今日真係好鬼"火羅”，勢估唔到自己會係個CFO面前哭，真係"火羅”到爆
本來同個CFO傾計，傾傾下就眼淚開始流下，好努力控制它不要流出來，最後都失敗了，太軟弱了
太激動，太委屈，或者兩者皆是，今天的negotiation完全係失敗之作，輸得好慘tim...
我會比半年時間自己，去meet自己同公司的target，他說，如果我handle得唔好，只會有兩個結果：1) Mentality problem 2) gonna to resign... 他說兩個結果他都唔想，所以要我handle得好D喎...
昨天原本打算去做Gym，姐姐提議去游水，其實在五月初已經想去游了，礙於種種原因，都無去到，所以就今天去游水。
飲完茶之後，便去游水，有三個session，我們就游一點那場，我們去室外的泳池，在我們剛下水不足一分鐘，救生員通知我們雷暴驚告，所以不能繼續在室外游水，我連上半身都未浸到入水，就已經要離開了，一個不好的開始呀。幸好，這裡有室內池，室外唔游得便在室內游，室內的比較細，而且所有人都集中在這裡，所以感覺也多人了，除了泳池之外，還有個Jacuzzi，我們游游下就走去Jacuzzi浸下，都幾得意架。
因為第一次游，游了一陣已經好倦了，所以約一個半小時，便離開了！離開時已經下大雨了，還有黃雨驚告tim…
之後就去了食下午茶，試了美心的公司三文治，入面的饀都幾足，唔錯！運動完成返咁多野，可能不減會增tim（我講緊我的重量）
我聽到她好“慶”地說，「我個title都壓死你！」，其實我最初是不知道是什麼原因令到這位阿姐講出這樣的一句說話，我就事後向兩個clerk八下，內容大致如下…
我們一向去銀行的工作，都係由AR Clerk統籌，交給Messenger去銀行的，事原係今天這AR Clerk同Messenger都放假，所以個AR Team AO都同AP FM講，今日去唔到BOC做TT，她只可以去HSB。所以個AP FM就同Clerk 1講，「你等陣等到BOC有錢，你就出去做TT啦！」不久之後，AR AO走去同Clerk 1講，「你去埋HSB入票啦！」經Clerk 1的轉述，AR AO是黑住面咁走去她到，拋低D野，一句唔該都冇講。Clerk 1立刻回應她，「我去唔到，因為要等BOC有錢她才可以出去，一個早上去唔到兩間銀行！」但個Clerk 1話個AR AO完全沒有理會她，拋低D野及一句說話就行開左！
Clerk 1同Clerk 2比較friend，所以就同Clerk 2“申”左幾句。原本都沒什麼，Clerk 1都打算去晒兩間銀行，早上唔得就一間上午一間下午。
之後，Clerk 3咁啱行左去Clerk 1附近，八卦地問了Clerk 1做咩咁憫，Clerk 1咪講返呢件事出黎，Clerk 3就大大聲地單打左一句，大致是這樣的「未做皇帝，先借殺人刀」，就這樣，就激到個AR AO講出以下呢句說話了，「係咪我的title叫你做D野都唔得，我個title都壓死你！」，跟著，個SFM就由她的房行了出來講，「IA黎左，AR Team係星期三做到9點幾，好辛苦架，係咪你地幫佢地搵野比IA呀，去銀行咁小事，Clerk 2你幫手去啦」，因為Clerk 2轉述給我聽時話個SFM係對住佢講呢段野，所以Clerk 2就立刻回應，「唔關我事的喎，唔好拖我落水」，之後，AR AO就繼續發脾氣地說「唔使你地去，我自己去返！」
事情就暫告一段落，之後就係我去八的時候lah… 其實以上的對話，我只係聽到，「係咪我的title叫你做D野都唔得，我個title都壓死你！」同埋呢句「唔使你地去，我自己去返！」
當我聽到「我個title都壓死你！」，我就心諗，你咩title咁巴閉呀，雖然以title來講，logical你係可以叫Clerk做野，但係，係咪可以用些好D的語氣，好些的方法，大家合作起黎都會舒服D！
我覺得自己的部門好多怨氣，包括我自己都係，對於個Clerk 1的遭遇，其實我都有點體諒，中午同她出去食飯時，我就同佢講，下次Say No的時候，唔好同個AR AO硬碰，因為係咩情況下，她都會係loser，對方雖然未必係winner，但她一定會係loser，原因係，個SFM係偏心AR Team的，無論誰對誰錯，我都認為個SFM係會覺得個Clerk唔幫AR AO是她的不對！
在呢件事發生後，我都要有一個反思，為什麼只有9個人的dept，可以係自己人係到鬧交，我覺得有些時候存在一些不公平的現象，而我，也身同感受，就算我被人覺得我能幹，咁都唔代表我要做晒大家的工作，就要我去take 晒所有的responsibility，我只希望每個人都要take 一些responsibility，唔好集中係一兩個人身上，唔使一些做到死，一些他條到死啦！
我個title都壓死你！
今日係公司聽到呢句說話，同你地玩個遊戲，你估下講呢句野的人個title係咩呀？我明天再係個blog解開謎底，同埋講下呢個故仔！
至於因為呢件事，我得到一種啟發，我曾經對自己的title有點懷疑，我終於諗到一個全新的演繹！
AFM = Assistant To FM...
