今天係四月份的最後一天，我又係放假，早上她去了做物理治療，而爸爸又吃了早餐，所以一個人去吃早餐，之後，就叫爸爸陪我去超市，行左一陣，就買左成二百幾蚊野，都唔係買左好多野．．．
回家休息一陣，她就回來了，我們便一起去吃lunch，食完野，便係公園散下步，才回家，她瞓覺，我就上網打機，無無聊聊咁又到六點幾，她主動叫我陪她去散步，真的少有！
樓下好大風，所以，行了一個小圈，就回家了，食過晚飯，睇下電視，又一day...
2009年4月28日 星期二
四月的第五天
今天沒有安排自己去做些什麼，所以，起來就去吃早餐，在家附近散下步才回家，在家等收微波爐，因為，上星期微波爐又壞了，所以，買了一個新的，今天等收貨。
本來打算收完貨後去食lunch，再去針灸，但等到差唔多兩點先到，所以，我便order外賣，在家等收貨時等埋外賣。收完貨食完lunch，便出發去針灸。
去到之後，都幾多人，要等差唔多半個鐘先到我們，針完，就坐巴士回家！！！
晚上試下個新微波爐，因為有燒烤功能，所以，我們就試燒雞翼，先試五分鐘，好似都係唔熟，所以翻轉之後，再黎五分鐘，但，都係好唔熟，所以，就加了用微波的功能，混合微波燒烤功能，再黎六分鐘，終於熟啦！
第二批就直接用混合功能，先黎六分鐘，翻轉後再黎三分鐘，manual教用鍚紙包佢五至十分鐘！
兩次出黎，第一批比較乾身，用鍚紙包過嗰批就無咁乾，整個十幾隻雞翼，搞左成個鐘，下次，都係用明火煎算啦...
2009年4月27日 星期一
唔好掂電器？
尋日買左新手機，店員話要差十二個鐘頭電先好開始用佢，所以，回家我就放入去差電，差到今早，才拎出街！
今早出門口前，我從家人的舊機拎返自己張SIM卡出黎，插入新機，放返另一張SIM卡入部舊機到，咁我就帶住兩部手機出門口，諗住搭車時用Bluetooth將phonebook的資料由舊機轉去新機。
點知，我禁極部舊機，部機都無反應，好似hang機咁，我試過禁開關機制，諗住熄機，但都係無反應，唯有拎左舊電出黎，再安返入去，再開過機。
如是者，試左好多次，都係hang左係開機畫面，入唔到去，家人話部機基本功能okay的，只要唔好玩game等等的application就無事．．．但．．．部機係我手上一個星期．．．我又無玩其他野，只係用打出打入的function，做咩今朝連機都開唔到，搞咩呀？？？
同朋友講起，佢叫我：「你唔好再掂D電器嘞！」，好似講到我掂咩壞咩咁
都係拎返屋企比家人搞返掂佢，話hard boot可能救得返！
2009年4月26日 星期日
又有新玩具
舊手機賣左，本來打算慢慢再揀新手機，因為沒有一部真的係非常非常鍾意的，諗住用住家人部舊機先，點知，今天家人突然話佢朋友有六至八折出機，唔同機款有唔同discount，今日係last day，問我有無興趣！
因為佢個promotion list入面D機，有D我完全唔知咩款，咪係屋企附近睇下，但又唔齊，便回家上網再睇。
但．．．實物跟相片，有時真的可以差好遠，所以，到最後都係要搭車出去睇！
我知我心大心細，三心兩意架啦，又想要好的function，但貴，想平的，又無咁好function，諗黎諗去，每間舖頭都望下摸下人地D機，走黎走去，最後，諗住出部最平的，但．．．sales話無我想要的色，要出去太子先有，吓？又要搭車，唔好lu．．．
咁就出部第二平架啦，好彩，有我想要的色，呢部機之前行左咁多次都無睇過的，居然，最後係買左佢囉，真係估我唔到
2009年4月23日 星期四
賣?買?
