和這個朋友講左好耐，要去半月灣游水，終於今天出發了。這是我第二次去，上次是一個好凍的下水禮，今天，就陽光非常猛烈，熱爆半月灣。
我們約了9時半在西貢碼頭等，最後到10時才齊人，一行八人，經講價後，便租船出發。今次與上次不同，船較細，所以，我們好似包船咁，八人便出發，唔使再等其他搭客。
見到碼頭很多人，但半月灣又唔係太多人，換衫後立即衝入水，真係HOT HOT HOT。
游了一陣，便嘗試找尋水中生物，朋友說：「有魚呀！」，我立刻望，「噫，無呀，邊到呀？」，「嗰到呀！」，「無喎！」。
唔通，我又好似上次咁，人地見到我見唔到？唔得，要努力d先得，於是乎，我再睇睇睇，終於，比我見到一群一群的魚仔，在我的身下游過。
之後，我就跟朋友的細佬學自由式，其實我之前跟教練學過，但已經唔記得點游，朋友細佬便教我，好似游到少少，哈哈。
最係，我們一行六人游出浮台，當然，用返我識的蛙式游出去，自由式，下次留返係泳池再練習練習。
今天上到浮台，唔好似上次咁凍到震，可以坐下休息下，在浮台底，都可以看到魚。
他們在玩跳水，而我，因為怕跳水，只有在看。哈哈。
他們玩得好顛，說要5個人一齊跳，set ready go，嘭嘭嘭嘭，噫，點解得四聲？因為...我...在浮台上遲疑中，好驚喎！
冷不防，一個16歲的法國仔，就咁樣，推左我落水，oh my god，"達"落水好痛呀！法國的小朋友，我第一次見你咋喎，連計都無傾過一句，你就推我落水，同你唔係好熟咋喎。（當然，我無能力告訴佢呢一番說話，唔好講佢唔識英文，就算佢識英文，我都唔識用英文同佢講）哈哈，講笑啫，雖然無端端比人推落水，但都無損我地繼續跳水的興緻，今次，要手拖手，5個人一齊跳，（佢地費試我又tricky，哈哈）
其實，我對跳水無咩興趣，因為我唔識跳，"達"落水好又痛。佢地繼續跳跳跳。
約了船家1pm，時間差唔多，游回沙灘，沖身便走了。
在西貢吃lunch，之後才回家。
