紫羅蘭@New Year Eve 2008

尋日同事話比我聽，我的紫羅蘭開得好靚，所以專程帶部DC返公司影下佢，因為它在同事的附近，由佢悉心照顧，今次的開花開得好靚，係白色的花加上一些紫色的邊，比之前開的大部份紫色的花靚得多！

呢盆都開始長大，亦等待它開花

估下呢個係咩種子？上次去行米埔時的小禮物，我拎左比同事去種植！

先放兩粒去試種，同事話要遲D等佢結果時要用黎做再生能源，哈哈！

BBQ@Lamma Island

昨天是今年聖誕外出去玩一天，下午一個人坐船入南丫島，朋友在碼頭附近接我，一齊去買燒烤的食物，然後就上了佢屋企！未食lunch，所以好肚餓，朋友的男友弄了份自製的火腿沙律三文治給我醫下肚先！

然後，他在預備食物，而我和個朋友就係到傾計，之後，其他的朋友陸續到來，他們的其中一個帶了一隻狗來他家玩，因為我好怕狗的關係，所以牠在天台的時，我就從來都不走上天台，如果牠一路在天台，我諗我連bbq時候都唔會上去，哈哈！

最後我朋友同佢朋友講，有人怕狗，所以想佢帶返隻狗返屋企，真係有D唔好意思，人地諗住帶埋隻狗黎一齊玩，而我又勁驚！

牠走後，我才上天台，吹下水，跟著走開始燒野食，食飽之後就玩Pictionary，我第一次玩，原來好搞笑，有些人係咁意畫下，就比人估到佢畫緊咩，但有些就畫極都唔似，玩下玩下，玩到十一點幾，要趕尾班船回市區了！

 

聖誕禮物

今年聖誕,買了MTR的Hello Kitty和Kuromi作為自己的聖誕禮物,之前online訂了,今天才去拎,拎到之後,覺得有點被搵笨的感覺,可能自己無睇清楚個廣告,但絕無想過這個擺設,只是卡紙來的,感覺好"易稀",一點實在的感覺都沒有,卡紙,好易爛,擺擺下就會變殘,真失望

X'mas Lunch @ Office

Wish all Merry Christmas

今天公司有個X'mas Lunch,安排了到會, 有pizza,意粉,火雞,雞翼,沙律等等不同的食物,當然唔少得有個抽獎遊戲,有十五份少禮物!

第一個獎是又答中一條無聊IQ題的同事得到,題目係「咩動物唔夠人打?」由我部門的Manager答中，可以從十五份獎中抽其中一個獎，之後就由他來抽，抽中的，就自己抽獎品，如此類推，我們當然一路食，一路抽，好快，獎品就抽完了！

大家食飽飽後，就係度問D無聊IQ題！有太多，但我聽完，只記得幾個，大家可能都聽過

「劉德華pat pat，估一樣年青人玩兒」

「點解暑假長，寒假短?」

「陳冠希係百貨公司會做邊個部門？」

「咩植物識做運動？」

祝大家聖誕快樂

夢：蜜蜂襲擊

尋晚發了一個夢，夢中的我與爸爸在一個類似公園的地方散步，抬頭可以望到機動遊戲（不是迪迪尼或海水公園），行下行下，我們行到去一個商場或大廈的lobby，突然間，有一大群（成千上萬）的蜜蜂蜂擁而至，向我們身上飛過，然後，它們居然調轉頭，再向我們飛過，如是者來回兩三次，我們唯有扒在地上，等它們走飛後才起來！

奇怪的是，雖然被蜜蜂襲擊兩三次，都只係臉上有些被刺的痕跡，居然還可以若無其事咁討論為何會有那些多蜜蜂出現！

唔通星期六睇完戲上左腦，夜晚發埋D咁既夢！

The Day the Earth Stood Still

 今日做完野，就同朋友去左睇呢套戲，朋友話有coupon問我想睇咩戲，其實沒有邊套想睇，不過近排有睇電視知道奇洛里維斯有新戲，咪就睇呢套囉！

套戲是講地球面臨毁滅，外星人要來拯救地球，唯一的方法是消滅人類，因為人類不停咁破壞地球，到最後，因為一句we will change，而令到外星人停止了消滅人類的行動！

睇完套戲，我最後都係get唔到因為什麼原因令到那外星人停止了那計劃，是一些什麼感動到他，我又點抓頭，是否真的因為相信人類會改變，所以給人類一個生存的機會？

Tea Buffet @ Sheraton

今日提早同朋友慶祝聖誕節，我們去了Sheraton的The Cafe食tea buffet！

魚生款式只有三款，有我鍾意的三文魚，同埋我無食到「魚立」魚和劍魚

吞拿魚包及沙律

都有幾款點心及多款中式的熱食

即叫即整的Pizza，呢個係印度燒雞Pizza，因為我們遲了去拎，所以擺涼左少少，但都仍然好好味

食buffet，我當然主要食dessert啦，我諗我都食左九成的甜品，整體而言，每款都好食，而我覺得佢的甜品好食過上次去Grand Hyatt的那些！

最後，食了雪糕同生果

最後有餐飲啦

食飽飽之後，就同朋友玩交換禮物，呢個係我送比朋友的

而呢個就係我收到的聖誕樹嘞，仲有幾款不同的糖果，食晒自己可以refill，

X'mas @ Harbour City

每天放工都會經過海港城去碼頭坐車，因為每晚都好怱忙趕著去坐車，所以沒有時間停下來影下這裡的裝飾，所以我就專程帶部DC，係lunch空閑時，去了影相！

白天同夜晚的感覺好唔同，夜晚睇落感覺會grand及elegant一些，可能因為加上左燈光，出來的感覺，夜晚會靚D！

因為掛了很多東西，影出來，好像有點「擠迫」的感覺

上面掛了好多不同大了的鐘及箱子，還有其他裝飾品

今年的路軌係地面，而不是在空中．．．

火煱@火湯滙

星期五晚同朋友去了銅鑼灣食火煱，原本約了八點九，後來朋友話九點半有特價，所以便等下，到真的入座同有野食，已經十點幾了，極肚餓，所以就不停咁食！

朋友話特價同正價的質素差不多，沒有因為特價而差左！每碟$12起！

我們八個人，食左差不多九百蚊，每人百多蚊，都okay，唔算貴，可能我地都有D就住食，選了唔多貴野，最貴的，我諗都係碟$88的墨魚丸，只得8粒，真係有D貴lor，雖然都算係彈牙，但要成$11一粒，真係貴左D lor！

食下野，吹下水，搞到十二點先埋單，嘩，我係十一點幾已經食飽而且想瞓tim，嗰刻真的好想有張床比我瞓，哈哈！嗰刻就好想自己係小朋友，可以排幾張凳瞓係凳度就very good啦！

下次打邊爐都係早D好，免得過食食下就想