得抵好多，不用一千蚊，但可以吃到八種海鮮，上次係鯉魚門，多過一千蚊，但只吃了四款。鯉魚門應該係啱遊客去，唔啱D local人去，因為會覺得好唔抵。

My Blog 搬家了!

之前用開windows live space的，但因為msn是我工作的其中一個溝通工具，所以在那裡不能提及一些公司的事情，而且在我msn中的清單中，大部份都是同事，所以我要另外個多個blog，可以寫下公司的野．．．　哈哈哈！