單車郊遊樂

今天約了小雲和小吉踩單車和放風箏，我們10點在大圍集合，到大記吃個豐富的早餐之後，就去租單車。

開價$40，被還價$50，最終以$45成交。最搞笑的係，嗰個人唔記得收錢，但收據已經比左我地！我地係到等佢黎收錢，但佢掛住同第二班客傾緊，究竟，你會選擇，唔比錢離開，還是主動去比錢？

當然，我地都係誠實的人，所以小吉去左比錢。誠實的回報就係…每人一支蒸餾水，哈哈！

小雲同小吉的裝備都好齊全，居然有walkie talkie，我係第一次用（真係大鄉里出省！）

我都好耐無踩單車，無兩年都有年半，所以，都擔心力有不繼，拖慢行程！

大約11:45am出發，食早餐前天陰陰咁，但之後就好好太陽，帽，太陽眼鏡，太陽油，都係必備的！

預備好，出發！

首站係大埔，我們中途停下影相，1點多D就到達大埔，雖然佢地預計1點會到，都係慢左小小！

小休後，便繼續踩去大尾督，大尾督雖然去過多次，但踩單車去，今次算是第二次！

我地沿路問人，終於約2:30到達，當然比佢地預計的時間，又遲了半個鐘！我覺得呢段比較辛苦，尤其係有一段頗長的上斜，簡直係收買我條命咁，哈哈！

小吉一路用walkie talkie講，要轉波，呢到要高坡，呢到要低坡，對於一個唔識開車的我，跟本對呢D野一D都唔識，都係跟佢指示去做！以前，一路都唔會轉波，就算架單車有呢個設備！

還有，我一直都係慣用右手禁brake，原來，都係錯的，右手禁brake，好容易反車，會好危險！所以，我就開始轉用左手禁brake，但，當然，習慣不是一時三刻就改到，有時都係用右手，但，已經開始多用左手了！

我們在大尾督開餐，選了呢間！

我點了煙三文魚漢堡，小雲和小吉就選了豬扒漢堡和瑞士雞翼！

吃飽就影下相，又上樓上畫廊睇下人地的作品，才繼續出發！

我地踩上個水壩到，放風箏，嘩，又係N年內的第二次，佢地有比我玩，但，講真，真係驚甩手唔見左隻風箏架！（我唔想做小雲姨甥的翻版）

玩左一陣，回程了！

5點左右，開始踩回大埔，脚有點痛了，呢個都係預計的結果，因為，真係太耐無踩！但，回程的時間，又好似快過黎的時候，唔通，呢D就叫「歸心似箭」？又可能，因為落斜的關係，舒服D，快D！雖然，嗰條長的斜路，踩落的時候舒服好多，但，我都係一路禁brake，減慢車速，因為當年的畫面，係落斜的時候又係我腦內出現，雖然我唔肯定係咪同一條斜路！縱然我克服了可以夠胆再踩單車，但，已經唔敢落斜得太快！

五點半多D就入到大埔，煩惱的事就開始了，還車的舖頭係邊呢?

廣福道，即係邊到呀？我地又要沿途問人，不過，有D人指東，有D人指西，邊個方向先啱呀？

我地兜左成半個鐘左右，終於搵到了！

還完車，見到架巴士，覺得應該可以返到屋企，就唔打算去坐火車！

預計一個鐘回家，但，原來呢架巴士都幾快，20分鐘就到達我轉車的地方，哎呀，有D唔想落車tim，對脚好攰！

轉第二程巴士時，咁好的，唔使收錢？八達通嘟$0.00，唔通，有轉乘優惠？

回到家，立刻叫高思雅快D煮飯，好想快D食飽飯就去洗澡，出了成日汗，好想立刻跳進浴缸！

今次都破左我踩單車最長的紀錄了！

拖慢了大家的進度，真的有點不好意思！

明天，對脚會有幾痛呢?