尋日踩完單車，今天就去BBQ！本來打算如果脚痛，就會唔去，不過，尋晚搽了幾次安美露，今天居然已經完全唔痛，可以燒野食
坐1:30pm船入去，朋友已經開始燒，不過因為人未齊，所以，都係燒了少少，佢地又教我玩一個新的card game，叫做kummikub！
玩了幾鋪，人齊了，就繼續燒野食！
有Mike 及Kennis的秘製ribs
Yummy Yummy
好味的菇菇
當然有International Superstar的秘製雞翼（係，又係秘製）
有多款的丸丸
好紫的紫蕃薯
沙律，必備的，不過今次D芝士好咸，但，好惹味！
好早已經日落了
佢地首試整爆谷
加入牛油，放在燒烤爐上燒
但唔成功，最後就用石油氣爐煮，pop pop pop，成功了！
食飽飽，又係game time，繼續玩kummikub，不過今次唔用card，佢地係反斗城買的！
天黑了，但無燈，所以要用電話的照明系統照住黎玩，但，越黎越暗，已經分唔到黑色和藍色，紅色同橙色，所以，叫了兩位男士，唔該，整好個燈，先可以繼續玩game！
佢地終於整好，又是pictionary的時間！
玩到九點幾，要走了，雖然明天不用返工，但，都係唔想太夜返，坐9:30pm船走了!
小雲小吉:你都好好體能喎 !! 尋日同我地踩完單車，今天你竟然去BBQ ! 好彩你對脚吾酸痛 !! 你又好啦可以去 南丫島 燒野食 ! 仲可以望住個靚海景 !一路燒一路睇日落 !! 今次都好多野食呀!仲有秘製ribs同秘製雞亦 ! 條紫芯蕃薯真係 好鬼紫 呀 !! 你 放在燒烤爐上燒的爆谷梗係吾得啦 !! 要將錫紙密封好咁先吾會爆到周圍咁係 !!
回覆刪除吾知幾時可以同你地舒舒服服去燒烤呢?? 你地吾駛咁趕 ! !
[版主回覆11/09/2009 21:22:00]我的體能有幾好?你見我踩得有幾"快"你就知啦...就黎慢過晒D小朋友同大朋友...
原本諗住去西貢燒，不過無人去霸爐...所以又去南丫島...係天台有D風,好舒服呀
我地有包住個爆谷(無影相),但都係爆唔起,可能個火唔夠大...所以咪用穫煮...
真係唔好意思,兩次都咁趕...下次...希望唔好咁趕
哈哈! 又係秘製雞翼! 好多香料喎! 個紫心蕃薯好似好紅喎! 好唔好味呢? 燒雞翼 唔知呢個星期我又燒唔燒得成呢!
回覆刪除[版主回覆11/09/2009 22:08:00]係呀...佢自己有係天台種香料...所以每次落好多...好好味...
紫心蕃薯,好味呀...不過多左小小...燶味
我今個星期六都會再燒...今次就同屋企人燒...
一個月...三次BBQ...好熱氣呀....
個蕃薯紫到....
回覆刪除咁多秘製..有無偷到師
[版主回覆11/10/2009 21:51:00]話明秘製...講完都唔識...嘻嘻
ribs,係乜東東??係燒排骨??
回覆刪除[版主回覆11/11/2009 12:48:00]yeap ..或肋骨...