興奮！？

本來以為自己收到個好消息會好開心，好興奮，但原來，比起我知道自己明天要坐飛機去旅行，昨晚沒有那種興奮到難以入睡的感覺！畢竟係人生的第一次，但，我的興奮程度居然這麼少！係我一早預左，只待confirm，還是，其實我真的想去旅行多D？

或者，真係要等到我真的去日本前夕，我才會興奮到難以入睡的感覺，好期待呀

今日終於收到封信，原來昨天FM放了個流料比我，又話有1.5個bonus，到頭來都係得1個，雖然好想係封信打錯，但我覺得係佢記錯的機會大D...聽日搵個機會問下佢先！

成績表

今日係派成績表的日子，雖然我還未收到封信，因為老闆重未簽，但個FM口頭講左比我聽，都係一個我滿意的結果，不過，我想除左加薪外，還會加辛，要繼續努力地捱！

我可以係5月去日本lah...

求籤

今日係商場買完野，有個求籤的遊戲，我就問左事業，師傅話我春天事業順利，夏天有阻礙，秋冬天就有望升職加薪。心諗，仲要等出年年尾，唔係lah掛，都無心機做lah...

不過事後，姐姐話求籤應該是求當年的，不是求來年的，所以D人都會係新年求籤，所以說今天應該係求狗年運程，不是豬年，但我聽師傅講話我的豬年事業會咁咁咁．．．搞到我都唔知師傅講的係狗年定豬年，哈哈．．．我從來冇求過籤，所以咩都唔知．

狗年又好，豬年又好，最緊要有薪加．．．

 

 

加人工

尋日聽同事講話出面Dept的同事已經收到加人工的信，而到六點時，我地dept重未派，而我要返學就走左，唔知係HK個mgr有冇派信，定一話要等去左SG嗰個mgr星期一返工才派呢？

不過，尋晚發夢收信，加10%，夢中的我當堂勁down，覺得辛苦得黎無return，很不滿．．．

希望，夢境不成真，希望會加得好D lah...

一月無bonus

尋晚同事比左個小道消息我，話今個月唔會有bonus出．．．心情極差．．．

十萬火急

點算呀．．．聽日有十萬樣野要交．．．做邊野先呀．．．

法國餐 - 二人龍蝦餐

頭盤：三文魚

湯：雜菌湯

主菜：鴛鴦龍蝦


甜品：暖心朱古力

生日

今個月有兩個好朋友生日，所以今日就出黎一齊慶祝，我們去坐大嶼山坐昂平３６０纜車，第一次去，今天不是太多人，不用多等便可以上到車，而且還不需要與其他人同車，一上車就好興奮地影相，沿途的風景都唔錯，不過只是天陰陰，去到某個地方，簡直大霧到什麼也看不到，車程約廿五分鐘，上到去市集，逛了一輪，便行去大佛那裡，行了不知多少級樓梯，好耐無行過咁多梯級了，有D喘氣。回程前，在少少寒冷的天氣中吃了意大利雪糕，感覺好舒服！
坐回纜車，在臨回到站前發生小插曲，纜車停頓了一會，不過好彩，一會兒又繼續行駛，無驚無險又到終點，逛了一陣factory outlet，便離開了東涌，去了九龍灣吃晚飯。
去了一間名叫C'est Bon! 的法國餐廳食飯，第一次在香港吃法國大餐，記得真的第一次吃就是係巴黎吃的，主菜是鴨胸，覺得不太好吃，北京填鴨重好食過佢，但今晚的，就好食得多，開了一支白酒，但最後係埋單時，他們居然沒有收到我們這支白酒的錢，我係喺埋完單離開左間餐廳後才發現，就當係他們送給我兩個fd的生日禮物lah...
在她們生日的時候，我居然收到一份禮物，我還未預備禮物給她們時，反而她們先送生日禮物給我，有點不好意思，衷心感激她們為我準備的禮物，非常合用多謝晒呀！

釣魚！

今晚去左上堂，眼瞓到死，一路上堂，一路釣魚，今堂又鬼死咁悶．．．有D覺得徙公錢．．．不停講theory...心諗，我黎上excel course，唔係finance course呀，做咩嗡成堂finance的野．．．