終於定到位了，我做的工作，就係個SFM的Assistant，即係Personal Assistant lah！
尋晚傾計傾到成點先瞓，今朝無啦啦係五點幾醒左，躺係張床，輾轉反側，都係瞓唔返，八點幾就起身打機，到姐姐起來才去大家樂食早餐，然後返屋企睇上星期六日的白色巨塔，才動身去MK做gym，都成個月無去了，越黎越懶了，dick唔起心肝去做，越近gym centre，越少去做gym．．．唉！
3:15pm，與朋友去左Langham Place Hotel入面的The Place食Tea Buffet，$148加10%，因為我有張85折的discount card，所以每人要$142！
食物款式都有幾多，中式，日式，西式，甜品，水果等等...味道都好
今日叫個同事幫我print一D form，我就問她，可唔可以順便幫我prepare埋那些form，點知佢一句"duck"埋黎，”你叫我做我可以唔做咩？”，我係因為知佢print開，希望佢順手幫print埋，佢咁答我，我咪唯有回應”如果你唔得閑幫我print，我咪叫另一個同事print攞？”，心諗，使唔使咁答我呀，唔得咪答我唔得閑，唔好講到我叫就唔做唔得！有時，我真係唔係好識handle佢，畢竟佢年資來過我，有D好routine的野我都唔叫佢幫，但有時諗住佢整開，先順口叫佢幫我叫埋！print form呢家野，講真嗰句，我不嬲自己都唔做，所以佢唔幫，我都會叫到其他同事幫手！
之前個director話我做的工作唔meet佢的requirement，如果咩都由頭做到尾，我仲冇咩時間去學佢想我做的野．．．
唔好太高估我的capacibility啦，一日得9.5個鐘，加埋OT咪得十多個鐘，可以做到幾多wor．．．我唔可以好似D高級人仕那樣，零晨時候都仲係到check email，reply email，director 話要acheive，就先要sacrifice，唉，年紀大，冇嗰種衝勁lah....當然，呢D對住個director時係冇講到出口lah...
今日係公司收到張card，未開黎睇前都有D奇怪為何有一封好唔似係公司的信函的東西，拆開才知原來係一個朋友寄給我的，鼓勵我去面對我的工作，係度同佢講聲THANK YOU
今天係個男同事last day，所以晏晝同佢去飲茶farewell，之後佢請我地tea，哈哈！
我個fd call我，想我今個星期六去佢公司幫手，佢話佢請嗰個account唔係好掂，話佢連basic的debit/credit都搞錯，一些basic的report都出唔到比佢喎，佢打算fire佢，所以要我返去幫手pick up返D野，我真係冇諗過basic book-keeping個女仔都搞唔掂．．．休息左兩個星期又要返返星期六，又要6-day week lu
昨日係公司都係冇咩點做野，主要都係同個director和SFM傾計。晏晝去左稻香飲茶，成個department一齊出去，加埋個COO和他secretary，一行十一人飲茶，我們都好食得，叫左23個點心，加上炒飯及炒菜，居然掃得晒之餘還可以食甜品，我地的食力認真誇張
Lunch後再見多一間banker，之後又再傾計，最後她叫埋個FM入黎，四個人一齊傾，終於又係放工時間，因為個SFM唔得閑陪個director食晚飯，唯有叫我和個FM去陪！同事問我今晚係咪要去做三陪，我話三陪就冇lah，淨係陪食啫，唔使陪瞓同陪飲．．．哈哈．．．
六點幾做野做到八點才出去食飯，問左個HR有咩好介紹，佢話有間出名的打冷都好食，叫我們去試試，係美麗華斜對面的，去到搵左一陣，原來係一個好似街市熟食檔的地方，之前從來都未入過去！
四個人叫了五餸一湯，有”例湯”，”鬼馬油炸鬼”，”？？尖椒”（唔記得左佢的全名），”炒蜆”，”椒鹽魷魚鬚”，”椒絲腐乳通菜”，除了個”鬼馬油炸鬼”之外，其他都好好味，呢個”鬼馬油炸鬼”係係油炸鬼中加了墨魚膠，不過口感好油膩，所以淨返好多！五餸一湯，盛惠二百八十幾蚊！
食完飯本來想去大良八記食甜品，但因為落雨，所以個director唔去lah，下次黎香港時再食wor...
