2009年，已經過左一半，唔好的野，唔開心的野，希望隨著時間，一齊流走！希望，可以帶著輕鬆愉快的心情，迎接下半年的來臨，雖然，我對今年經濟復蘇並唔樂觀，有無double pay/bonus，仍然係言之過早，但，最起碼，唔需要再繼續放no pay leave，亦唔會減薪，都算是一個好消息！其他的野，留待出年再担心！
身體健康，開開心心 （好似拜年咁tim，哈哈）
2009年6月29日 星期一
2009年6月25日 星期四
繼續放假
今天一條友去食早餐，係快餐店遇到一個怪人，他不停行黎行去，又不停咁大聲講野，又唱歌，又跳舞，究竟，佢係咪精神壓力太大？
食完再買外賣回家，她...又只吃淨通粉...唔食餸...
跟著我就出去做gym，做完就去油麻地診所，幫她預約睇皮膚科，昨天打了幾次電話都無人聽，所以，今天就親身去睇下，個staff比左日期我之後，我還未答任何東西，她已經再講，唔可以改日期，跟住我哦了一聲就走了，其實，我無諗過要改日期，只不過，我反應慢左D，無即時答佢之麻！
回家後，叫她一齊去出食lunch，她又說唔去，問她係咪唔食野，她寧願唔食都唔出街，唯有，我出去買外賣回來，又只吃通粉，其他野又唔肯食，只食淨粉／白飯，唔夠營養喎，真無她符！
多次問她，叫她出去，不用她行，只坐車，但都是唔肯，只係度坐同瞓，她有她瞓，我唯有係度睇電視，又繼續睇"轉角遇到愛"！
睇到黃昏時間，就開始煮飯，今晚有，蒸魚，黃呀白煮粉絲鯪魚肉，蝦乾，咸蛋及炒三椒雞肉！姐姐問，點解炒三椒雞肉會有穫濃，我都唔知，可能係用得太少油，炒濃左，唔好問我點解，我唔識答，下次，試下用易潔穫，睇下會唔會好D？
姐姐回家時，發現門外有一袋垃圾，問我們為什麼放在門外？我都發現左好耐，我以前爸爸出街時，拎了出去擺在門口，關門後忘了拎入垃圾房，而爸爸，又以為我，沒有出去，只將垃圾放了在門外！原來，包垃圾跟本就不是我家的，究竟，邊個咁無聊，將垃圾放係我家門口？
前幾年有試過幾次，叫管理處查完後都係無結果，最後比我地發現，原來，係另一邊屋的小朋友貪玩，我們搞門通知他家人後，就沒有再發生！今次，又不知是誰了？除了隔離屋，其他單位去垃圾房仲近過去我家門口，究竟，邊個咁無聊，寧願將垃圾行遠D放在我家門口都不放入垃圾房？希望今次只得一次，否則，又要去管理處投訴，查下疑兇係邊個！！！
2009年6月24日 星期三
2009年6月21日 星期日
Tea Buffet @ Window Cafe
今天食完早餐，行完超市，就回家做清潔，目標係廚房，要徹底清潔它！
原本約了朋友兩點鐘係尖咀shopping，但由十二點幾開始清洗，一望錶已經係一點九了，所以，我就沒有去shopping，就直接在酒店等！
天氣悶熱，出了一身臭汗，洗個臉換件衫先可以出街，因為太熱的關係，忍唔到要拎住支汽水出街，一邊行一邊飲，剛剛好三點鐘去到酒店！
我們有靠窗的座位，非常好！
魚生，但可惜係沒有三文魚
點心
紅燒翅，不過就一般，鼓油雞，好滑
甜品款式不多
不過有Haggen Dazs雪糕補返數，有八款，我選了芝麻，朱古力同rapsberry
餐廳景
從餐廳向外影的半島及YMCA
食完buffet之後，就去了朋友家，佢搬左一段時間，今天就去佢屋企house warming，睇下相傾下計
唔經唔覺，打搞到十點幾，一齊出去食點東西再回家，
2009年6月19日 星期五
求神問卜?