今天放假，專登走去銅鑼灣買眼鏡，上次去的時候，視光師放假，所以無買到，今次，就再去多一次。
去開，便順便搵個舊同事食lunch聚舊，吹下水，八下
沿途見到收手機的檔仔，逐檔問，一開價都係八舊水，講埋價都係多五十，所以都係無賣到！
去買眼鏡，原來戴緊呢副都戴左三四年，度數有D唔準，所以，係時候買過副新了！揀黎揀去，都唔知買邊款好，呢副又好，嗰副又好，最後，搞左成個幾鐘，終於揀定買邊副
買完眼鏡就去睇手機，因為街邊檔的收購價仲差過舖頭的trade-in價，所以，咪要搵部新機黎買，之前諗住出samsung或sony ericcson的，但，今日，又比我發現了一部nokia的機款，樣貌跟價錢都係我acceptable的，所以，唉，又頭痕，咁．．．即係買邊部好．．．究竟要部靚仔D的SE，定係要部價錢硬淨D的N記好呢？
點幾我成日都三心兩意，又想呢部又想嗰部
2009年4月19日 星期日
手機又開始short short地
前幾日發現，我部手機又開始short short地，打唔出電話，並唔係因為無網絡接收唔到，個warning是「不允許通話」，試打了唔同的號碼都係出這個warning，最後要熄機開機，才可以打出！！！
其實部機一月時已經拎去整過，但都未用夠三個月，毛病又出黎了，所以，都係時候換手機lu！我諗住趁部手機仲有resell value的時候，先賣左佢，費是遲D死機後，連賣都賣唔出！
心水手機有幾部，價錢及功能都好大差別，但唔知買邊部好！！？
Samsung Omnia i908 Samsung Pixon M8800H
Samsung TOUCHWiZ F488 Sony Ericsson W595
Sony Ericsson C510 Nokia 5800 XpressMusic
2009年4月16日 星期四
四月的第三天無薪假
今天她去了醫院做物理治療，而我，就吃過早餐後，就去做gym，我行去地鐵站，大約十五分鐘就到，因為我由餐廳出發，距離地鐵站近些，又著了波鞋，所以，會行得快D，哈哈!!!
做完運動後，就回家，與他們一齊吃lunch，本來想和她行返屋企，但最後她都是不想行，所以，唯有推她回家！
之後就去針灸，沒有帶車，所以，可以叫她行一陣，行去坐的士的地方，短短的一段路！
在她針的時候，我就行去QE交sample，姑娘再比多一個樽我，話一係要交晒5個，一係交3個，我有四個，佢就叫我交3個，比多個新樽我，要我下次一次過帶返兩樽去，哎，估唔到交sample都要咁restrict！！！
之後，就去了搵一個姑娘，叫我帶張覆診紙去預約時間，佢比左張綠色的卡我，又叫我去職業治療部約時間，我去到，約了時間，但，我都唔知今次的預約去做什麼，登記的人帶我去問職業治療師，佢又係答到無零兩可，問佢係咪要做運動，佢又話到時去到治療師才決定，咁，即係做咩呀？？？搞完一輪，我都係一頭霧水，唯有等她去一次，可能就會知發生咩事！！！
我去返中醫師到，接她回家，因為無帶車，所以，唔去坐巴士，就坐的士回家，上車無耐，就落雨，好彩已經上車，唔係就變落湯雞！
落車時，雖然還落緊雨，但已經細了好多，行一陣就有瓦遮頭，只臨濕了小小!
2009年4月15日 星期三
步行廿分鐘
前排聽到一個報導，說，每日運動小小時間（唔記得幾耐，應該每天少過30分鐘），比每星期去做一次長時間的運動（好似兩三個小時咁），對身體還要好。
雖然我現在每星期會去做gym一至兩次，每次一至兩個小時，但以呢個報導黎睇，我都好似運動量偏低！？
本想每天去跑步，但我怕跑步會跑到脚痛！早上早些起來去跑，又怕唔知醒，唔夠瞓！晚上食飽飯去跑，但又想留在家睇電視！
左思右想，我決定，每天步行到地鐵站。
原本我是搭小巴去地鐵站，再坐地鐵返工，今天開始，就改為步行至地鐵站，計過時間，需要大約廿分鐘，回到公司，比平時遲了十分鐘左右。唔使早起身，又仍然沒有遲到，都okay喎。
今天，係第一天，唔知，我的恆心可以有多久呢？
2009年4月14日 星期二
四月第二天無薪假
放完復活假，繼續我的no pay leave！
今早出去食早餐後，便和她行下做運動，由商場出面行返屋企，天氣好好，有點太陽，但又不是太熱。
之後，我就坐巴士到QE，交回五樽sample，但去到之後，姑娘問我是否即日的sample，我回答不是，是之前幾日留下的，於是姑娘查電腦，說，要三樽黃色和兩樽白色，要即日的！又說，之前的人給錯了兩個藍色樽，咁都得，D樽又係佢地比，而且，又無講明sample要即日交回去！
最後，我帶去的五樽sample就變成垃圾，帶過五個新樽回家！
我由佐敦行去旺角，因為要幫姐姐賣個舊電話，我一早預計賣得好低價錢，所以，慳返搭車錢，又當做運動行去旺角，問左幾檔，都話唔收，最後，就有一檔肯用$10去收，但當佢試完機，就話個一字禁唔到，我話難禁但都禁到架，跟住佢禁左幾禁，就話$5，哎！個電話都無用，事但啦，費事拎返屋企，$5就$5，有史以黎最超低價賣電話
回家後，打算和她出去食lunch，去行下運動下，氹左好耐她都唔肯出去，唯有買外賣返黎一齊食，上網，hea下又過1 day，明天，要返工lu！！！
2009年4月13日 星期一
復活假完畢!!!
