老闆來了！！！

老闆黎左香港，晏晝我地dept同COO及佢Secretary，一齊去左食日本野(MISO)。上星期五問同事意見去邊度食晏的時候，其中一個問，究竟係老闆請定我地自己夾錢先？意見就會有唔同！因為我是接order辦事，只係問意見，邊個比錢呢D問題，我都唔知，不過，我就答佢，”我地老闆通常會掙比錢，但總會有人阻止老闆比錢！？”最後我推左個波比COO個秘書，叫佢問COO想去邊度食！由另一個老闆話事！

開完會已經8點，問SFM使唔使同老闆去吃飯，因為公司得返我地三個，等到8點半，老闆先講完IDD，才一齊去食飯，坐車去黃埔，到鼎泰豐吃dinner，我好耐之前去過，覺得唔好食，今次就覺得唔錯！三個人食左兩百蚊，佢地兩個又係度掙比錢，我呢個低級職員當然袖手旁觀，等佢地掙個夠！

其中一碟叫做棒棒雞，覺得新奇，咪試下，點知，原來係雞絲粉皮加左辣油及紅黃青椒絲，等我仲以為係咩新野，叫了黎試叫了牛肉麵，湯好濃，幾好味！酸辣湯及一個好似豆乾的小炒，當然唔小得小籠包lah...唔知係咪係公司時因肚餓吃了幾粒糖，去到時我唔係好食得！