新加坡

今日阿姐終於confirm要我下個月一齊去新加坡，佢上星期問過我去唔去到，會唔會撞我月底放假的日期？我對出trip就無抗拒，所以我就答佢有需要就去lor，横掂我都未去過新加坡，如果可以順道遊一遊就好LAH！

如果旅行如期出發，我就要係SG返黎之後，第二日上機去旅行了！

旅行社仲未confirm我成團，好心急呀！

 

霸王山莊

黑醋骨炒麵 ：味道不錯，但排骨好肥

杭州炒年糕：比較正常

老四川燈x牛肉：無諗過會好似牛肉乾咁

高力豆沙：本來有四件，但食到一半才醒起幫佢影相

Kitty Products

上個月同事比左張Sanrio的member application form給我，我選左好耐都諗唔到買咩，所以拖到今天，張form就快expire，才去買野，我想買的野，上次店員話八月底有貨，今日去問，店員又話要九月底才有，所以，我就逛下有咩好買，最後，我買左呢本簿！可以帶去旅行

比錢時，cashier話，今日入會買野有八折，只有一次，叫我再選下其他貨品，但真選不到，就這樣入左會，之後只有9折，以下的就是member card，我覺得好靚呀！

呢個電話繩及電話套就係迎新禮物

捐血

今天去了旺角捐血，原來不經不覺，已經8個月沒有捐血了，隔得太耐了，下次一定要記得準時去先得！

捐血之後，本來想行下，但，旺角實在太多人了，搞到我無咩mood行，天氣又熱，唯有返屋企休息下!

又閃

尋日去到個fd公司，發現，又少了一個人，同事話上星期返工的人又冇做了，唉呀，點解佢地請D人做三幾日就唔做！

尋晚做到八點幾，同兩個同事和其中一個細佬去左又一城的EXP食晚飯，然後去左Dan Ryan飲野，同事講佢去In人時的好笑野，估唔到宜家D年青人，居然可以咁樣Interview，定或者是我太out，接受唔到呢?

話時話，上星期寄個CV去個job agency到，一D回音都無，唔通，其實佢係無job係手，係到吹水?

Gym

我又成個月冇去過做gym了，今晚終於"的"起心肝去做了，一如以往，通常去跳舞，不過，教練轉左舞步，又要重新跟過！

一而再

今日晏晝係ocean centre遇到個city的舊同學，今個星期第二次遇到舊同學，我諗都有年幾兩年冇見過面，互相問下近況（主要八下結左婚未，同埋有冇見過其他舊同學，哈哈），話遲D約一齊食lunch，（通常吹水多），佢同另一個同學原來現在同一公司，睇下到時佢會唔會call我啦！

熱切期待

終於決定今年的family trip了，會係下個月尾去內蒙古！尋日放工去左報團，不過，個staff話未成團，要收下人先，約出發前一個星期先至可以confirm到！報名前打電話問過，佢地唔肯答我收左幾多人，直到我報名之後，佢地先答我，我係第一個報名，唔怪得佢地唔肯係電話答我啦！幫我填報名表的係個男仔，而隔離坐著個女仔，由她輸入電腦，點知，5個人名，5個都入錯，準確率係零，唔知她係唔係新入職，唉！最後，我都係對過每個名啱先離開！

好期待這個旅行，因為都有兩年冇同屋企人去，二來，上網睇過人地影的相，那裏會有好靚的天和浩瀚的沙漠，希望成團啦！

本來同阿姐撞假，佢話佢唔係去旅行，所以可以比我放，佢批左我放假了！

雪糕蛋糕

今日係公司遇到個舊同學，事原係今日老闆與banker會面，banker在reception等的時候，我經過時見到那男子好熟口面，但一時之間想不起在那裏見過他，之後，我們一齊開會時，我就想起了，應該係poly的同學，大家在開會時，我問他是不是讀過poly，因為係poly時大家都唔係好熟，只係一齊上堂，沒有一齊做project，原來我無認錯人！世界真細少！

老闆黎左香港，同事屈左老闆請食蛋糕，因為上星期是一個同事生日，但她們順手將我個名放埋係個蛋糕到，話順便慶祝埋我喎，我已經話唔使，點知到最係佢地都係放左上去，所以蛋糕就有我同同事了！係haggen dazs雪糕蛋糕，好味呀！以下是我的同事，左面的男同事係今個月先返工，而右面的男人，就係我地老闆了！

老闆來了！！！

老闆黎左香港，晏晝我地dept同COO及佢Secretary，一齊去左食日本野(MISO)。上星期五問同事意見去邊度食晏的時候，其中一個問，究竟係老闆請定我地自己夾錢先？意見就會有唔同！因為我是接order辦事，只係問意見，邊個比錢呢D問題，我都唔知，不過，我就答佢，”我地老闆通常會掙比錢，但總會有人阻止老闆比錢！？”最後我推左個波比COO個秘書，叫佢問COO想去邊度食！由另一個老闆話事！

開完會已經8點，問SFM使唔使同老闆去吃飯，因為公司得返我地三個，等到8點半，老闆先講完IDD，才一齊去食飯，坐車去黃埔，到鼎泰豐吃dinner，我好耐之前去過，覺得唔好食，今次就覺得唔錯！三個人食左兩百蚊，佢地兩個又係度掙比錢，我呢個低級職員當然袖手旁觀，等佢地掙個夠！