今天同叔叔嬸嬸一齊去了佐敦飲早茶，唔知係間酒樓大，定或是我們比較早，無咩人，所以，都唔難搵位！
食完野之後，就去了針灸，可能因為今天是假期，所以都幾多人，都要等一陣才開始！
針完之後，就再試坐巴士回家！
我們等了一陣，就有巴士了，今次的司機好好多，當他埋站後，就降低車身，問我要不要斜板，我回答要之後，他就行出黎拉開斜板，我們就可以推架輪椅上車，他還等我們安頓好才開車，還問我們在哪個站下車。
今天的司機，跟星期四的，這個好得多，我覺得司機係應該要幫有需要的乘客，如果一個坐輪椅的得自己一個，無司機的幫忙，點樣可以上車呢？
落車後，就和她去附近公園逛下，住左咁耐，第一次行呢個公園，原來入面還有一個球場！呢兩三個月，我才發現，我對自己住的地方都唔係好熟悉，好多地方我都沒有行過，哈哈！！
和她行了一陣，就下雨了，好在有地方避下雨，但雨好像不會太快停，所以我就回家拎遮，回家去！！！
2009年4月12日 星期日
有驚無險!!!
尋日早上八點幾，被人叫醒，聽到第一句說話就係「call 白車」，我立即二話不說亦沒有回應什麼，就衝出去拎起電話就打三條九，她頭暈，而血壓標升到一百七十幾，怕她再中風，所以，就去醫院！白車只可以一個人跟車，所以，待救護員接她後，我們才梳洗，坐車去醫院！
她抽了血，照了x-ray，同心電圖，要三個鐘後才有result，所以我們先去吃早餐，食飽後還要等兩個鐘，三個人呆等，我就提意我先行回家，我在家等！到兩點，家人打電話通知，她沒有事，但要留院觀察一晚，但可以與醫生商量是否可以出院，但要等醫生巡房時才可以問，知道她沒事，安心了！
我就出門口了，一早約了朋友去南丫島bbq，諗住十點半去買野，一點鐘開始燒，但，到我兩點打電話比朋友時，佢話佢地仲係中環，預算搭三點班船，因為我趕不及去碼頭，所以我叫佢地先去，我坐遲一班三點半的船入去。
可能假期的關係，未夠三點半，班船已經full左，我唯有等四點的船。
入到去，佢地才剛開始，我一上到天台，就發現，嘩，咁多人，原來有成16人，我以為只有十個八個，去到才知有咁多人。經過心理掙扎，才可以開始投入呢個bbq party！
開始時，都係同廣東話人一齊嘻嘻哈哈，因為與英語人溝通唔到，唔啱channel，所以，就lei左係廣東話人一堆到！始終，英語人，有些是第一次見，有些是見過幾次，認得樣但唔記得名嗰D，所以，唔知點同佢地玩！
我地由有日光燒到夜晚，最後，就係佢地的dessert，燒朱古力香蕉，朱古力同香蕉都係賣飛佛，但，加埋一齊燒，就．．．所以我都係同人share左，試了一D．．．
差唔多燒完的時候，英語人就開始玩骰盅，我地就開始清理枱面的野，原本以為英語人玩骰盅，廣東話人就自已玩cards，當我地執好晒野，佢地就話一齊玩pictionary，唔好分開玩，於是乎，十幾人就一齊玩pictionary！
玩法係：嗰D play cards入面，每張有幾個字（中英對照的）放在五個顏色框入面，好似玩飛行棋咁，要擲骰仔，行到去咩顏色，抽卡的人就要畫嗰隻顏色入面的字的圖出黎，要同team的人估個字係咩字！
好多英文聽都未聽過，都幾難估，哈哈！
玩完pictionary，就係dessert time，朋友home made的cheese cake，very nice!!!