小病是福！

上個星期開始有個諗法，就係想病，雖然咁諗有D變態，但好想名正言順請假休息。今早５點幾肚痛到醒左，痛到要起身返工時，仲未痛完，便把心一横請假半日，打完電話返公司請假係繼續瞓，瞓到１１點才起身，去睇醫生。

本來今晚我要陪auditor，所以下晝返左公司，不過舊FM話佢搵到人stay係office陪auditor，唔使我留，唔使我返公司，但我有好多野欠auditor，所以都係三，四點返左去，七點才返家，呢幾個鐘，都冇做過自己野，只係答佢地的問題。

上海個Manager打電話比我，第一句就講笑咁問「Mug你重有時間病咩？」心諗，就係無時間休息才想病，但口當然係講，「我都唔想病，就係無時間才病假都要走返黎公司」，同佢呻左一輪，不過，估唔到佢講左句，「佢咁擦鞋」，佢指的就係我地去左SG的FM。撇低晒HK的野比我，自己就去左SG，跟本就唔理我有冇能力handle到，其實我真的有D担心，驚deadline前出唔到個audit report，唔想新一年就黎一個大獲

 

新年禮物

終於又買左份新年禮物給自己...係部新手機，其實最初都冇諗住咁早買，但有special promotion，唔使$2K就有部N73，又唔使好似出面要簽百幾蚊的月費，簽成20個月，雖然宜家都要簽24個月，但起碼月費係用開的幾十蚊．．．唔使每月比多成舊水的月費　最多綁死左唔轉得台，promo相當吸引，抗拒唔到．．．　

其實我係冇咩必要換手機，但．．．衰貪心．．．見抵又忍唔到手．．．

 

Karaoke

尋晚終於用左上次入會時免人頭費的coupon了，過多幾日就expire，所以趕住用左佢。去左美麗華嗰間，宜家佢唔使比nuts同果盆錢，但人頭費就加咗到$88，再加$10就有個buffet，今次的野食較上次去廣東道嗰間的好得多，有蟹，有蝦，有青口，義大利粉等等，味道都幾O架。

兩個人唱，我7點開始唱到11點，姐姐遲左半個鐘先黎，佢都可以唱到３個半鐘，唱返夠本．．．其實可以唱到今朝６點，不過，當然我地唔會咁變態，玩過之後，今個星期的OT生涯又要開始，因為auditor要今個星期完工，要搵人陪他們stay係office....

化辛苦為食力

人地話做野／讀書辛苦會瘦，但我呢，就剛剛相反，以前讀書考試的時候一定會肥，宜家做野辛苦都係會肥，成日食過唔停口，想瘦都幾難

希望遲D多返D時候去做運動減肥！

唔撈!?

今日收到個壞消息，說個舊FM要有其他工作pick up，要我和另一個同事加快pick up新O-Chart的工作，心諗，以為可以放返D work出黎，減輕下，點知．．．到頭黎重要我加快去pick up，我已經再唔可以加工作啦．．．我應付唔到啦．．．

今日心情勁差，要做的野一大堆，仲要有D用左我成日時間，都係唔work的，費時失事，好想唔撈呀．．．我唔想逃避，但．．．真的做到．．．我覺得自己好似行屍走肉．．．個腦已經Mal function...

真的想嫁個有錢人，唔使撈．．．

 

重欠３個呀

近排去７仔買野．．．都冇我想要嗰三個．．．你地有多就比我啦．．．６，１７同２４．．．唔該呀

電話

今日開左兩個conference call，唔知點解，每次開call時，對方就話我的電話收得好差，完全聽唔到我講咩，但．．．只有單對單對話的時候，就冇呢個問題．．．所以．．．　唔關我事，係個電話網絡差咋．．．換過三個電話都係咁．．．　問Admin又話冇事．．．咁我可以點wor...唔通要用自己mobile咩．．．

