第三次覆診係手術後一個月，去到就驗眼，check check度數，右眼，我覺得自己都OK，左眼，第二行已經睇唔到，姑娘叫用細孔睇，一開始都睇唔到，佢叫我集中精神再睇，勉強睇到，第三行，就估估下，都估唔晒5個，咁就去見醫生。
醫生：睇野辛唔辛苦？
我：唔算辛苦，比起初初已經好好多。
醫生：你左眼還有些散光，不過未穏定，遲d會好d!
我：點解我仲有散光？
醫生：本身你左眼係有散光！
我：我知，但我做完唔係應該會無左架咩？我只係留近視咋！
醫生：因為唔穏定啫，遲d會好d架嘞。
我：我兩隻眼的紅點，上星期先無左。點解我d紅點咁耐先退的？
醫生：因為我們沒有落收血管藥，所以，要等你對眼自己收返血管就會唔紅。不過，快或慢退紅色都無所謂，因為嗰度唔係傷口。你傷口表面已經埋得好靚，無乜問題。
我：咁我是否可以如常洗頭和搽lotion?
醫生：可以架嘞，只要唔好直接潑水入眼，就無問題。兩個月後再覆診。
約埋覆診日期就走得。
＊＊＊＊＊＊＊＊＊＊＊＊＊＊＊＊＊＊
我覺得，應該早幾年去做手術，早做早享受，哈哈哈哈！！！
2011年11月27日 星期日
挑戰蚺蛇尖
姐姐友人想行蚺蛇尖，因為有些沙石路，似東北的一段，所以叫我也去試行一次。
星期四，姐姐話作感冒，可能去唔到，我立即說，你唔去我唔去，有逃過一劫的feel，哈哈哈哈
當然，事與願違，星期六如期去行。
早上在西貢集合，吃早餐，食了全日最多的一餐，沙爹牛肉火腿通粉+熱檸茶。
食飽飽，坐94巴士去北譚凹落車，去去方便做下熱身，出發。
行了一個鐘，終於到蚺蛇尖山腳。這段路以前行過，不過是反方向，從不知哪裏行過來北譚凹。
上蚺蛇尖的途中，望到大浪四灣其中一灣（我已經搞唔清邊一個）。
呢個就係蚺蛇尖，第一個目的地。
沿著呢條泥路行上去。
長咀
沙石路，行嗰陣，除了行山杖之外，我雙手也需要並用，好像四腳爬爬。
一個半鐘，十二點終於到達山頂。吃了一件garden roll，就等另一行山友人到達，因為，他已經跑左好多路，約了在這裏等。
天氣朦朦一片
這個男人行的地方，好像是盡頭，其實，是下山的路。我望了一望，Oh my god, 條路好似直落咁，點樣行落山？
一層層的山脈，好似仙景咁，好靚呀！
大浪四灣
初段落山，一路向下直落的路，真係唔知點行，好鬼驚，除了雙腳，還用了雙手幫忙。有行山友人見我行到咁，就教我點樣用支行山杖，好像有點知道點樣用之行山杖幫到自己。
終於，離開了蚺蛇尖。以為行完最難一段，點知，高處未算高。之後的一段落山，是沙石路，我已經腳軟，再加上好碎的沙石，我一籌莫展，點算好？一步一驚心，手腳並用，都係行到蟻攔咁，死嘞死嘞，點算點算。
姐姐已經讓她友人咩埋我的背包，但，我都係好驚之餘，腳軟軟。最後，她友人拖著我行嗰段好碎的沙石路，跣了好幾次之下，終於行完。真係麻煩晒他，否則，我要留在山上被救？
休息一陣，繼續還是沙石路，但沒有咁碎，唯有靠姐姐拖住我行，我已經無乜力了自己一個人行。
見到沙灘了。行沙灘本來好浪漫，但，今次，我真係覺得呢個沙灘太長了，行極都行唔完。
去到沙灘盡頭，前無去路，就要爬石過。
去到鹹田灣，已經四點了。Order了紅豆冰。食野之前已經飲左大半了。
七個人叫了三碟，一碟炒飯，一碟炒米粉和一碟炒麵。我只吃了一啖飯，已經胃痛，可能係體力透支，沒有什麼胃口，但因為還有一個多小時的路程，所以，我都係食D，補充一下體力。
繼續回程，行赤徑，望到好多人拎住wakeboard入黎，好像是有比賽。
原本這條路我以前我行過，應該無乜難度，但，因為太攰的關係，上斜時還可以，但一落斜，我就抽筯，左腳腳板抽筯，山行友人教我拉筯，但都無效，仍然抽，最後除鞋再拉。等好一點再繼續行。
落山時，左腳抽抽地，右腳腳指公痛。這段路今早用了一個小時，但現在好像行了兩個小都未行完咁。我都想快d行遠，所以，都盡最後力量，行快d，覺得自己好似貓王，腳震震咁行去到碼頭，用了八個小時，完成左這個18K的路程。
坐這隻船仔去黃石碼頭，坐94巴士回西頁，解散。
多謝幫我咩背包和拖我行的B，幫我拉筯的L，和拖我行的姐姐，還有，等埋我的其他三位同行者KK，YM，LL。 回到家已經七點幾，沒胃口，只吃了一點，就去睡。十點幾，吃了一隻香蕉，再睡。 明天，雙腿應該不屬於我了。
2011年11月25日 星期五
dinner buffet @ grand standford hotel
由年頭話請人食的呢餐飯，到年中再約，都係得個吉。有拖無欠，終於係星期四請左人食，唔使成日心掛掛，好像欠人野咁，唔使帶過年。
比左幾間我去過的buffet友人揀，佢揀左呢間。
先黎，生蠔，yeah!可能今次星期四，無咁多人，唔使排隊拎。
長腳蟹和翡翠螺，不過d螺比較細仔。
魚生，北寄貝，吞拿魚，三文魚和八爪魚
蒸魚，不過有點咸
蒸帶子，都係有點咸，不過小小辣，都幾好味
encore生蠔
encore魚生
西米布甸，好食
沙律，食左一大半，掛住傾計，比人收走左都唔知
個pasta都係，我地唔想無晒野食係枱面，但又想傾下計，但d侍應見我地停左手，問都無問就收走，到我地發現嗰陣，佢地已經係隔離枱，唔好意思叫佢地比返碟野食我地。
十點收野，最後衝刺，再黎海鮮
友人顛左咁拎晒d甜品返黎
我只係拎左兩個雪糕球
成枱面都係甜品，好壯觀，但，我同友人講，你拎咁多，點食呀？
最後我每樣幫佢食左一半，反而佢，只係食左少少，嘥野！
最好食，就係個pancake，其他，真係無乜邊件好食
飲埋杯野，very full，完美結束
訂閱：
意見 (Atom)