Steak House @ Intercontinential

和朋友一起去了這間餐廳食Semi-Buffet。我們坐在salad bar枱附近。



枱面上的麵包，其中一款脆卜卜，好好味。


先黎Salad！有好多不同的醬，我選了兩款不同味的醋。有乜分別？食唔出，哈哈。



食完第一碟，就趁cake枱上的cake未比人摧毀前，影返佢地的原貌。

拿破崙蛋糕













Pop Corn Cheese Cake

影完相，繼續食。



龍蝦湯




Main course有幾款，我選了Rib Eye，五成熟。


朋友的King Prawn


叫了杯Cappicuino

然後就係dessert time！！！
 

Gardens by the Bay @ Singapore

今年第二次去新加坡，還是因為工作的關係。因為想星期一一早就回到公司，所以，我就坐了星期日的下午機，飛去新加坡。

坐係走廊第一排，對脚唔使頂住，爽！！！

回到酒店已經九點，唔知食咩好，去左行超市，買左兩支大的飲品和壽司作為晚餐。

第二朝就係酒店食早餐，通常都係兩碟收工。

上司星期六已經和老公同仔仔到左新加坡玩，星期三才回office，所以，星期一同佢地一齊食飯，飯後去左睇魚尾獅。但我影得唔好，所以唔post嘞。對面係Singapore Flyer。

回酒店前，已經買了手信。

忙了一個星期的工作。又到weekend。

星期六，同上司去左食肉骨茶，雖然去了新加坡幾次，都未試過新加坡的肉骨茶，之前試過馬來西亞的，但太重藥材味，我唔鍾意。所以要試下新加坡的。呢隻係重胡椒味，我鍾意，好似飲緊胡椒豬肚湯咁。

叫了咸菜，油炸鬼和豆乾。呢到的油炸鬼係稔的，都係鍾意香港脆卜卜嗰種油炸鬼。

食飽，我就去左新加坡今年先開的Gardens by the Bay，上司話佢無興趣睇花，所以，我提議各自活動，唔使就我又唔使就佢。哈哈哈哈。

中間有條skyway，收費S$5，不過我知我唔夠時間，所以今次選擇唔行。

兩個圓拱形的，一個係Flower Dome，另一個係Cloud Forest。

這個Gardens by the Bay係Marina Bay Sands對面。

如果入一個館，就S$16，兩個館就S$28。我問飛賣的人，入面有幾大，要行幾耐，佢答，大約一小時四十五分鐘，如果要影相，就耐d。

所以，我決定只入去Flower Dome。

玻璃上蓋，好彩今天不是好晒同好熱。

我無乜留心乜花打乜花，只係咁影影影。

今次沒有帶相機去新加坡，所以問了上司借左佢的DC，不過唔習慣別人的相機，所以多用自己的手機影相。

呢輯相全是手機影的，尚算OK。

好大朵花，同我隻手咁大呀。

白色的花，都係比較難影得好。

影嗰陣都無留意，睇返相才發現，花中間有隻昆蟲。

呢個係乜呢？

好似毛蟲呀！

影完相，就去左China Town幫朋友買東西，才回去join上司同佢的朋友食飯。佢朋友一行十人到左新加坡旅行。

我去到，佢地已經開餐，我只係象徵式咁試下呢間的肉骨茶。不過，今日lunch嗰間好味d，胡椒味重d。因為佢地打算有second round，所以呢到食肉骨茶佢地唔係叫左好多野。

跟住就去左East Coast Lagoon Village再食，十二人分三架的士。

我同上司分開兩架車，教了另一架車的人點去。

我係坐最後一部的士的，到達後，反而第二部的士的人未到，唔通，佢地去錯地方？無理由遲過我地第三部的士。

等呀等，終於，等到第二部的士的人，原來，真係去錯地方，因為兩個地方好近，但嗰邊好難截的士，所以，佢地行過黎，所以要咁耐。

人齊，去買野食，呢到好似香港d大排檔咁，露天的。

我地叫左好多野，又魔鬼魚，思x（好似蜆嗰d，唔識個字點寫），炒蘿白糕，燒雞翼，串燒等等。大家都食到捧住個肚返酒店。

星期日，佢地又食肉骨茶，我唔想食第三次，所以，唔join 佢地，自己去左Bugis行街，買了小小東西。新加坡的東西好貴，所以，沒有買野意欲。

臨走買了件cake回酒店開工。

坐MRT，居然落車撞到上司也回來。



佢買左豆腐花，預埋我，可惜，我食左一啖，係杏仁味，立刻唔想繼續食，因為，我唔鍾意杏仁陣味。佢食埋去，唔好嘥。

晚上同老闆去左食日本野。坐係bar 枱，師父整好立刻放在我們枱上的碟上，yummy yummy。

當然，同老闆食飯係有代價，閒談離不開工作。

星期一晚的晚餐，係椰漿飯。老闆話佢自己好鍾意食，但，我又覺得無乜特別，可能，我始於唔係一個愛飯之人，哈哈哈哈。

不過，D餸又真係好好食。

星期二晚飯後，沒時間買斑蘭蛋糕，算吧，明天機場才買。

星期三最後一天，因為要趕晒呢個trip的工作，所以，好晏才去食lunch，同兩個老闆和上司出去食，食飽，就送我們先回公司，佢地話出去買野。

 

四點半要去機場，上司六點幾機，我就八點幾機，我同上司一齊去機場，想試下可唔可以後補坐佢六點幾嗰班機。

因為早上已經check out，行李在老闆架車到，到停車場，見到老闆架車的後座，嘩，一大堆東西，原來佢地兩個出左去幫我地買手信，oh my god，我們兩個人每人買個斑蘭蛋糕。

點拎返香港呀？

還有每人兩支咖央，去到機場，再pack行李。我上司行李超重，因為六點機無位，我要坐返自己的八點機，所以，唔可以兩件行李一齊計，唯有，佢將D重野放係我行李箱，回公司才給她。

行左一陣，想買東西，無我size，買唔到，所以，搵地方坐地飲杯coffee，開電腦清清email，等到夠鐘就上機。