今年的第二個annual dinner，是參與自己HK公司的，講明今次抽中奬，我一要會要架，希望，幫補下尋日買的mon。哈哈。
頭一round 有廿七份奬品，其中一份居然係mon，當老闆說出中奬同事的時候，我以為是自己，太快反應講左我尋日先買左嗰mon，唔要得唔得？好彩，老闆讀出個姓的時候，原來是我同dept 同名的另一個同事，GOOD!留返個chance抽下份禮物。
老闆繼續再抽，當他說... 中奬係尋日啱啱買mon的同事，我就立即飛奔出去領奬
第一round抽完，第二round就是由HOD出錢的奬金，今次無份中，寄望第三round！
第三round，只有一份大奬金，凳凳凳凳！老闆抽出了倉的一位同事，我們的抽獎環節完畢。
我坐個枱好有luck，每一個同事都抽中奬，有大有細，每人都有，好開心呀！
月初的時候，電腦要5-10分鐘才可以開得到，打電話去hotline問，佢教了Ｎ個方法都唔得，所以，上星期五師傅黎check機，得出一個結論，不是電腦壞了，是mon壞了，我不信，因為之前帶了公司notebook返黎試都無事。所以，佢話再約時間帶個mon黎試，真係即開即著。
搞左三個星期，個mon宣佈死亡，現在一個小時也開不著。因為過了保養，如果要師傅黎，要$580，到時要維修或換零件，要另外報價，隨時要多過一千元，好貴，所以決定買過新的。而且我寧願，它死得痛快些，唔好令我以為部電腦有事，左搞右搞，搞左三個星期，得個吉。
沒有mon，電腦等如廢物，所以，我就立刻去睇下有咩mon好。去到電器鋪，才發現，mon的款式好少，到最後，sales推介我買一部LED電視，既可看電視，又可作為電腦mon，一機兩用。
我發現，原來我已經是不能沒有電腦的，已經對電腦上癮了。
今天有兩個第一次，第一次參與別人的exit interview，和第一次參與深圳的annual dinner。
未去之前，以為exit interview的氣氛會好差。我只sit-in，其間沒有參與任何對話，原來同事一早已有心理準備而且還有此願望，所以，當知道的時候，佢好開心咁接受了，我心中也舒一口氣，不用面對太僵的局面。
晚上是annual dinner，本來不想參與，因為怕太悶，又怕比人＂隊＂酒，所以，拒絕了dept head的邀請，但後因有另兩位同事會去，所以，我才一齊＂柴娃娃＂咁參與。
好多人我都唔識，只是打打招呼，講兩句。
他們說，今年也是第一次有表演，氣氛較香港的annual dinner熱鬧，不同的dept互相＂隊＂酒。當然，他們不認識我們，所以，也不會迫我們飲酒，只是碰碰杯，他們飲酒，我們飲水當＂白酒＂，哈哈。
還有好唔慣的是，除了飲酒，他們還有吸煙，污煙瘴氣，好辛苦，我沒有飲酒，但已經被＂薰＂到頭痛。
飯食完，奬抽完，有些同事已經貓左，有些＂湯＂埋，好摶命咁飲。
第一次深圳annual dinner，也抽中了奬（真的不好意思拿了別人的奬品），我選了放棄領奬，不過dept head堅持要我領奬，所以，將全數＂奉獻＂給自己部門作下午茶基金。
朋友前兩日生日，我們就今天和她食飯慶祝生日。
餐廳有promo，買一打送半打，初初以為我們叫什麼送什麼，但原來送的半打，是指定的愛爾蘭蠔。
我們叫的一打，就有美國蠔和法國蠔。名稱，我已經唔記得了。
呢隻係最大隻的。
送的沙律
海鮮湯，兩客四個人分
蒜蓉包
燒魚，起左骨之後，好似好細件，但好食。
天使麵，不算好食。
甜品時間，我們order了四款，再share黎食。
tiramisu
薑味梳乎里
心太軟
唔記得乜名的朱古力xxx。
送比朋友的唉風殼，我逛街時見到好多不同款，好靚呀。
今年是第二次參加這個新年行山活動，昨天小雲給我了這個homemade的朱古力蛋糕，它就是我今早早餐了，多謝小雲的禮物。
有些綿花糖係面。
7:30am在大埔上了shuttle bus之後，約8am來到烏蛟騰，我們參加的體驗組，9:30am才出發，而挑戰組，則8:30am出發，我們在看挑戰組出發之發，才做熱身。
9:30am，我們也從這個起點(CP1)出發。
我的目標係好簡單，只要完成這23km的全程就可以了，朋友的目標則是六小時內完成。
我曾經有一刻想放棄的念頭，在鹿頸，我們經過小巴站之後，上山了數分鐘的路程，一閃過的念頭，不如叫兩位朋友繼續行程，我就走回頭路，去返鹿頸小巴站坐小巴走人，哈哈。
最終，我都有繼續行畢全程，用了差不多六小時的時間。
我們這組的第一名，只用了兩個多少時就完成了。