食完dessert，佢地就係度跳舞，跳一隻唔知係咪佢地自創的「抹窗舞」，我不是第一次見佢地跳，但我都係無參與，我拎住部DC幫佢地拍video，佢地玩到好顛，我係覺得佢地drunk，當然佢地自己話無！
佢地大顆兒跳完「抹窗舞」，就單對單咁跳，我一路都係企係hi-fi旁，痴住係幅牆到，幫佢地影相同video，絕對不想參與一齊跳，但，到最後都逃不出魔掌，被朋友的男友拖了出去跳，其實我都唔係跳，但就不停咁比佢轉轉轉，轉到陀陀thing，我高呼dizzy，佢示意叫我灘係地上，當然，我唔會灘係地上，我話i'm not drunk（我一滴酒都無飲，梗係無醉）... it's wet，估唔到佢都幾清醒咁回答，i'm not drunk too（佢咁飲法，我覺得佢已經飲醉左）！哈哈！！
好開心的一個bbq party，廣東話人就要趕尾班船，回家去，佢地，就繼續佢地的beer party！！！
2009年4月9日 星期四
四月份的第一天無薪假
今天又是無薪假的開始，但今個月不能好似二月咁，連續放晒，所以，我選了星期二同星期四去放假，可以陪她去針灸。
前兩日醫院打電話黎，話她已經做了六個星期的物理治療，而醫院的病人比較多，所以要改為一星期一次，我都要求姑娘盡量安排繼續一星期兩次，佢好"呼衍"咁話盡量安排！
因為改了一星期一次，今天，也都變成她放假，但因我一早約了人，所以，我都去了買早餐之後，才出門口，趕在lunch時回家，和她一起去吃lunch！
她告訴我她脚痛，我才從家人口中得知，她前兩晚跌親，沒有人知，直至她告訴我們，我們才有人知道她跌親！
於是乎，我就同中醫師講，叫醫師幫她check下有無扭傷，拗柴等等，好彩沒有，但，都拉傷了筯，所以，令她好痛！
也因為如此，我今天都不敢叫她行，大部份都係坐車推她！
針完之後，她說要坐巴士回家，因前兩天家人陪她試過，所以，我又陪她去坐，去到巴士站，不一會就有巴士，是一輛城巴，本來我以為司機會將斜板放到行人路，讓我可以推車上，但見司機無行動，我便叫家人自己放斜板，那時司機才出聲話斜板壞左，心諗，搞錯呀，又唔一早出聲，等我們係到等！
唯有叫她下車行上巴士，得一好心男人幫忙，令她順利上車，她未坐好，司機就開車，我立刻開聲話都未坐好就開車，司機當然並無理我，我唯有快快安頓她坐！呢個司機，真差勁！
回家她仍然叫痛，唯有什麼葯酒，葯油，都幫她查下，又用熱水幫她"呼"下，希望可以舒緩下！
不停提醒她，下次要小心D，要慢慢行，唔好心急，同埋，要叫醒我地事但一個，唔好自己一個人行咁危險！
今天針灸時，遇到另一個男病人，他的女家人不停咁鬧他叫他用力提起隻手，初初以為是兩公婆，我八了一下，男的都比較後生，以為係女人個仔，後來同醫師傾起，才知是兩姐弟，細佬因爆血管而中風，左邊身唔郁得，已經七個月，但奇怪的是，仍然住院，因她在院未夠一個月已經被人“趕”出院，為何他能住七個月？醫師話他左手肌肉萎縮，生硬晒，要慢慢拉返鬆佢，當他工人推他經過我身邊時，我見到，他的左手跟右手大小不一，左手因肌肉萎縮而細很多。
我就用呢個做example，希望鼓勵她繼續做運動及針灸！唔做，就會好似個男人咁，唔郁得架嘞！
2009年4月5日 星期日
Mr Steak & Portal
尋晚同朋友係朗豪坊的Mr Steak到据扒，因為突然間好想食steak，所以，就睇下MK邊到有，最後就揀左呢一間黎試！
加$30有一個caeser salad
烤澳洲肉眼扒
食飽之後，就逛下朗豪坊，睇中左條手鏈，但，覺得又好似無咩必要去買，所以，最後都係for my eyes only，嘻嘻！