其中一碟叫做棒棒雞，覺得新奇，咪試下，點知，原來係雞絲粉皮加左辣油及紅黃青椒絲，等我仲以為係咩新野，叫了黎試叫了牛肉麵，湯好濃，幾好味！酸辣湯及一個好似豆乾的小炒，當然唔小得小籠包lah...唔知係咪係公司時因肚餓吃了幾粒糖，去到時我唔係好食得！

buy buy buy

尋日同屋企人飲早茶之後，就去左shopping，係Inshoenet及LeSauna都各買左一對鞋，本來只諗住買一對，我先係Inshoenet先買左一對，但經過LeSauna，見到好抵，$299兩對，於是我同家姐一人一對，每人$150，哈哈！無端端就買左兩對了，另外仲買左條jeans！

三個target，完成左兩個，仲想買衫，但未買到

車輪轉

今日係個fd公司，見到個新同事，佢已經係嗰個位第三個人了，有點車輪輚，唔知佢又做唔做得耐eh，不過，佢都好主動，我坐低做野無耐，佢就走過來自我介紹，問下我問題（有點私人），雖然我有點愕然，但都有答佢的問題！食晏時，同事告訴我原來除了佢，還有另一個人返過工，但只返左四日就冇做，所以我無機會見到，turnover真係高！？

做到七點半先放工，回家食飯，又落雨！！！

超級勁free的一天

今日做野做到十一點，部腦又有問題，MIS整機整到十二點幾，就先食飯，一點半先繼續工作，因為阿姐放假，冇王管，下晝繼續工作

 

部腦繼續有問題

今日部腦繼續有事，十點幾開始唔係好用到，下晝，MIS仲要拎走埋佢去整，咁我咪抺下枱執下柜，執完部腦仲未整好，咁我就幫同事pack箱，到四點才開始一天的工作，因為冇咩urgent野要做，所以我都係六點九就走lu...

今日收到個job agency call，佢話有份工想介紹我，不過要我先去佢job agency到見下面，了解下我先refer我去見工，好耐冇update過CV了，得閑執執先唔知點解，我有D緊張，驚佢見完我之後覺得有點”名不符實”雖然我都未冇諗住搵工，但如果有好工，都不況去in in，睇下自己有冇market

早收工去shopping

今日晏晝部腦唔知做咩自己boot機但boot唔起，搵左MIS黎睇，話要run D program，不過要成晚，我問佢放工會唔會好晏走，佢話唔會，即係我要一放工就比部機佢整，咁我就成機六點鐘走，係harbour city shopping 左一輪先返屋企，因為幫我朋友買東西，又見G2 Final Sales，咁咪去買返兩條西褲返工，百幾蚊條，好鬼抵

日本菜

今日午餐及晚餐都係食日本野，lunch時去了一間叫Miso的日本餐廳吃lunch，今次是第二次去，上次我地個SFM請，今次就banker請，選了個set lunch，有大蝦天婦羅，魚生，牛肉，壽司，不過以lunch來說，$128都幾貴，不過食物就幾好。

夜晚就係一間叫麻布茶房吃dinner，其實我是去到才知是吃日本野的，我地選了幾款食物（有照燒三文魚，辛味雞肉奄列烏龍麵，香炸雞軟骨，雜菌海鮮咖哩飯及什錦天婦羅），加上甜品（抹茶葛軟芭菲及黑芝麻霜淇淋蜜豆沙），咁多樣加埋三百幾！

對於日本野，我個人比較喜歡食魚生及天婦羅，所以覺得今天晚餐比較一般D，沒有上次去大盛咁好食！

（又）新同事

昨天有一新（男）同事返工，唔知，佢會留得幾耐呢？

偶遇

今日放工經過尖沙咀碼頭，遇見一個舊同學，便和她去starbuck坐低飲杯野吹吹水，都有好幾個月冇見，談下工作的苦與樂（當然係苦多過樂啦），說說近況，她又調了環頭，調左去灣仔，又係一個離屋企好遠的區域！

她告訴我另一位同學終於結婚了（聽佢話結緍都幾年），沒有擺酒，只係同老公去了新加坡影結婚相，係到祝那位剛結婚的同學，白頭偕老

尋日同同事去wellcome買野食，發現左奇趣杯又有Kitty的product，我同同事每人買左一杯，得到以下兩個lego，好cutie呀！

交功課

今日係交功課的日子，所以就算唔舒服，都唔敢請假休息！不過食左葯做野，有點力不從心，望住個mon時，有時有點朦朧，所以好趕地先交左功課，六點幾就走了，明天再double check．明天先算．．．

互相傳染?!

傷風感冒，其實由星期五已經開始，拖到今朝先去左睇醫生！一家人，居然有三個人病左，都唔知係邊個傳染邊個，齊齊病

我的紫羅蘭今年第二次開花了，估不到，四五月開完一次之後，這麼快就開第二次

暑期工

8月1日有個暑期工返工，聽講話係某某高層的女，所以就黎左我地個dept做野！比D咩佢做，咪filing等執頭執尾的工作，我諗，佢應該會覺得幾悶．．．

有野要補充下...我諗我第一次見到同事公然係公司瞓覺(非lunch hour)．．．

我同呢個妹妹仔都坐得有段距離，所以都冇咩特別留意佢，有一轉我經過我dept的門口，（佢坐係門口附近）發現佢居然僕左係張枱頭瞓覺！我好愕然！

之後我問返同事，冇比野佢做咩，居然係公司瞓覺，同事話有野比佢做緊，而且佢應該未做完！真搞笑，現在的年青人．．．返工瞓覺，真爽

 

做錯野

昨天被發現做錯野，連自己都唔知做錯左，令到心情好down，可幸的是，有補救辦法，如果唔係，後果就．．．肯定比人剷到飛起．．．兩間公司的野一齊做，有時真的幾難handle，顧得一間又唔記得另一間（呢個係我常遇到的問題），今次就將兩間公司的野mixed埋一齊，呢一個錯，一定唔會有下次！