Marco's - 母親節套餐

今日提早慶祝母親節，同屋企人去左聖地牙哥酒店的Macro's品嚐高級意法大餐，呢個餐可供5-6位用，$880+10%，合乎我屋企人的人數！我第一個去攞位，去到時，侍應只問我幾位，我講左5位，佢就帶我入去了，心諗，我會唔會去錯地方呢，我們有訂位，但佢只問我幾位，搞到我覺得自己好似係walk in客咁！看完餐牌，又沒有我係雜誌到見到呢嗰母親節套餐，我再一次想，我有冇去錯地方呢？因為之前連呢間酒店係邊都唔知，所以怕自己入錯餐廳，哈哈！

待家人來到，我們點菜時就指住雜誌的廣告話要呢個餐！為左要寫blog，所以係開動前，更係要影返張相先吃lah...

首先黎的就係每桌奉送紅酒一支，因其中一個姐姐唔飲紅酒，就叫左杯Mocktails，不過佢就話杯野飲就一般lah...

$28　Orange & Lemon Smoothies

蒜茸炒白菌

法式薯茸焗田螺

白酒煮蜆

黑魚子醬三文魚他他

龍蝦濃湯

芝士蒜茸包 - 食之前唔記得影，三件只剩一件

路仙尼燒春雞 - 比起之前係又一城嗰間意大利餐廳，我覺得呢間的雞冇咁"鞋"

法式芥末子豬仔脾 - 唔夠分，所以冇食過，不過屋企人冇話唔好食

紅酒燴牛尾 - 我們三個都唔食牛尾，父母食晒，佢地話好好食

香煎龍脷柳

加邦拉娜扁麵 - 我覺得呢個麵都幾好食，雖然賣相就一般嘞

海鮮意大利飯 - 太飽了，所以我只試了少許

甜品拼盆 - 外表一般的甜品，冇咩期望，但食落都唔差

咖啡或茶 - 臨尾時有個小插曲，我們吃完甜品之後就order 咖啡或茶，個waiter話個餐唔包，要飲就要另外比錢，因為我帶左個廣告去，我就同佢講，個廣告中的Menu係有咖啡或茶，跟住佢就話佢的Menu係唔包，但因為個Ad出左有，所以我們都係可以order 咖啡或茶了，好彩帶左個Ad去，如果唔係就會少緊個drink嘞

除左個餐之外，我們加左兩客鵝肝，因姐姐話未食過，要試下喎！

煎新鮮法國鵝肝 $58

整體而言，我覺得呢個餐都唔錯，而且都算抵，如果六個人食會更perfect，因為份量都幾多，我地都食唔晒！