星期六，一家人一齊出去飲早茶，之後，我同姐姐陪她去針灸，因為星期六的關係，所以，比較多人，醫師到有三張床，可以同時針三個，前兩次去時，都係只得我們，但今次去到時，三張床都有人，而且還有一個扒係張枱到針緊！好彩都不用多等，便輪到她了，也是先針背面，背脊有六針，後頸也是六針，較上兩次少，不過，在後面的頭部也針了兩針。
唔知係因為針的地方無咁痛，還是一早給她一個小枕頭枕住個額頭，令她沒那麼辛苦，所以，今次可以針到廿五分鐘都無叫頭痛要拔針，可以瞌下，
左脚一針，右脚五針，肚一針，左手一針，右手六針，頭頂也六針，下顎一針，隔了一陣，再在她仁中位針了一針，額頭三針，鼻樑一針，我問醫師為什麼要針仁中位，佢話呢個位，就算暈左或休克，針一針就可以醒，會好醒神！但從她表情可見，針呢個位都幾痛！
醫師話她的血脈通了一些，比較有反應了！
又大約等左廿分鐘，拔針了，但臨尾也在她右手針下拔下，整左幾下，先完結今次的針灸。
本想約下星期三，但醫師話隔太耐了，所以，要星期二再去，我一次過約晒下星期的時間，可以預先安排搵邊個去陪她去。
坐車回去，因平時上車的地方，有太多車塞住左，而且又有人搬緊傢俬，所以，我地都唔敢係嗰度等車，唯有行去另一個位方等，但，那條斜路又斜又崎嶇不平，所以，我推了一小段路，便叫了姐姐去搵架的士兜過黎，我和她係馬路邊等算了。
回到家附近，就去tea一tea，食完東西就陪她去睇醫生，原本打算叫醫生換過隻葯，因為睇左兩次都止唔到咳，點知去到登記時，姑娘話由另一個醫生代診，我們便順便去另一間診所，試下我睇開嗰個醫生，另一些咳葯水對她會唔會有效一點。
睇完醫生就返屋企，休息一下！
沒有留言:
張貼留言