中秋節快樂

祝大家中秋節快樂，人月兩團圓

今年中秋節，因為同事有75折的關係，我就買了這嘉麟樓的奶王月餅來試試。

一盒有八個小小的月餅

食落，無普通的蓮蓉月餅那麼＂漏＂，好味道。

生日之果撻

上星期日係屋企開完小party，今日就食蛋糕，家人選了這個fruit tart(Royal Garden)，嘩！好靚呀，好多生果，好味呀。

減肚腩

成日都想減下個大肚腩，試過做sit-up，好似都唔係好work，無乜恆心之餘又辛苦。無意中上網見到呢個方法，只需要5分鐘就得，所以，就試佢一試。

「首先去拿一條綁頭髮的橡筋，然後找個舒服的地方面朝天躺平，用橡筋把左右兩邊的腳趾公綁在一起，在腰下墊一個咕o臣或坐墊，最後雙手往頭頂方向伸直放平，令整個人呈一字型，就是如此而已，這樣輕輕鬆鬆躺個5分鐘後，再去量度小腹圍，一般減個3至6cm也沒有難度。每天持續做的話，小腹可望一天一天地消失。」

http://hk.lifestyle.yahoo.com/beauty/health/article.html?id=art_4c888680

唔知，係咪真係work架呢？

夢：墮海，拯救

昨晚發了個夢，夢中人物很清晰，是平常一齊工作的人，不過，個夢所發生的東西都是不好的，雖然不是發生在我身上，但希望，那不是不詳之兆。

時尚生活

今早友人告知在Yahoo的時尚生活，見到個headline： 「旅遊：放縱西班牙之旅」，我又八掛click入去看看，是篇關於Parc Guell及聖家堂的文章。

生日之home party

今晚在家開個小party，生日蛋糕留返我正日生日時食，所以，今晚只係煮一些，買一些。

好簡單，蒸飽魚，今次這些比上次較大，但檔主話只要蒸5分鐘就ok，所以，我們就跟足指示，okay喎，唔un，好鮮味。

再encore蟶子，今次加了點黑胡椒，都好味喎。

還有煮了瑞士雞翼，因為瑞士汁唔夠，反而煮出來沒有那麼咸喎，比之前好食D。

今次係city super買了這個意粉醬，第一次試，唔知好唔好味。

再加上磨菇和吞拿魚，煮了好大碟白汁意粉，未食前怕家人接受唔到嗰陣芝士味，食落，佢地都話好食呀。

在taste買一些現成的食物，有羊架，家人話，食緊豬肉咁，no good。

咸豬手，ok。

螺肉，覺得個汁怪怪的，唔通食慣左Juxxx的味？

魚生，覺得Juxxx的魚生新鮮d。呢到就一般。

只得三文魚係好味的。

casear salad，加了一些cheese，good！

還有個雜果沙律，今次加了Rasberry。

當然，咁多東西食唔晒，留返明天再吃。

 

Lunch buffet @ Grand Stanford

今日約左朋友去Grand Stanford食lunch buffet，朋友遲到，而我，沒有吃早餐，有點肚餓，所以，便先吃，邊吃邊等。

即開生蠔，三款都是澳洲蠔，其實，我分唔出又乜分別，哈哈。

雖然細隻，但都肥美。

這個是枱號，唔想等，可以放低給食物吧枱，有侍應會拎食物給你。

吃完生蠔，才醒起，整朝沒有吃東西，是不是先吃點熟食會好一點？所以吃了串燒，牛扒，及天婦羅，初初以為是甜番薯，原來是黃椒。

朋友終於來到，我再encore一次生蠔。

有四款魚生，三文魚，鱈魚，八爪魚，及蟹柳。

螺及蝦。

食完主菜，就是甜品時間，選了七種甜品share來吃，除了cheese cake和梳乎里之外，其他都麻麻。

仲有haagen dazs 雪糕，有六款味，我選了beligum cholocate, strawberry和夏威夷果仁。

加杯coffee，超飽。

晚上，都仲好飽，只吃了一隻蟹和小小東西，就算了。

 

生日之homemade cheese cake

晚上約了小雲和小吉，拎返手指，順便食晚飯。小雲話要食墨汁麵，所以黎左呢間銀杏館。

點知黎到之後，佢才發現轉了Menu，佢想食的野，通通都無晒。

Waiter話轉晒有機食品，要食得健康些喎。

隔離枱叫了caeser salad，佢係到即場示範整。

我地就叫左安格斯牛柳白菌沙律。

酥皮田螺卷

小龍蝦三色麵

個蝦殼好硬呀

最開心，莫過於小雲homemade的hello kitty new york cheese cake，濃濃的cheese，加上有咖啡味的餅底，還有kitty係餅面，真係very骨呀。

