夢中夢

昨晚發了一個幾奇怪的夢，奇怪地方是：夢中的我也在發夢！

夢中的我在睡覺，突然好像醒了，想向左轉身起來，但好像有股無形的壓力令多三翻四次也不能向左轉身，最後我放棄了，唯有向右轉了360度才起來，去了梳洗，那刻我以為我自己已經醒了！但事實不是！突然間，我發現自己還在床上，原來我並沒有離開過張床，只係我夢見自己夢醒，走了出去，其實我還躺在自己床上睡覺！那時只有五點幾，真的是清醒，不再是夢境，所以我看一下手錶，距離上班還有一段時間，我又再度入睡！

一個夢中夢，感覺有點怪怪的！

開心的一周

今個星期都算係我在這公司最早放工的一個星期了，每天都可以在七點前放工，明天也要七點前走！下星期又開始要埋數，快樂的時間總是那麼短暫！

又開花了

它又有花冧了

書展

今天上午去了書展，其實我只係陪人去及去買本Harry Potter 7，我們先行Hall 1，逛了好多間，都係$168，以為公價$168，所以咪是但係一間買左，因為未睇第６本($102.4)，順便一次過買埋，點知，繼續行的時候，發現Page One賣$159.9，而第６本就賣$99，兩本足足買貴左$11.5，雖然唔係好多錢，但，在同一個場地買貴左，好像都覺得有D唔抵！

因為下午要去返工，所以我未行晒已經要走了，之後有人話我聽，原來最平的係$158，唉！

其實我去書展的興趣不大，因為我唔係好拾得比錢買書，因為通常我都係睇一次就算，之後，掉左又覺得浪費，擺係屋企又覺徙位！

我三點先返到公司，個同事話佢今日要早D走，問我留低鎖匙比我鎖門得唔得，我話冇所謂，所以之後咪一個人係公司做野，做到七點就返屋企吃飯！

Causal Wear

今日係實施Causal Wear的第一個星期五，終於可以著jeans返工了，心情好像holiday咁！lunch約了banker吃飯，去左日航的桃李飲茶，最欣賞的居然不是點心，而係瑤柱蛋白炒蛋，D瑤柱大大粒，好好味因為距離公司都幾遠下，所以我們十二點半離開公司，差不多三點先回到公司！跟著開著一個鐘會，四點幾．．．等放工．．．（因無心機做野）

Shopping

今個星期都算係比較早放工，除了星期一要九點放工之外，呢三日都係七點前就可以走了，真開心！今晚同個朋友係harbour city shopping，差不多每天都經過的商場，但我都無特別去行！朋友有target去shop，買到她想買的東西，真好！

買完東西後去吃甜品，我想吃芝麻糊，就打算去佐敦吃，點知我們找不到那間舖頭，因每次都有朋友帶路，最後，便去了大良八記，近排經常想吃甜野

今日發現自己之前做左件好stupid的事，事原月初已online 做左scheduled payment，在月中交水費，今日上網check balance，才發現，我交三千幾蚊水費，我打錯了銀碼，足足交左三年的水費，唔知Water Dept有冇得refund架leh?真係死蠢！

Harry Potter 5

今天去了看Harry Potter５，比我預期的無咁好睇，唔知係唔係expected too much，我反而覺得睇書的時候，想像空間大好多，我覺得套戲有點”兒戲”，每樣東西都有點到喉唔到肺，例如harry與張秋的情戲，與佛地魔大戰的一段，好像欠了什麼似的！期待書的大結局出版，要睇下，究竟邊個主角會死

扭扭蛋kitty & friends

今日專登去左麥記食早餐，就係為左換購這兩款Kitty & Daniel的扭扭蛋！

 

Causal Friday

今日收到Admin的announcement，我們Friday終於可以causal wear了，因為之前實在太不公平了，新加坡，上海都有Causal Friday，唯獨香港冇，終於，可以著jeans返工了雖然只得一天，better than nothing啦！

地鐵精英Hello Kitty

今日係近排少有的早回到家，好耐冇係平日同家人一齊食飯了，希望可以經常”早”放工啦！

尋日同事同我講地鐵又有kitty換購了，我今日先係地鐵站見到D poster，我諗，又一次吸引Kitty迷去排隊換購了。好期待擁有它們呀

http://www.mtr.com.hk/chi/whatsnew/ride5_kitty07/ride5_kitty07_c.htm

 

開枝散葉

今日終於幫盆紫羅蘭開枝散葉，之前剪了一枝樹葉出來，浸到出根了，就將它放入花盆中了（唔該同事的幫忙，因整個過程都係佢負責的，哈哈）唔知要幾耐它先至會長大呢?

BBQ

今日同家人去了BBQ，有時都覺得我們都有點傻，天氣酷熱的情況下燒野食，我知道那裏是不會晒的，因為有些大廈遮晒D陽光，只怕會很熱但居然係我意料之外，那裏很大風，甚至連紙杯紙碟都吹得起，雖然有點麻煩，但有風吹下都好舒服！

除了一般的雞翼牛扒豬扒腸仔及丸之外，今次加了金菇，冬菇，豆卜等東西，我們用鍚紙包住佢地才放係爐上燒，熟左加點美極，係一個不錯的BBQ食品，唔使咁悶只食肉！媽媽還自家制山渣酸梅湯，解熱氣

燒野食都係人多一點好，可以買多些不同種類的食物，人少少就只可以每樣買一至兩件，好彩街市D人冇俾面色我睇啫．．．

兩點幾燒到五點幾，之後逛下街消化下，夜晚吃過糖水才回家！

打咭

今日去左個fd到做野，一入門口，同事就告訴我要打咭，可能之前佢有些同事遲到早退，所以就買左個咭鐘，哈哈！在我正職的公司，以前都要打咭，好懷舊呀，現在雖然換左嘟咭，但一樣對遲到捉得好嚴，三次遲到便收warning，有時覺得好唔鍾意咁樣，因為我們OT到隻狗咁又冇OT allowance，但遲到就收warning，覺得好唔fair，遲到咪OT返補數lor，使唔使出warning呀！？雖然係呢間公司都兩年幾，但對呢個policy仍然覺得好不滿，雖然我從未收過warning letter。

打咭嘟咭，都係對員工的一種不信任的態度！

假期過後

回歸假期冇得休息之外，這兩晚都要OT，尋晚九點，今晚十一點，希望聽晚可以早D！

回歸假期

回歸假期，不能放假，還有在家工作，因為，要趕埋數，有幾位同事都回了公司OT，而我，就選擇在家中，因為都沒有Compensation Leave，在家可以輕鬆一點！

星期六晚同左個fd公司的同事去了食韓燒，我們應該係最後一班客仔，因為我們差不多十點先去到，食食下野聽到有些怪聲，嚇了我們一跳，原來有個staff係到嚎哭，我們快快便完成我們的晚餐！她們提議去唱K，去左美麗華唱，十一點開始，可以唱到六點，但唱到兩點，我已眼瞓到死，所以先走了，沒有車回家，唯有打的！

星期日瞓到十一點先後來，吃過早餐，便工作了兩三個鐘，就去游泳，又是雷暴警告下游泳，不過，今次可以去去室外的池，大好多！

今天，就要留在家中工作