今天是媽媽正日生日，但今早要去上堂，所以不能和她去飲茶，就上完堂才和她去家附近新開的意大利餐廳食Lunch，其實正確黎講，時間已經係tea time！
跟住去買餸，每次去買餸，都係有D唔知買咩好的感覺，雖然，已經諗好住今晚食乜餸！
今晚的五餸一湯（中間留個位放碟菜）
係街市行了兩個圈，爸爸話買白鱔要買魚頭嗰半，但，我只見到魚尾嗰半有得賣，咁我應唔應該買？
係到猶豫之際，賣野阿叔問我要乜？佢就話可以劏過另一條比我，魚頭嗰半截！
本來我只放豆豉去蒸，但臨蒸前，爸爸話要加點油煮一下豆豉蒜頭，才放在白鱔上面，才拎去蒸，咁會好味D喎！
蒜茸粉絲蒸扇貝，今次浸左好耐D粉絲，都係唔淋，上次以為浸得唔夠，但今次都係唔淋！
瀨尿蝦，簡簡單單的白灼
買了半隻現成的白切雞
仲有稀左小小的粟米湯
呢個係A-1買，名叫「幸福花園」的蛋糕，味道都ok，但生果有點酸！
晚上約左朋友去打邊爐，去邊到？唔知呀，直到放工打比朋友，才知佢地book左牛皇星，即上次同老闆食嗰間一樣！佢地知我試過，就問我得唔得？上次我感冒，不能作準，今晚食完再評分！
朋友book左8:30，但個職員搵晒成個list都無佢，問我地打電話去邊，會唔會去左牛皇？好在有寫低號碼，正確無誤，咁點解無我地嗰booking?原來，寫左係星期四晚！哎呀！
等呀等，到九點三終於有位，拿拿臨叫野，朋友想食象拔蚌，$20一兩，我地想要一斤左右，佢話，最細得1斤11兩，我地話唔要，佢就話有1斤9兩，見我地無咩反應，就話有1斤半，我地想食下，得四個人，唔想食咁多，我地咪話都係唔要嘞，叫其他野，跟住佢就話有例牌！車！一早講啦，咪唔使大家係到拉据！
還叫了其他食物如：珊瑚蚌，皇帝菜，雞脾菇，粟米，腐皮卷，牛脊，四寶丸，西洋菜，魚滑！
食飽飽，就返家，一早一晚好凍呀！
今天天氣好冷，出門口時也要多穿衣服，才可以抵擋得住好像八號風球的寒風！
忙了一個早上，就回家了！
和家人一齊吃過午餐，就上下網，等晚上外出食飯，不過，坐下坐下，才醒起，忘了帶高思雅去買衫，見她食完lunch時回家途中，凍到震晒，所以，就比了件大褸和頸巾佢！
同佢出去買衫，但因為太大風，我就算唔係趕時間，我都用快步行去商場，不想停留在戶外太耐！由家去商場只需數分鐘時間，佢已經頂唔順，不停咁咳，所以，我都快快手，買了兩件衛衣比佢，叫佢晚上出街時，一定要換過身上的衣著（咁凍，佢仲唔著長褲，真係唔提佢都唔得），免得著涼！佢話佢未試過咁凍，因為佢家鄉都唔會有機會咁凍，佢終於明白，咩叫做凍，比衫佢的時候，就唔好再話唔使！
晚上出去Megabox食晚飯，book左車，但佢遲到，所以都留在大廈大堂等到車黎先出去，免得出去食風！
晚上在"肇順"吃，叫了"秘製豉酒鵝"
"瓦罉煎焗魚咀"
"天麻海雀燉大魚頭湯"
呢D，就係海雀嘞
"啫啫蝦醬芥蘭煲"
"XO醬帶子珊瑚蚌"
"薑蔥龍蝦球(伊麵)"
叫了六個餸，才話我地聽有兩個小菜免費送的，我們再點了"紅燒豆腐煲"
"豉汁涼瓜炒牛肉"
我們差唔多食晒所有野，都八八九九，餘下的，就帶了回家，作為明天的lunch box！
當然，唔少得甜品，叫了順德雙皮奶
及擂沙湯丸
雙皮奶都算ok，幾滑，但個擂沙湯丸一拎到黎，我就講，乜擂沙湯丸咁樣的？食落，就更加唔掂，完全係食緊一粒糖落肚！
香芒凍布甸
西瓜
之前用信用卡積分換了飛，位置都唔錯，係最遠的區域的前十行，而且，係中間，control panel係面！
我地準時入場，場面冷青青的
票面寫8:15pm開show，但實際係差唔多九點才開始！
zoom到最近，都仍然好細粒
佢地唱的歌都係偏新的，只有兩三首好舊又好熟的歌，朋友話佢只識兩三首歌，哈哈！
我都有聽下新歌，只係有兩三首太新，沒有聽過！
整晚都幾high，最後一part，我們前面的人企晒起身，我們也被迫要起身，否則，坐係到睇只會見到前面個pat pat！
Eason唱一首Joey 的歌時，覺得佢有點吃力外，其他都好好！
反而，Joey唱好多首歌，都覺得佢唱得好吃力，唔知係因為係Eason的歌，太難唱，還是，佢要一段時間warm up呢？最後一part，佢唱自己的快歌時，我覺得係佢整晚唱得最好的一part，可惜，佢剛"開聲"，個show已經進入尾聲了!
約兩小時的concert，在十一點結束！
今天天陰，沒有一點太陽，雖然行百萬行唔會好熱好辛苦，但，始終，我都係鍾意有點陽光，影相都靚d麻
我們在南昌站上shuttle bus，九巴上的目的地係寫住「百萬行」
不一會就到達起點
開始上橋，青沙公路
沿途見到的banner
隔離就係貨櫃碼頭
好多人行，但因為係分段出發，所以都唔係好迫
橋上的指示牌
聽新聞講，但又唔係好記得，呢條係世界第二xxx的橋
天氣矇矓，望出去海面都唔係好睇到些什麼
我們向住青衣繼續前進
油鼓？
入隧道
隧道管內
呢條叫做：南灣隧道
行完隧道，就完成整個行程
坐shuttle bus去青衣
全程6.5公里，公益金預計是兩個小時，但，我們慢慢行，最後行了三個鐘！
我們都不算最慢，見到一些早我們半個小時出發的人，都同我們差唔多時間出現係終點到
到達青衣城，肚好餓，但人山人海，等半個鐘以上才可以入到餐廳，食個tea頂下肚先!
回到家差唔多七點，又開餐了！
雖然著了足夠的衫，但風不停咁吹住個頭，吹到頭痛，所以，未夠八點就去瞓覺，瞓了三個鐘，十一點幾醒了一醒，頭仍然在痛，食了止痛葯再瞓！