朋友話又想去飲野，又想食甜品，於是我們就去左Langham Place Hotel入面的Portal，坐低飲杯野，負責帶位的那個女職員，唔知係唔係因為我們著得超casual，好似覺得我地無錢比咁，黑口黑面咁帶地入去坐，又木無表情咁，用同自己講野咁的聲線話比我地minimum charge $90，我地就ha了一聲，實在聽唔到佢講咩，佢重覆之後先至聽得到！
朋友揀了呢個！
仲有tiramisu，但，我地都覺得唔似tiramisu，似普通的海棉蛋糕咁，味道一般啦！
飲完野，朋友話有少少肚餓，想去食D野，就去了食雲吞魚蛋，才回家去！
2009年4月3日 星期五
無電之惱
昨天晚上，約了朋友K到朋友N家，探望N的一對初生孖女，我們約了7:30pm在N家樓下等，因為我從深圳回來，所以到N家比較近，K還未到，我在商場逛下等她。
商場都無咩野好行，我咪走入超市，萬x等等的舖頭行下，見差唔多8pm，K仲未打比我，咪打算打電話比佢，睇下佢去到邊，點知，黑仔的野就發生，電話還未成功打出，就已經無電。
最慘係，我只知N住那個屋苑，但佢exactly住邊座，幾樓，我就唔知，但我又唔記得K/N的電話號碼！我諗到的方法就，打電話返屋企叫家人幫我揾電話號碼。
去到商場help desk，問哪裡有pay phone，個staff好好咁拎左佢地的電話出黎借比我打，第一個家人話佢未返屋企，叫我打比第二個家人問下，第二個就話要十分鐘後才回到家，oh my god!可以點呢？跟住問下help desk，哪裏有快速差電服務，佢話7仔有，我就去問下，$10差一次，約需30分鐘，咁我就比錢放低舊電比佢差，離開7仔無耐，就係商場見到K了，佢第一句就問我做咩唔開電話，我話無電，啱啱拎左去7仔差，佢話call了我好多次都係voice mail！
好彩之前話過比佢聽我係商場逛，佢就走上黎撞下我，真係比我地撞到，一額汗
自從有左手機之後，真係無再去記朋友的電話號碼，每次都係search phone book咁打電話，今次係一個教訓：一係差足電先好去街，一係，就寫低朋友的電話號碼係張紙到，手機無電都可以搵到個號碼黎打電話，再唔係，就一定要約實係邊等，唔好話「去到時電聯」，電聯，無電點聯？？？？？？
我去完朋友N家之後才去返7仔拎返舊電，我一路行一路換電，oh no，電話都係開唔到，因為差唔多到巴士站，費事行返轉頭，諗住返到屋企再差過，以為白蝕左$10就算啦，點知，返到屋企後，我自己都差唔到呢舊電，幾驚手機壞左，立即換過另一舊去試，又差到，唉，唔知係係7仔差得太耐，舊電壞左，定或者係舊電已經真係到左壽終正寢的時候，咁啱我就比左人地去差？嘥左錢去差電，最係舊電壞左，唉！！！真係黑！！！
2009年4月1日 星期三
懷念‧你
這些年來，我以為，你已經在我的記憶中慢慢消失，以為我已經淡忘了你，但一個月前，我，突然間想起你，所以，得閒的時候會在youtube睇你的MV，又將你的舊CD，轉成mp3經常地聽，亦決定今年要第一次參與你的紀念活動！
今天從深圳工作回來，吃過東西，就行去海傍，去到時剛剛開始，樓梯已經坐滿了人，而附近也企了一堆人，所以，我就走到一個勉強可以看到screen的地方，就企係到睇，播一些你的MV，演唱會，和訪問的片段，本來打算看半小時就離開，但，睇下睇下，最後都係完結時才離開。
第一個高潮係林憶蓮出現，她唱了有心人和與一個男人合唱了當愛己成往事，因為只見到screen，看不到台，所以，我沒有見到他們真人。
第二個高潮是播他的熱情演唱會的快歌片段。
最後，播出他的有心人作為結尾。
睇返你的片段，始終覺得，六年前的今天，你給了我們一個很大的玩笑！
訂閱：
意見 (Atom)