今日基本上沒咩時間係自己個位到做野，十點至十二點同banker開會，因為個director想我接手做banking facilities的野，所以今早一早就話比我聽，要我sit-in她見banker的meeting，今次較星期二那次好，起碼比左一個鐘的心理準備給我，而我又聽過一次，有D idea佢會係meeting入面講D咩。
話咁快又lunch time，出去食飯，食完飯之後，就係同director單對單的對話，係我入職兩年多來，第一次和她傾咁耐，有點appraisal的感覺，一開始她講出公司對我的expectation，而她又想聽下我的諗法，雖然我唔知道今日這樣坦蕩蕩的同佢傾係唔係一件好事，但我都係毫無保留地講出呢幾個月的感覺，覺得自己好confused，getting lost，冇時間去digest，just do what is being told，等等一些比較負面的feeling，同埋，我覺得自己的job duties與job title有一段距離！
從她口中才知，原來她們在interview一個manager的position，她們有意請個manager係我上面，後來，她又說在她們的討論之後，發現好可能我和新的manager的role會有些重疊，或會有些角色不清的情況，所以，最後她決定唔請呢個position住，會hold住呢個位，她希望可以develop我，要我係未來couple of months去perform，去grow，我知道雖然呢D係吹水野，係想motivate我去做多D野，take more responsibility!不過，佢咁同我講係想知我有冇興趣去take呢個challenge，當然，我唔會話冇興趣，我都希望自己真的可以grow，可以independent去做事，不過，capable or not，就要試過先知！
我知我上半年的performance真的好一般，所以，mid-year appraisal，我諗我都冇咩著落，而director亦開口講出呢5個月，我都未meet到佢地的expectation，不過話說回頭，根本就冇人比個direction我，根本唔知佢地對我有咩expectation，所以meet唔到亦都唔奇，但今次傾左咁耐，year end appraisal就唔可以用同一個excuse了。
之後，又同上海黎的Deputy Director開會，傾下HK同SZ的operation，因為佢成日都係SH，所以對我們的運作有點不熟悉，所以去開SZ，就走黎一躺HK，睇下HK的issue。
六點幾了，又要去一個飯局，不過全都是公司的同事，較上次同banker的飯局輕鬆多了，食下飯吹下水，無咁辛苦！
今日收到個SFM的email，通知我們那新黎的男同事做埋下個星期二就走了，我並沒有太大愕然，因為之前係blog到都有寫過，佢成日請假，應該係去見工，今日就証實左了！好彩我一早覺得佢留唔耐，都冇咩handle over比佢，否則又要伶返轉頭，費時失事．．．
今日有兩個人都叫我搵工走lah...但我諗我今年應該唔會轉工住，始終覺得自己experience唔夠，要係度挨下騾仔先lah...做個超級無敵大打雜．．．而且我都係個比較怕見工的人，見工會令我更加失去自信，所以，一動不如一靜，去到最後真的頂唔順才走lah...
尋日我地個director黎左HK，今朝比佢小炳左一輪，話我點解D野由一月拖到五月才去pick-up，心諗，一下子掟十萬樣野落黎，邊可以一次過pickup晒，咪唯有逐D逐D咁去做lor，呢D又相對地比較難的野，我咪拖下先lor！
仲有，無端端叫我一齊去見banker，係banker黎的5分鐘前才話我知要sit-in，雖然我只係”旁聽”，唔需要預備D咩，但心理準備都要lah...我又冇急才，又唔係socialable，入到去戇居居坐係到！
佢話佢對我的expectation會高D，要我take多D responsibility，心諗，點解個manager唔使take more responsiblity，反而我要wor...人工又冇個manager咁多．．．
況且，我都未捉到老闆的心意，有時做A又錯，做B又錯，但我只得A同B選，即係選邊個都係錯．．．