多謝小雲和小吉^^

 

白飯魚蒸蛋

又係我sunday maid出動了，今天做了半天清潔工，所以今晚煮點簡單的東西。話簡單，其實要煮得好，又真係有d難度lor。

白飯魚，先出出水

四隻雞蛋 + 250ml的清雞湯

用來炒西芹的急凍帶子，拎左幾粒去蒸蛋

所有材料攪在一起

中火蒸7分鐘（但我蒸了8分鐘），少少失敗之作。雖然都夠滑，但有水扑，有點豆皮。

高小姐煮了兩次都ok，我第一次，唔係好得。

可能係，

1，白飯魚出水出得唔夠

2，我攪雞蛋太勁，出晒水泡

3，我蒸多了一分鐘

唔知係咩原因，總之係失敗左少少啦。

生日之食與買

下午約了朋友M去血拼，很久沒行街買野了，趁機去逛逛。

行了Harbour City，什麼也沒有買到，朋友問我有沒有興趣食Haagen-Dazs雪糕，好喎，昨天食得唔開心，今天要開開心心咁食。

我們選了這愛情號，可以選擇三個味，我選了我鍾意的比利時朱古力，朋友選了抹茶，最後一款，選了summer berries（因尋日食了士多啤梨）。

一邊食，一邊同朋友吐吐心中不快，讓她看看我們的合照，她一眼就估中講閒言閒語的人，唔通，真係有樣睇？

食飽之後，就繼續shopping，沿住加連威老道行，去了一個新商場，睇中一條連身裙，初初見到好長，後來個sales話，它只有去到膝頭左右的長度，著我去試試。試完，真係無我就咁度咁長喎。

買完野，就係食飯時間了。

去了Open Oyster付食晚飯，上次因為book唔到indoor無去試，今次就去試試。

室內只放了三張枱，約十個人左右，如果唔一早book，就需要坐outdoor，雖然今天沒有那麼熱，但，都係indoor有冷氣好。

原來有3個朋友的，但其中一個朋友J，她忘記了，所以，只有朋友S，朋友M和我自己三個人食晚飯。

一坐低，就收到禮物了，多謝。

我和朋友M對食蠔無乜認識，只會在buffet裏食過，所以，去到就由朋友S去發板。

望望今日有咩蠔先？(有tick的就有)

首先order了一枝白酒，因為wine lover（每人最少兩杯）每隻蠔會減收$8。

第一round的生蠔，有Coffin Bay + Irish Preimum

第二round，有Ancelin + Taylor Pacific

第三round，有Pousse En Claire + Tsarskaya

其實我唔係好分得出這六款蠔有些什麼大分別，除了Taylor Pacific比較creamy一些，分別較大，其他，都係比較crispy，我分唔到那款跟那款，哈哈。

不過，總括而言，後好新鮮，好味道，跟buffet時食的，真係有分別。

食完蠔，就是主菜了。朋友M唔食牛，所以叫了兩件羊架，我和朋友S就share了一件rib eye。再加一個pasta三個人share來食。

朋友話羊架好味，不過我唔食羊，所以無試。

比較細碟的pasta，每人一小撮就無晒。

叫了Medium的rib eye

結果是medium well，甚至是well done，咬好耐先可以咬得爛。

朋友S向店員投訴，因為，無可能比件well done的rib eye我地，嘥晒舊牛，味道係ok，但太un了，呢件點睇都唔係medium lor。

蠔，始終都係呢到的主打，所以，我地encore了一次，同第一round一樣的兩款蠔。

食飽正餐，就係甜品時間，埋單走人。雖然我地飲唔夠每人兩杯，但因為佢的牛整得實在太差，為了補償，佢都係收我地wine lover的價，算佢有d良心啦。

附近得一間叫心飴的甜品店，話係王祖藍有份喎。途經一間shop，不過店員行開左，我地好有興趣入去睇，但，無人，唯有食完甜品再去過。

心太軟就食得多，呢間有個名叫心太硬，我地就試下。其實都係好普通，只係咖啡雪糕入面有粒金莎，在加一杯72度的朱古力。

芒果綿綿冰，好有芒果味。

食飽，去買鞋，試到人地間鋪滿地都係鞋。

大家都有收穫。

今日，買左東西給自己，又收到禮物，又食了好味的haagen-dazs和oyster。

多謝好友陪我過了開心的一晚。