不停比人追呢樣，追個樣．．．幾時先可以清晒我手頭的工作呀．．．

返工

今日又去個fd到幫手做野，本來打算做兩個鐘，但兩個半鐘先做完，跟住同個fd傾左兩個鐘，搞到七點先走得．．．一星期工作七天．．．　都幾辛苦

介紹

今日去左個fd到幫佢做野，做左八個鐘，都未做晒要做的野，佢問我可唔可以聽日幫佢加班，本來都唔係幾想，已經一星期六天工作，重要返埋星期日．．．但．．．佢話D野urgent，想我幫下手，唯有應承，不過聽日只返下晏，上午唔返．．．

佢話想搵返過full-time去做，因為我已經handle唔到咁多，佢曾經叫我過去佢到做，不過我就婉拒左，宜家佢就問我有冇人介紹比佢，因為佢想搵個熟人。我無咩朋友做同行，所以只可以幫口問下朋友，有冇朋友想做啦．．．

不用OT？？？

今晚要上堂，尋日一早講左今晚要六點走，所以尋晚一個人係公司OT，第一次只有自己一個人係公司，感覺都不太好，唯有開大個window player播歌，一邊做野．．．其實最後一個走，最難的係鎖公司的大門，搞左幾分鐘才可以鎖到前後門，好彩今天冇比人爆格．．．

話就話六點要走．．．最終拖到六點九先走得．．．上堂遲到，不過，佢今日講d野真係好無聊下，所以咪係度睇返上個星期我冇返的NOTES，反而覺得missed左個堂D野好似有用D...

今晚唔係公司OT...但...都走唔甩要返屋企做．．．鬼叫今日deadline交report，我未做完就走鬼左．．．

 

新O-chart

估唔到尋日同事問我意見之後，今日就有annoucment，下午突然話開會，其實都唔係突然，只不過今早沒收到有關email，到開會時才知。開會公佈新的O-Chart！咦！同我之前睇到的又唔同左，又變左！？

大家都好激，反而係我無咩反應，無咩野好講。咁唔係代表我贊同新的O-chart，只係，我覺得06年的structure，同07年這個，對我來說，我的job description一樣好空泛，即係，我都唔知自己要做咩，又即係，好似咩都要做！要繼續pickup新野，但又冇得release舊野出黎，結果就係，workload繼續有增冇減．．．

坐係我隔離的同事叫我發表下．．．我回應左句「無野好講！」．．．覺得好無奈．．．

會後，有意冇意之間，聽到前面的同事係到”呻”，說自己被降grade，要做埋data input，其實，佢不嬲都有做開，只不過，input的野唔同，反而係，我以前只做一間公司的時候，我真係一張voucher都唔使入，但做埋另一間公司的時候，反而要入多左voucher，起初都唔鍾意咁樣，但又無得say no...

可能佢真係有D介意，我同佢同grade，無端端係新的O-chart下變左係我的下面，我又無promoted到，本來我同佢係横向，而家變直向，唉．．．　以後都唔知會點．．．．

 

重新分配工作!?

昨晚同事問我，她想向FM要求和另一個同事重新分配她們的工作，問我意見。

其實我知道今年會有新的重組工作，但未annouce，所以我都唔知點答佢，不過，我都想她講出自己的想法，唯有叫她先想好她想怎樣，才向FM講，因為唔知自己想點的時候，好難去說服別人，講出她的想法可以令當權者知道我們呢D在下面的人的想法，雖然，講左未必有用，因為我都講過，結果咪係，一樣咁多樣做．．．workload不斷增加．．．．

埋year end

真的好想放假... 又係OT的生活...令人覺得乏味...

影相

自從有左Digital Camera之後，好少用菲林機影相，前陣子去濕地公園影左一筒幾菲林，第一筒的一早就晒左出黎，效果就麻麻地，可能好耐無用過部機，有D唔慣，但尋日終於晒埋第二筒，效果就比第一筒好得多，雖然係同一日同一個地方，可能因為拍過多張之後，習慣返部大機，所以影出黎靚D。

至於之後係X'mas及New Year Eve影嗰D，日景嗰D都仲okay，但夜景燈色嗰D就真係非常唔掂，不過都一早預左，因為無用脚架去影，而且還未練到對手可以好定，所以影出黎都有「鬼影」！

之前買落D菲林仲有好幾筒，要得閑去下影相，快D用晒佢先！