今天原本不是放假的，但因她發高燒，全身乏力，有些暈，我們怕她有事，所以，call了白車送她去睇急症，而我，就調假陪她睇醫生！
去到急症室，登記後，就照X-ray，之後，她被送去「流感/發燒區」，那裏自成一角，醫護人員的保護裝備都強D！
等了一陣，就見到醫生，講了她的情況，醫生睇了她，就同我講要留院觀察，因為x-ray跟上次的有些不同，懷疑是肺炎，所以要留院詳細檢查！
送了上病房之後，幫她換完衫，就等醫生黎睇她，等呀等，終於等到，醫生話，她唔應該係肺炎，要再check下睇下係咩令她持續發燒？
搞到差不多十一點，我可以走了，晚上才有探病時間！一早起來什麼也沒有食過，好肚餓，所以，食埋野先返屋企！回到家，爸爸話佢出街時遇到隔離的C9，個C9話佢都發左成個星期燒，食葯就退燒，唔食就再發燒，所以，去了拜xx（我唔記得係咩），跟著就好返，無再燒！
他說有D野唔尤你唔信，所以想試下，雖然我唔信，但，他想試，我都沒有去阻止，他叫我陪他去買野，怕聽漏要買的東西！
晚上去探她，現在醫院都嚴格規管只可以兩個人探病，每張病床只有兩個籌，我和爸爸先到，其他家人來到時，就要出去，交換入去，還一定要戴mask才可以入去，比起之前，真係嚴左好多，應該同H1N1有關吧！
回家之後，他叫我陪他到樓下拜xx，我就陪他，待他搞定之後就回家食飯，繼續煲我的錄影帶「轉角．遇到愛」
2009年6月18日 星期四
2009年6月17日 星期三
2009年6月16日 星期二
C9的生活
今天放了第二天的no pay leave，第一天split開左兩個半日黎放，今日就放返一日！
吃了麵包做早餐後便出門口，未夠一點就回家，與他們一齊出去吃lunch！
她又係度噫噫哎哎，都無她符，終於食lunch時，叫她自己比心機，因為，能不能夠行，係一定要靠她自己，我們幫也幫不到，我們可以幫到的，只有換衫，推車，洗澡等等一些外在的東西，但...我們是不能幫忙行路，一定要自己多練習，才可以慢慢進步！
我唔知她聽完會唔會唔開心，但，我都唔知可以做些/說些什麼，她經常掛著"真係衰嘞"，"陰公" 等等的字眼係咀邊，向唔好的方便諗，咁點樣會"的"起心肝去做運動！
唔知係她心情好還是什麼，食完野之後，我叫她去公園行下坐下，她都無話一定要返屋企，所以我就推她去，她行了一小段，又坐下，我覺得係一個進步，起碼，唔好成日困自己係屋企!
跟住推到屋企樓下，我叫她在樓下坐下，就算唔行，都同D C9/婆婆傾下計，樓下有風吹下，唔使係屋入面鬼死咁熱，又見下人，唔使只對住家人／電視機咁悶！希望，她今天的正能量，能繼續下去！而我，就發現，原來一班的C9，下午，就會在樓下打等，消磨時間!我今天，就做左一天的C9，哈哈，在樓下，坐下打下牙較！
2009年6月15日 星期一
終於揭曉
睇左floor plan，又睇過同事的相，今天，終於第一天返新office上班了！跟平常差不多時間出門口，去到小巴站，不用等多久便上到車，立即問司機我要去的商廈應該在哪裡落車，又問了回程時，在哪裏上車！
車程不用廿分鐘，回到公司都係八點多少少，在lobby見到阿姐同另一個同事在吃早餐，見時間尚早，我也一起吃早餐才回公司！沒想到，快餐店除了自己買飛之外，不用自己去拎食物，有人會送去你坐的桌子上，都幾好喎！
返到公司，第一件事梗係unpack啦！發生一件小插曲，唔知點解，無端端有兩個同事要調位！搞到有些不愉快咁，不過，我就不參與他們的討論爭辯，自己執自己野！
因為我都不是太多野，所以，都好快unpack晒自己的野，之後就入左filing room幫同事unpack公家野！
Lunch前搞掂晒，今天老闆請食lunch，所以，大部份同事都一齊去左酒樓飲茶！
下午就back to normal，開始工作，但，就覺得越黎越焗，今天已經無咩陽光，但，我開始有透唔到氣的感覺，即刻搵admin班個電風扇，開了風扇，才可以有氣可透！
六點半放工，去了坐小巴，但，等左差唔多廿分鐘才有車，架小巴係往荃灣方向的，我要先坐入荃灣，才繼續坐同一架車回程，否則，我在中途是不能直接有小巴回家的！從荃灣回程時，我終於明白點解要咁樣，原來回程時根本就唔經我公司附近的，所以，一定要先入荃灣再出返黎！幸好小巴車程快，咁樣行法都係三十多分鐘！
今天，有點大鄉里的感覺，因為，無論返工定放工，我都不停問司機...應該點點點！
不過，回家就用了一個多小時，下次要試下坐MTR，compare一下邊個好D先！
2009年6月13日 星期六
告別TST
星期五，最後一天在TST上班，原因係公司搬去葵興，下星期一就正式在新office返工，上個星期已經去左小巴站，睇下路線圖，去荃灣的小巴都經葵興，不過，車費就要$12！每天的開支又大左！
星期五返到公司，我做完每天一定要交的report後，便將僅餘的東西pack箱，因為有九成八的東西，我已經係星期四pack晒，所以，星期五好快就pack晒所有野，原本話十二點半可以放工，但因為大家比預定的時間仲早完成，所以，便十點幾就可以走了，離開我地寬敞又舒服的TST office！有同事星期五便去了新office視察環境，睇完佢D相，真係覺得，我地新office真係細好多，希望係影相的錯覺，不過，呢個希望都好渺茫！
近兩個星期好幾"忙"，忙D咩，就係...睇電視追劇，已經好耐無追劇，近來好無mood，所以，就不停睇電視劇，由前排的"巾幗梟雄”開始，便晚晚追電視，大結局後，就有點"失落"，所以，就想搵返之前電視重播的"流星花園”睇，朋友話我太out，而家應該睇韓版的"花樣男子”，所以，我就上網睇返，越睇就越想睇返台版的"流星花園”，終於問同事借左，仲有借左"惡作劇之吻2"，兩套DVD，遲下又可以"煲劇"！
加上，電視播緊小豬的"轉角遇到愛"，平時放工返到屋企，唔係播左一半就係播完，所以，每晚都用錄影機錄起佢，一個星期煲一次，有時都覺得自己幾濫，台劇，韓劇，美國連續劇，日劇，咩都睇下，邊有咁多時間呀？
訂閱：
意見 (Atom)