新玩具換新玩具

28號買左個新玩具，玩左十日，今天踏入第十一天，問題出現了。

家人打電話給我，我聽唔到佢講乜，於是佢收線再打黎，我都係乜都聽唔到。

再後佢轉了另一個手機打比我，我亦是什麼也聽唔到，我估到佢打電話給我係問我係邊，所以我有理無理，將我係邊講比佢聽，等佢黎搵我，哈哈。

繼上一部手機有這聽不到的說話後，今次唉燶又係咁。真係無癮！！！

唯有拎出去旺角的維修中心去整，佢問我有無backup，無喎。佢話一係我回家back up再拎過黎，一係唔理d野無晒照整。

我唔想再去多一次，問佢，如果我sync過得唔得，咁佢話應該會有backup，所以，我就摶一次，照整。

佢整左10分鐘都係聽唔到，佢就換過部機比我。我問點解會聽唔到？佢話，電子零件要壞的時候，就會壞，無得解！我又問，換比我嗰部係咪翻新機？佢寸寸地咁答，你部新機都係用左十日就壞啦！咁又係喎，況且佢出左十日，應該未咁快有咁多翻新機掛。

新機又好，翻新機都好，最緊要係用得到！！！！